عامر بضحك: شمس مش مراتي
سارا نظرت له بصدمه اكبر من صدمه الكل
عامر: انا اصلا مش متجوز
ادهم: يعني اي امال ياسين
عامر: ياسين يبقا ابن عمي احمد وبيقولي بابي وبيقول لشمس مامي
سارا: ا ام امال ش شمس تبقا مين
عامر بإبتسامه: شمس تبقا اختي الصغيره
زينب: oh my god
سهيله لسارا: طلع مش متجوز
سارا: انتى اخته
شمس بإبتسامه: ايوه اخته
سارا: يحبيبتي وضمتها بشده تحت استغراب شمس
حازم: هو في اي افهم
ادهم بإبتسامه: وانتي يا شمس مرتبطه
شمس: لا سنجل
ادهم: بتتعلمي ولا لا
شمس: بتعلم الحمد لله
زينب: انتي تخصص اي صح يا شمس
شمس: نساء وتوليد
حازم: دكتوره
سهيله: نساء وتوليد هاتكون مهندسه يعنى
عامر: ههه هتقعدي يا شمس
شمس: لا همشي انا بقا see you
وركبت الحصان وانطلقت بسرعه
سارا بإبتسامه: اختك عسل
ادهم وهو ينظر بإبتسامه الي الاتجاه الذي ذهبت شمس منه: جدا يعني
عامر: بتقول حاجه يا ادهم
ادهم انتبه: احم لا مش بقول
__________في الليل__________
في غرفة سارا
سارا بسعاده: ماطلعش متجوز طلعت اخته
سهيله: يخربيتك دوشتيني من الصبح
سارا وهي تقفز ع السرير: انا بجد مش مصدقه
زينب مقاطعه: ماتفرحيش اوي كده يا سارا
سارا جلست وقالت بتسائل: ليه مافرحش
زينب: عامر ماينفعكيش يا سارا بلاش تحطي املك ف حد هيضرك
سارا: ليه بتقولي كده يا زينب عامر عمره ماهايضرني
زينب: اوعي تنسي يا سارا انه صعيدي ماشوفتيش الست الي اسمها فاطمه دي كلمتنا ازاي لما كنا خايفين من الحارس الضخم ده معقول هتقدري تعيشي معاها ف بيت واحد والا الچد الي لما بيتعصب بيبقا مرعب بجد
سارا: انا بحب عامر ومش هتخلا عن حبي ليه عشان حاجات تافهه
زينب: الي بتقولي عليها حاجات تافهه دي ممكن تعاني منها كتير ف المستقبل ده لو حصل وعامر حبك
سارا نظرت لها
زينب: اوعى تنسي انه مش بيحبك ماتحطيش املك ف حاجه مش اكيد
سارا: انا هاعمل المستحيل عشان يحبني انتي بكره لما تحبي يا زينب هاتفهمي الشعور الي انا فيه ومش هايهمك كل الحاجات الي قولتيها دي
زينب: وانا مستحيل اتجوز شخص ممكن يأذيني
سارا: انتي بتسمي اهله اذى
سهيله: بكره لما تحبي يا زينب هاتفهمي لكن دلوقتي مهما حاولت تقنعك مش هايجيب بفايده معاكي
المفروض تشجعيها ع الاقل هيا جريئه وهاتحاول تخليه يحبها وقريب هاتعترفله بحبها مش زيي شاطره بس احبه بيني وبين نفسي
سارا: حازم شخص كويس يا سهيله ماتضيعيهوش من ايدك حاولي تحتويه
زينب: والله انتوا الاتنين عبط ومش هضيع وقتي معاكوا انا رايحه انام
وخرجت مسرعه وهي متعصبه من كلام صديقاتيها فاهي لا تريد ان تراهما مجروحتان بسبب هذا الذي يدعى الحب ولكن مهما حاولت فلن يجدي نفعا فهما مصرتان وسط تفكيرها هذا اصتدمت بشخص طويل عريض وكانت ستقع ولكن امسك بها بسرعه
بلال: انتي كويسه
زينب: مش تفتح وانت ماشي
بلال: انتى الي كنتي سرحانه علي فكره وخبطتي فيا
زينب بعصبيه: وانا برضوا الي كنت هاقع
بلال: وانا لحقتك المفروض بقا تشكريني
زينب ابتسمت ابتسامه صفره وذهبت من امامه وهو ظل ينظر لها وهو مبتسم
