💕أنت قلبي٢💕

الحلقة ٣١

#انت_قلبي٢
#بوسي_مصطفى
_-____________
الحلقة ٣١

في الجامعة
سيف واقف منتظر مليكة خارج اللجنه.
حمزة : مروح يا سيف؟؟
سيف : شوية كده علشان مليكة لسه بتمتحن
حمزة : اه... طيب انت عملت ايه
سيف : الحمد لله
حمزة : الامتحان كان صعب شوية
سيف : اه كان في سؤال محتاج تركيز شوية.
حمزة : ايوه عارفه السؤال دا
ومتراجعش معايا انا مش ناقص تعب أعصاب
علشان اقدر اذاكر المادة بتاعت بعد بكره.
سيف : طيب مع السلامة.
حمزة : اوك.. سلام.
سيف بيتصل بالتليفون
سيف : ها عملتي ايه؟؟
نادين : متسألنيش.. اللي حصل حصل خلاص
مليكة معاك؟؟
سيف : لا هي جوه لسه بتمتحن قدامها ربع ساعة.
نادين : هي عاملة ايه يا سيف؟؟
سيف : كويسه بس اكيد متأثرة ب سفر باباها
ومامتها
نادين : يا حبيبتي.. قلبي معاها
انا عماله ادعيلها من الصبح
عارفه انها في ظروف صعبه
وكمان امتحانات
حاول تخفف عنها
سيف : مش قادر اعملها حاجه
حتى واقف دماغي بتفكر في كذا حاجه مع بعض
عايز اوصلها وبعد كده اروح المحل اقعد ساعة
ولا حاجه اظبط الحسابات وبعدها ارجع البيت اذاكر.
ودماغي مشغوله وقلقان على مليكة بسبب امتحانات لإنها مش مركزة خالص..
معلش يا نادين هقفل لإن مليكة خرجت هطمن
وابقى اكلمك
نادين : اوك.. سلام.
سيف وقف في مكانه
كانت مليكة حواليها مجموعة من البنات اصحابها بيسألوا عملت ايه في الامتحانات
و باباها صحته أخبارها ايه لانهم عرفوا إنه تعبان.
تركتهم بعد ما ودعتهم وقربت ناحية سيف اللي كان واقف قلقان
سيف : ها عملتي ايه؟؟
مليكة : عايزة اروح يا سيف
اطمن على اخواتي
سيف : طب بس قوليلي حليتي كويس
مليكة :"يعني بس في حاجات مش متأكدة اني جاوبت عليها إجابة كاملة نسيت فقرات معينه
مكتبتهاش وافتكرت وأنا خارجه.
سيف : مش مهم تتعوض في الباقي اهم حاجه
تركزي في اللي جاي.
مليكة : طيب يلا علشان لازم اروح.
هي الساعة كام؟؟
سيف : يعني خارجه من الامتحان ومش عارفه الساعة كام؟!
الساعة اتناشر.
مليكة : من تسعه ونص... ساعتين ونص باقي اربعه ونص
يعني الساعة اربعه ونص هيتصلوا
سيف : بتقولي ايه مش سامعك
مليكة : لا انا كنت بحسب الوقت بس.. مدة الرحلة سبع ساعات
من تسعه ونص يبقى الوصول اربعه ونص صح كده
سيف : صح.. انتي عبقريه في الحساب
مليكة : بتتريق
سيف : هههههههه يلا علشان اوصلك
عند العربية
مليكه : هو لازم يعني تمشي ورايا
سيف : علشان اطمن عليكي
انتي امانه معايا باباكي موصيني عليكي.
مليكة وهي مدمعه : يا حبيبي يا بابي
ادعيله يا سيف يعمل العملية ويخف ويبقى كويس ويرجع لينا بالسلامة.
سيف : بدعي في كل وقت
والهدية بقى هتبقى خطوبتنا
مليكة : بس بابي يرجع بالسلامة.
سيف : طب اركبي العربية
بس على مهلك بقى
مليكة : حاضر.
