ماذنبي انا 💔

❤الحلقه الثالثه ❤

رواية ماذنبي انا
للكاتبة 👑Mony Abdullah 👑

جديده :يابنيتي منسألك
انا:بهتمام نعم
جديده :يابنيتي مش عندك قرايه وكنتي تقري شنو صار فيها وانتي من لما جيتي عندي ماحكيتيش عليها
انا :ياجديده معاش نبي نقرأ والقرايه معنديش فيها نيه خلاص كرهتها واني توا نبي انساعدك ونهتم بيك هكي عندي خير
جديده : لا يابنيتي قرايتك اهم زي سلاحك في الحياة خاصتن في الوقت هادا ماتسيبهاش سلم بنتي عاجبك حالي تقعدي كيفي جاهله لاتعرفي تقري ولاتكتبي اهاا قوليلي
انا :مش عارف مزال مش مستعده ليها بعد يلي صار توا لما تبدأ يصير خير مزال عليها شهر هيا توا ان فكر فيه تمام😊
جديده :ابتسمت اي تمام سلم بنتي فكري بشوي عليك
كملنا الفطور نضت ضميت المطبخ ولفيت علي الحوش وكسدت علي النت 📱

في العشيه
جديده : شنو رايك يابنتي نعدو نشرو دبش ليك وحجات ناقصاتني ومنها نغيرو جو
انا :فرحت اي تمام حتى اني مليت من الحوش ومشيت نجري نوتي في روحي 😁
(عاد البنات وسوق مافيش روح بكل هههه 😂)

لبست قميص ابيض مع سروال اسود وسبيدرو ابيض و وشاح اسود وبخيت عطر وطلعت

انا :جديده كملتي
جديده :اي يابنتي هيا
وطلعنا ركبنا تكسي ومشينا للمول كبير خشينا لقسم الملابس
جديده : شوفي هادي محلاها تطلع عليك تهبل
انا :لالا ياجديده فيها الأوان واجد واني مانحبهنش الموديل هادا فكيني منها
جديده :عارفتك اني باين من منضرك شوفي لبسك تقول ولد مش بنت مش زي لبس البنات يلي في عمرك وانتي طول عمرك في الابيض ولاسود ماتغيري بكل واني توا نعرف شنو نلبسك
انا :سكتت لان كلامها صح واني بيني وبينكم نبي انغير من طريقت اللبس متاعي😁
جديده :شرتلي تركيبات حلوات الحق دوقها هيا عجبني شوفو مايطلع منها ههههه😂كملنا حاجاتنا وتعشينا في المطعم وروحنا بدلنا وصلينا ورقدنا من التعب

مافيش احداث كل يوم نفس الشئ الروتين لعند يوم ماروح البطل متعنا من السفر تعالو نشوفو شنو بصير 😊
انا :جديده منطلع اني وفرح شويا ونجي
جديده :وين بتطلعن وين بتعدي انتي وفرح
انا :تبي كتاب من المكتبه وبتشري هديه أختها عيد ميلادها بكرا وحتى اني منشريلها هديه لأنها بدير عيد ميلاد في حوشهم ولازم نشريلها حاجه
جديده :تمام عدي ماطوليش عندك فلوس كان هادا نعطيك
انا :اي عندي صحيتي يااحلى جديده هيا منعدي نبدل

خليني نعرفكم علي فرح بنت جيرانا تعرفت عليها بنت طيوبه وفرفوشه تهبل غيرت فيا هلبا حجات اكبر مني بسنه مواليد 2000بيضه عيونها زرق ونفس طولي وعندها اخت في الاعدادي صاحبت عيد الميلاد اسمها لين وامها سالمه ماعندهاش خوت

لبست قميص لونه وردي فيه ورد ابيض مع سروال ازرق باهت وسبيدرو ابيض ووشاح ابيض ودرت شوية ميك اب
انا :جديده اني عديت باي
جديده :مع سلامه يابنيتي ربي يحفضك
انا :حبيبتي انتي 😘
لقيت فرح طالعه من حوشهم
فرح :جنوو شنو الجو حبيبتي
انا :اهلين فروح تمام شنو جوك انتي ياعمري
فرح :بخير دام انتي بخير ياقلبي انتي
انا :نجك ليا حبيبتي

Mony Abdullah : كملتن الغزل ولا مزال😂
جنان :ههههه لامزال راجي شويه😂😂

انا :اي حبيبتي وين منمشو الاول
فرح :المكتبه وبعدين لي محل الهدايه
انا :تمام هيا
طبعاً فرح اتسوق ركبنا في السياره واني وفرح مدايرين العار في السياره أغاني علي أعلى صوت ونغنو مع الاغنيه يلي اتجي ههه 😂😂😂
مشينا للمكتبه خدت فرح الكتب وطلعنا لمحل الهدايه وحني في الطريق فرح تهدرز معايا و ماتندريش علي شئ لعند ما تخبط سيارتها في السياره يلي قدامها وبدأت الحرب هههه 😂😂
فرح :ياناري الاحرف ان شاء الله سيارتي مافيهاش شئ ونزلت تجري😅
انا :شنو صار ونزلت

عند محمد اي محمد صاحب السيار البطل متاعنا شرف 😁 خلوني انعرفكم عليه الاول
محمد مواليد 1994 مواصفاته ياحنا جنتن مان😎 ابيض عيونه سود وشعره اسود وعنده  لحيه سوده طويل وعنده عضلات جسم رياضي طرف من الاخير ياكبدي🙈😂

محمد :تنرفز عليك نهار ما مغبر شكله ونزل😡

نهاية الحلقه سادكم لعند هنا شنو رايكم فيها😊

#كيف ردت فعل محمد حتكون؟؟
#كيف حيكون لقاء محمد مع جنان؟؟

للكتابه 👑Mony Abdullah 👑