بلال وهو بداعب شعره: لمضه
_________في الصباح_________
على السفره الكل متجمع
ادهم: امال فين شمس
الكل نظر له
عدنان: وانت بتسأل عنيها ليه
ادهم: احم عادي يعني الكل متجمع الا هيا
عامر: شمس نازله اهى
فاطمه: مفكره نفسك اميره ونازلة متأخر لييه
بعد اكده تنزلي بدري عشان تحضري الوكل مع الحريم سامعه يبت ليله
عامر بعصبيه: مرات عمي اتكلمي مع شمس بطريقه احسن من كده ولما تجيبي سيرة امى تكون بطريقه كويسه
فاطمه: واه واه هيا جاعدت مصر هاتجويك علي ولا اييه
بلال: امي لو تلاحظي كل عاركه بتحصل بينك وبين شمس بتكوني انتي الا بدأتي الاول خلاص يا امي مرات عمي ليله ماتت خلاص بكفياكي اكده
فاطمه: انت بترد عليا يا بلال
عدنان بغضب مكتوم: خلصتوا
فاطمه: يا بوى انى عايزه ماصلحتها
عدنان: هيا ماعدتش صغيره وتعرف مصلحتها كويس
سعيد: شمس بتحاول تجلل نزولها عشان ماتتخلطش بيكي وتتعاركوا يا فاطمه
عدنان: اسكتوا، اجعدى يا شمس
عامر قام من مقعده
شمس: علي فين يا عامر
عامر: خارج اشم هوا شويه
وذهب وبعده قامت سارا واستأذنت وخرجت وراء عامر وظلت تبحث عنه الي ان وجدته يجلس امام بحيره واقتربت منه
سارا: انت كويس
عامر اومأ راسه بنعم
سارا: امال قاعد كده ليه ماهو انت بتقعد القعده دي لما تكون زعلان
عامر: مين قالك كده
سارا: في كايرو كنت بتقعد قدام النيل
عامر: انتي بتراقبيني بقا
سارا بتوتر: ا انا ل لا بس يعنيي
عامر وهو ينظر لها بإبتسامه: طب ليه اتوترتي طيب
سارا: انا لا خالص ماتوترتش
عامر: خدي
واعطاها بعض الحصى
سارا: اي دول
عامر: اعملي زيي
واخد حصوه ورماها بطريقه معينه ف البحيره لتقفز عدة قفزات قبل وقوعها ف الماء
سارا بضحك: انا بشوف الحركه دي في الافلام
_______________
ف القصر والكل يأكل وفجأه سمعوا صوت ضجيج كبير من الغفر وطرق شديد علي الباب وصوت صهيل حصان وفجأه الباب فتح ودخل شاهين (الحصان) وهو يركض والغفر يحاولون منعه ولكن لا يستطيعون تهدأته وحتي سعيد واحمد قاموا مسرعين نحوه لهديئوه ولكن بدون جدوي فاقامت شمس مسرعه نحو مهرها وهي تحاول تهدأته
شمس: اي يا شاهين مالك اي حصل
شاهين يصهل وكأنه يستنجد بشمس
شمس بصوت عالي نسبيا: شهد بتولد وخرجت مسرعه والحصان خلفها والباقين وبالفعل كانت شهد تلد وشاهين كان يحاول ان يخبر شمس لا غير
شمس طلبت الادوات بسرعه وف خلال دقيقه كانت الادوات امامها وطلبت من بلال ان يخرج شاهين وخرج بصعوبه وشمس بدأت في مساعدة شهد ف الولاده وبعد 20 دقيقه خرجت شمس متجهه نحو بلال الذي كان يقف وبجانبه اصدقاء عامر وعندما لمحها شاهين ظل يصهل ويرفص محاول الافلات من بلال
شمس اقتربت بإبتسامه وهدأت مهرها: چابت مهر جميل جوى جوى يا شاهين
شاهين يصهل
شمس: ماتجلجش شهد بخير حتي انا جايه اخدك ليها هيا عايزاك
بلال: با بنتي بطلي شغل الجنان ديه انا بدأت اخاف منيكي
شمس صوت ضحكتها تعالت حتي ظهرت غمزتها: هاخد شاهين لشهد
واخذت شاهين الذي كان خائف علي شهد وطمأنته عليها وجاءت له بالمهر
شمس: نسميه اي بجا
انا محتاره نسأل عامر لما ياجي