_______________

في شقة منيرة
رحمة : هي فريدة مبتنزلش يا ماما
منيرة : لا يا بنتي بتنزل بس
مش كتير بنتها  صاحية على طول
ولو نامت نص ساعة ولا حاجه
تنام معاها
اما بقى لو مغلباها شوية فبتنزل
بيها.
رحمة : اه.. طيب
منيرة : لو عايزاها اطلعي خبطي عليها بس اتصلي الاول شوفيها نايمه ولا ايه
اصل ما بتصدق يا حبيبتي بنتها تنام.
رحمة : لأ خليها يمكن تنزل لوحدها
الباب يخبط تقوم رحمة تفتح الباب.
منيرة بتضحك
فريدة : ازيك يا رحمة
رحمة : الحمد لله
منيرة : تعالي يا فريدة كنا لسه في سيرتك
يا بنتي
ههههههههههههه
فريدة : خير ياماما؟؟
منيرة : خير يا بنتي.. اقعدي
اومال فين جميلة
فريدة : سيبتها مع محمد فوق
منيرة : في حاجه ولا ايه؟؟
فريدة : نسيت الدوا بتاع جميلة هنا في التلاجة
لما كنت قاعدة معاكي امبارح
منيرة : طيب ادخلي هاتيه
من جوه : ماما في حاجه على النار
منيرة : اطفي عليها يا بنتي... نسيت.
هي بنتك عامله ايه دلوقت
فريدة : الحمد لله
وَخرجت من المطبخ : محتاجه مني حاجه يا ماما
منيرة : لا يا بنتي سلامتك
رحمة : استنى يا فريدة عاوزاكي في حاجه مهمه
فريدة : طب بسرعه علشان سايبه جميله مع أخواتها
وتركت فريدة الباب مفتوح..
رحمة : متعرفيش إن جوزك حول جوزي للتحقيق
فريدة : مش فاهمه مين اللي متحول ل التحقيق
رحمة : دكتور مصطفى جوزي يا فريدة
فريدة : ومين اللي محوله للتحقيق  وليه
رحمة : اللي محولة جوزك يا فريدة دكتور كريم
ابن عمي
فريدة : مش فاهمه ايه السبب يعني
رحمة : علشان يغطي علي عملته
فريدة : هو مين
رحمة : جرا ايه يا فريدة متركزي معايا امال
هي بنتك خلتك تفقدي الذاكرة ولا ايه
فريدة : يعني تقصدي كريم جوزي محول جوزك
انتي ل التحقيق طب ليه؟؟
رحمة : علشان جوزي المحترم شاف جوز حضرتك
في كذا موقف كده مع الدكتورة اللي اسمها سارة اكيد فاكراها.
فريدة : انتي بتتكلمي عن مين؟؟
منيرة : ايه الكلام اللي بتقوليه دا يا بنتي؟؟!
رحمة : مجبتش حاجه من عندي
هو دا اللي حصل فعلاً
فريدة : اخص عليكي
بقى عاوزه تشوهي سمعة جوزي اللي ضفره برقبة
اي واحد يقول عليه كلمة وحشه
رحمة : لأ عندك هنا
هما مين اللي بيقولوا كلام وحش على جوزك
واضح إنك مش عارفه انتي عايشة مع مين
جوزك بيحب الدكتورة سارة يا مدام وانتي نايمه وبيستغفلك ويخرج يعيش حياته بره
وخليكي مع العيال اللي مش هتنفعك..
بكره يتباهي بيهم قدام الناس كلها
ووقتها مش هيبقى ليكي دور في اي حاجه عملتيها
منيرة : ايه الكلام اللي بتقوليه ل اختك دا يا رحمة؟؟
زمان طلعوا إشاعة برضه على ابن عمك
وطلع كلامهم كله كدب وتلفيق
رحمة :  المرادي لا كدب ولا تلفيق
دي حقيقة وهتشوفوا.
فريدة : اوك يا رحمة كريم وحش وبتاع ستات
زي ما انتي بتقولي
هنفترض يعني إن كلامك صح
انتي بقى عاوزه ايه دلوقت
جايه تجري علشان قلبك على اختك اوي وعايزة تعرفيها الحقيقة
ولا جايه تجري علشان تخربي بيتها ولا تشفي
غليلك من كريم
ولا عايزة ايه بالظبط؟؟!