وبعد فتره ليست بكبيره جاء عامر هو وسارا وهم يضحكون
سعيد: كنتوا فين اكده
احمد: شهد ولدت يا عامر
عامر بخصه: ايي ولدت وركض مسرعا الي الاسطبل ووجد شمس تجلس امام شهد وشاهين الجالسوف ايضا وبجانبهم مهر صغير يخطلت لونه بين الابيض والاسود
عامر: شمس
شمس: تعالي يا عامر شوف المولود الجديد
عامر: اي حصل
شمس قصت له ماحدث
عامر: ده كله حصل وانا برا
شمس: نسميها اي انا محتاره
عامر: لوزا .. نسميها لوزا
شمس: جميل
وبعد فتره خرج عامر وشمس والكل كان منتظرهم بالداخل
عدنان: ها يا شمس شهد عامله اي
شمس: لو ماكنتش لحقتها كان زمان لوزا ماتت
سعيد: لوزا ؟!
عامر: ايوه ده الاسم الي سمناه للمهر
هدير: جميل الاسم
ياسين: مامى انا عايز اشوف لوزا
شمس: بعدين يا ياسين هيا نايمه دلوقتي
والكل ذهب الي عمله
سعيد واحمد الي الشركه وعامر واصدقاءه الي الارض وشمس الي غرفتها لتدرس وعدنان ليري احتياجات اهل البلد فهو عمدتها والباقين الي مشاغلهم العاديه
__________في الليل__________
في غرفة شمس الباب خبط
شمس: اتفضل
دلفت سارا
شمس: اتفضلي يا سارا تعالي
سارا: سوري اني قطعتك عن المذاكره بس كنت جايه أشكرك
شمس: علي ايه
سارا: ع الي عملتيه معايا لما كنت تعبانه
شمس: لا عادي ده واجبي
سارا: وبصراحه في حاجه تانيه
شمس بإبتسامه: بخصوص عامر
سارا: عرفتي منين
شمس: حسيت
سارا: بصراحه يعني انا عايزه اقولك يمكن تساعديني
شمس: قولي
سارا: انا بحب عامر
شمس مبتسمه
سارا: اي كنتي عارفه
شمس: كفايه نظرتك ليه
سارا: يعني باين عليا اوي كده
شمس: بصراحه اه خصوصا لما خرجتي وراه انهارده
سارا بإحراج: احم طب هاتساعديني
شمس: هساعدك
سارا: بجد واحتضنت شمس بشده
_________في الممر زينب كانت تمشي وفجأه اصتدمت ف بلال
بلال بإبتسامه: انتي تاني هو انتي مابتزهقيش
زينب: انت الي كل شويه تخبط فيا ماتفتح وانت ماشي كده وابعد عشان عايزه اعدي
بلال: ولو مابعدتش هاتعملي ايه
زينب: هضربك
بلال: طب وانا عايز اضرب
زينب خبطته خبطه شديده من منظورها
بلال: اخرك
زينب: يلهوي اي ده حجر
بلال: هههه عدي يا زينب
زينب عندما سمعته يقول اسمها لا تعرف ماذا حدث لها وكأنها اصبحت في عالم اخر
بلال: اي هتفضلي بصالي كده كتير
زينب افاقت من شرودها: ا احم وذهبت مسرعه من امامه وهو ظل ينظر لها وهو مبتسم ودخلت الي غرفتها ووقفت خلف الباب وهي تضع يدها علي قلبها الذي يعلن تمرده وتحاول ضبط انفاسها المرتبكه
وفي غرفة ادهم كان متسطح علي السرير يفكر في شمس التي احتلت تفكيره منذ اول مره رآها فيها وعيونها التي سحرته وقلبه الذي يعلن تمرده عندما يراها
_______في الجنينه________
حازم يجلس ويتأمل السماء وقطع تأمله دخول سهيله عليه وكان ترفع شعرها الي فوق علي شكل قطه وترتدي بجامه ورديه وكانت تبدوا مثل الطفله نظر لها حازم بإعجاب
سهيله: ينفع اقعد معاك
حازم بإعجاب: اكيد طبعا
سهيله جلست بجانبه: المكان هنا حلو اوي
حازم وهو مازال ينظر اليها بإعجاب: اوي
سهيله: طول عمري كان نفسي ف اخ زي عامر كده
حازم: زي عامر!
سهيله: يعاملني زي معاملة عامر لشمس يعني ويكون سندى وضهرى ويحميني من بشاعة الدنيا دي
حازم: ليه بتقولي كده
سهيله: عشان الي كل بنت بتتمناه من ابوها انا مالقتهوش بابا بعد وفاة ماما بشهر واحد اتجوز
مستناش حتي تخلص الاربعين راح واتجوز وبقا بتاع مراته اوي تقوله يمين يبقا يمين شمال شمال بقا بييجي عليا عشانها هيا بتكرهني وبتعاملني وحش ولو اتكلمت بيضربني وبيهزقني وبيهني عشانها عشان الست هانم مراته ماتزعلش اتمنيت كتير يكون ليا اخ يحميني منهم
حازم وضع يده علي ذقنها وجعلها تنظر له ومسح دموعها التي كانت تنزل بغزاره وهي تتكلم: وليه ماكنتيش بتحكي يا سهيله وكاتمه كل ده
سهيله: عادي ماببقاش عايزه افتكر بحاول انسى ده كله كل مره اخرج فيها من البيت
انت عارف اول ماقولت لبابا اني هاسافر الصعيد اسبوع قالي ف ستين داهيه يارب ماترجعي انا مش مرغوب بيا في البيت بابا بقا وحش اوي معايا قبل ما ماما تموت كانت بتخبي وحاشته دي بس بعد مراحت اكتشفت انه شخص ماعندهوش انسانيه ابدا وفيه عيوب كتير انا بنته ضناه ليه بيعاملني كده وعشان واحده لا راحت ولا جت انا كذا مره اتمني وانا خارجه من البيت اني يحصلي حاجه واطلع فوق لرب العالمين هو ارحم وهكون عنده مرتاحه احسن ما اعيش في عالم مش مرغوب بيا فيه
حازم ضمها ليه وهي ظلت تبكي بشده
حازم: ماتقوليش كده ربنا يطول في عمرك احنا كلنا بنحبك يا سهيله وربنا هايعوضك كتير جدا صدقيني بس انتي خليكي واثقه فيه
سهيله: سوري لو ازعجتك بكلامي
حازم: لا طبعا انا اتبسطت انك خرجتي الي جواكي ليا وبعدين هتزعجيني ازاي ده واجبي اني افضل جمبك في الحلوه والمره
سهيله: شكرا با حازم
حازم: قلب حازم
سهيله ابتعدت وكانت تشعر بخجل بسبب احتضانه لها
حازم: وبعدين الوش ده مش بيليق عليه الزعل
سهيله: الزعل مكتوبلي
حازم: وانا موجود عشان اصلح الي اتكسر
سهيله: الي اتكسر عمره ماهيتصلح
حازم: بيتهيألك مش لازم نخلي ابوكي يبقا كويس معاكي
ممكن نخليكي انتي الي قويه لحد ماتبعدي عنه وتتجوزي
سهيله: اتجوز مره واحده
حازم: الف واحد يتمني بس نظره من القمر
سهيله شعرت بخجل
_________في الصباح الباكر__________
خرجت شمس متجهه نحو الاسطبل وكان ادهم يقف في النافذه ورآها وخرج هو الاخر
في الاسطبل شمس تهتم بشهد ومهرها ودخل عليها ادهم
ادهم: صباح الخير
شمس: صباح النور، اي مصحيك دلوقتي
ادهم: عادي (ووقف بجانبها) انا بحب ركوب الخيل جدا
شمس: واضح انه في صفه مشتركه مابينا
ادهم: هو انتي حلوه كده ليه
شمس: خلقت ربنا هانعترض
ادهم: ايوه نعترض لو هاتفضلي تسحري الناس بجمالك ده زي ما سحرتيني
شمس: غريبه يا ادهم مش انت برضوا مابتحبس بنات الصعايده وبتكرهم اي حصل