رحمة : أنا غلطانه يا فريدة إني بوعيكي واعرفك الحقيقة
وانا مفيش جوايا حاجه ناحية كريم
ولا ليه علاقة بيه انا قلبي عليكي انتي.
كريم : لا واضح إن قلبك عليه يا بنت عمي.
رحمة وفريدة يلتفتوا ناحية الصوت كان كريم
واقف على الباب.
فريدة : كريم!!
كريم : ايه يا بنت عمي سكتي ليكي ما تكملي
رحمة : اكمل ايه اكيد انت عارف كل حاجه.
كريم : شوفي يا رحمة انا كنت ناوي مفتحش الموضوع دا هنا في البيت والموضوع ينتهي
وهو بالنسبة ليه انتهى خلاص
لكن بما إن دكتور مصطفى معرفك بقى كل حاجه
فممكن تروحي لحد عنده وتفهمي كل اللي حصل
النهارده
رحمة : حصل ايه
انت بقي عاوز تداري على اللي بتعمله فتقوم تشوه صورة مصطفى صح؟؟
كريم : انا مشوهتش صورته
بس اللي بيجي على كريم انتي عارفه بيحصله ايه.
رحمة : ياريت تقول ل اختي المغفله انت ليه شغلت سارة عندك
ولا لسه متعرفيش يا فريدة؟؟
فريدة : لأ عارفه يا رحمة
وسارة زيها زي اي دكتور شغال في المستشفى
ومش لازم اعرف انا أسماء الدكاترة.. اظن دي حاجه مش مهمه بالنسبالي.
كريم : عاوزه ايه يا رحمة
منيرة : اقعد يا كريم
كريم : اقعد فين يا طنط
مش افهم الأول الأستاذة رحمة جايه تجريل
على هنا في الوقت دا ليه
رحمة : انت هتمنعني اجي بيت بابا ولا ايه
كريم : مش همنعنك
بس هقولك حاجه يا رحمة
ابعدي انتي وجوزك عن حياتنا
رحمة : اه يعني ابعد عن هنا كمان
كريم : انتي عارفه انا اقصد ايه كويس اوي.
رحمة : اوك يا دكتور.. سامعه يا ماما.
كريم : هتطلعي شقتك ولا هتفضلي عندك
فريدة : حاضر يا كريم جايه
وخرج كريم طلع شقته.
رحمة : دلوقت هيبلفك بكلمتين
يلا بالشفا ما انتي طول عمرك مصدقه إنه إنسان شريف عفيف
وهو فيه كل العبر.
منيرة بغضب : رحمة!!
عيب اللي بتقوليه ل اختك ده.
فريدة : سبيها يا ماما تتكلم اظن الصدمه جامده
عليها اوي
بعد ما عرفت حقيقة جوزها
منيرة : ما كفاية بقى انتي وهي
فريدة : حضرتك يا ماما متعرفيش إن جوزها يبقى ابن خالة إيهاب
منيرة : إيهاب مين؟؟!
فريدة : جوزها الاولاني
رحمة : لا حبيب القلب بتاعك وانتي الصادقة..
فاكرة ولا افكرك
فريدة : لأ فاكرة يا رحمة إني كنت مغفله بس فوقت ولاقيت الحب الحقيقي بجد
الدور والباقي على اللي هتفضل طول عمرها تايهه بتخرج في حفرة توقع في التانية
رحمة اتنرفزت وقربت من فريدة
عاوزه تضربها.
منيرة توقف بينهم وتصرخ في فريدة
منيرة : خلاص قولتي اللي عندك اطلعي بقى
شقتك
وانتي كمان تاخدي بعضك وترجعي بيتك يلا بقى كفاية اللي قولتوا لبعض
خرجت فريدة وطلعت شقتها.
رحمة حدفت كوباية في ازاز باب الشقة
وهي بتصرخ.
حازم جاي من بره دخل جري ومعاه عمه أكرم وميرفت وندى
و بيحاولوا يهدوا رحمة اللي اول مرة يشوفوها
في الحالة دي
اما كريم وفريدة محدش منهم نزل تحت.