ادهم الذي سحر عند سماع اسمه منها: اي عرفك ده
شمس: انا اعرفكوا كلكوا وشوفتكوا قبل كده وعامر بيحكيلي عنكوا واعرف كل حاجه عنك كنت معجبه بيك بس لما عرفت نظرتك لبنات الصعيد كرهتك وقررت ابطل تحريات عنك
ادهم برفع حاجب: انتي بترقبيني بقا
شمس: افهمها زي ماتفهمها بقا يابن المدينة وتركته وذهبت
شمس في نفسها: انا هوريك بنات الصعايده واما وقعتك يا ادهم مابقاش اسمي شمس
ادهم: معجبه وكرهتيني وده كله وانا ف البطيخ، بس علي العموم هرجع حبك ليا تاني يا شمس ده لو كنتي كرهتيني بجد
_________بعد ساعات___________
هدير: خدي يا شمس ودي الوكل ديه لعامر واصحابه وعدي علي البستان وانتي راچعه هاتي فراوله
شمس: حاضر يا مرات عمي
وخرجت واخذت شاهين وذهبت لعامر
شمس: عامر الاكل
سارا: هو احنا هناكل هنا ازاي
عامر: زي الناس
حازم: ياعم انا عايز لفه الاول بالحصان ده
شمس: شاهين مش هايرضي للأسف بالإضافه اني مستعجله وعايزه الحق
عامر: علي اي
شمس: الحق اجيب فراوله من البستان يالا سلام وذهبت وكانت مستغربه ان ادهم لم يكن موجود
اتجهت الي البستان واخذت السله وظلت تقطف الفراوله من الشجر ووجدت تفاحه حمراء اعجبتها ولكنها كان مرتفعه بحثت عن سلم لتصعد وتأتي بها ووجدت السلم ووضعته واخذت سله اخري وصعدت واخذت التفاحه وقطفت بعض التفاح ايضا في السله وفجأه فقدت توازنها ووقعت ولكن وجدت من يحملها بسرعه
شمس: عاااا
ادهم: لحقتك
شمس: ا ان انت بتــ ـعمل اي هنا
ادهم: براقبك
شمس رفعت حاجب
ادهم: مش تاخدي بالك افرضي ماكنتش موجود كان اي حصلك
شمس: شاب المدينه خايف علي بنت صعيديه جميله اوي دي، نزلني لو سمحت عايزه امشي
ادهم رفع حاجب: ولو مانزلتكيش
شمس: هازعلك
ادهم: زعليني
شمس فجأه ضربته بقبضتها علي وجهه وانزلها بسرعه ووضع يده علي عينه
ادهم: ااه يا مفتريه عيني كانت هاتتشال
شمس: عشان تتلم
والتقطت التفاح الذي كان علي الارض ووضعته في السله ومن ثم ذهبت مع شاهين وتركت ادهم ينظر لها بغضب
_________في المساء__________
عدنان: فاضل ثلاث ايام انا نفسي افهم هاتزرعوا ازاى في اسبوع يعني
زينب: لا هو المشروع عباره عن ارض بور واحنا نصلحها وده الي بنعمله والمطلوب انها تكون جاهزه ف اسبوع
سعيد: لامؤاخذه ف السؤال انتوا هتودوا الارض للدكتور ازاي
عامر: هنودي اي يعمي احنا بنكتب كل حاجه بنعملها واي الطريقه الي استخدمناها في اصلاح الارض وبعض البحوث التانيه وحاجات كده كتير
احمد: ربنا يوفقكوا
شمس: هيا فين سارا
زينب: كانت هنا مش عارف راحت فين
شمس: ماشوفتهاش من فتره
سهيله: لايكون تعبت تاني
عامر بقلق: طب اطلعي يا شمس شوفيها ف اوضتها
شمس: حاضر وطلعت وبعد فتره قليله نزلت
دورت عليها في الدور كله مش لاقياها
فاطمه: هاتكون راحت فين يعني
هدير: يمكن في الجنينه برا
عامر خرج ماشفهاش ودخل المطبخ مالقهاش
شمس: انا ابتديت اقلق
عامر: انا هخرج ادور عليها
حازم وادهم: هانيجي معاك
شمس: لا خليكوا انتوا هنا هو عامر هيتصرف
عامر خرج مسرع وشمس ابتسمت بخبث وادهم لاحظ ابتسامتها ورفع حاجبه
سهيله: هيا اكيد خرجت تتمشي مافيش حاجه
الكل طلع لغرفته يناموا عدا شمس واصحاب عامر وبلال
ادهم: هو في اي يا شمس
شمس: اي
ادهم بخبث: فين سارا
شمس: وانا هعرف منين
ادهم: مش مرتاحلك
شمس: ماطلبتش راحتك
بلال: طب انا بقا كمان مش مرتاحلك وحاسس ان في ان ف الحوار
زينب: هو انتي عرفه هيا فين
شمس: ياريت نبطل اسأله عشان دماغي مصدعه
ادهم بإستفزاز: سلامتك من الصداع
_____________
عامر ف الخارج يبحث عن سارا بقلق الي ان وصل الي البحيره ووجدها تقف وتعطية ظهرها اتجه نحوها مسرعا
عامر: سارا
سارا مبتسمه
عامر: قلقتيني عليكي ليه خرجتي ف الوقت ده
سارا: بجد قلقت عليا
عامر ولاحظ ماترتديه وشعر بغضب وكانت ترتدي فستان اسود رقيق يصل الي فوق الركبه ويظهر نصف الظهر ومفتوح عند الصدر
عامر بغضب: اي الي انتي لابساه ده، انتي خرجتي كده من القصر والناس شافوكي
سارا بتوتر من غضبه: ايــ ـوه
عامر بصراخ: انتي متخلفه ازاي تخرجي كده
سارا بخوف: اي يا عامر بتزعقلي كده ليه وناقص تضربني
عامر بغضب: ده انا اكسرلك دماغك كمان
سارا بدموع: مش انت عامر الي اعرفه واضح ان زينب كان عندها حق لما قالتلي انك عامل زيهم وهتعذب وانا معاك وانا قولتلها عامر متحضر وانا بحبه ومستحيل يأذيني بس واضح انتي كنت غلطانه
وجاءت تمشي من امامه بسرعه ولكن عامر اوقفها ممسكا يدها
سارا بدموع: لو سمحت ابعد عايزه امشي
عامر جذبها الي حضنه وضمها وهي ظلت تبكي بشده
عامر: انا عمرى مأذيكي يا سارا
سارا بين بكاؤها: انت كنت هاتضربني
عامر: لا ابدا ده بس كلام ف وقت غضب
سارا ابتعدت ونظرت له: يعني ماكنتش هتضربني
عامر بحنان: لا بس انا اتضايقت لما خرجتي كده الناس هتقول عليكي اي (وامسك بجلبيته وقلعها وسارا تفاجأت بعضلاته البارزه)
سارا بصدمه: هيي انت بتعمل اي
عامر: خدي البسي دي
سارا: دي .. بس
عامر: من غير نقااش
سارا اخذتها وارتدتها
عامر: كده افضل يالا عشان الوقت اتأخر
____________في القصر___________
زينب: كده كتير اوي اتأخر
بلال: ولا كتير ولا حاجه بس انتي الي عامله زي الفرقعلوز
زينب: والله دمك تقيل اوي
سهيله: ليه ده دمه زي العسل من ساعة ماقعدنا وهو مموتنى ضحك
زينب: ونبي اسكتي
وهنا جاء عامر وسارا والكل اتفاجأ بعامر الذي كان يرتدي بنطال وعاري الصدر وسارا التي ترتدي جلبيته
شمس: اي ده
يتبع.......
#كتابة خديجه وليد
