#انتقامي_من_اريمار هدولة الجزانسية

الحلقة 16

#انتقامي_من_اريمار الحلقة :16
#ممنوع_النقل_بلا_اذن
#H_B
حل عينيه شاف الساعة تكسل في بلاصتو و تقعد مشا لدوش عمل دوش خفيف و خرج توجه لدريسينغ لبس كوستيمو رش من بزفانتو لبس ساعتو ريقل شعرو بصوابع يديه و جا خارج هبط لتحت لقاهم وجدولو لفطور قعد يفطر و يخمم نوقز لباب
حلت الخدامة لباب
فراس: وينو
خدامة : فالصالة يفطر مشا ديراكت عندو و دخل
فراس : امم صباح لخير  شايفك رايض ليوم و تفطر
اسر: ولي يصبح عليك يكون خير شتحب على صباح
فراس : ليوم عندنا ما نعملو
آسر : شفما وصلتو لحاجة
فراس: اممم  ل **** لي حكمناه مدلنا بلاصة  اما محبش يهدر على البوس
آسر : ***وهذا وين باش تحكي هيا نروحولها
فراس : بعثت مجموعة من رجالنا يتفقدو لبلاصة لين ما نوصلو حنا
اسر ناض من بلاصتو مشا هز سلاحو ركحو على خصرو  و خرج و فراس ماشي وراه  خرج شاف رجالو كل واجدين عمللهم اشارة بيدو حللو واحد منهم باب الكرهبة ركب وركب جنبو فراس و 5 كراهب  متشابهين كحل من وراه ركبو رجالو و ديماراو كورتاج لبلاصة لي رايحينلها ...

كملت قرات عندها ساعة فراغ خرجت مع فروزان يمشيو لاقرب فاست فود يتغداو
فروزان: مسمطو الپروف
براءة : امم انا بش نموت من جوع
فروزان : وانا ثاني خلي نمشو ناكلو شي حاجة
براءة : باهي
راحو لاقرب واحد ودخلو 
فروزان : بش ناكلو سوندويتشات شورمة !
براءة : اوكي جيب اي شي المهم ناكل ههه
فروزان : بقرة هاذي و ناضت راحت تكموندي
حطت يديها في صاكودوها تلوج على تيليفونها تحس بواحد قعد  فالشاز لي قدامها طلعت عينها و قبل ما تهدر
👤: ما تعمل حتى حاجة  راهم يراقبو فيك مدمزال اودري
براءة : شكون يراقب فيا و شكونك انت منين تعرف اسمي ؟!
هي تفاجأت غير امها كانت تعيطلها اودري ...
👤: مباعد تعرفي شكون انا اما تو ايذا حابة تعرف  حكايت امك وبوك و لحقيقية الكل كي تفضاي عيط لنمرو هذا و حطلها كارط في يدها اما ما تسال شي تو راني رايح 
وهز روحو فيسع خرج كيما جا بقات تبع فيها بعينيها لين غاب و رجعت تشوف فالكارط
فروزان : شبيك براءة
تخطفت وزربت حطت الكارط في صاكودوها
براءة : شي و شافت الصوندويتش في يدها اممم يشهي
فروزان: خوذ كول لا تكلني ههه و ضحكو

فايت ساعة و هوما يمشيو و صلو لدار في وسط لغابة مبنية باللوح نزل هو ورجالو دور وجهو شاف البلاصة كلها شجر  و خالية  رجالو محاوطين المكان كل مد اشارة لرجالو يدخلو على الدار بعد ما شاف كل شي امن مشا و دخل و وراه فراس
👤: مفما حتى حد هوني
آسر : تو لوجو على حاجة تنجم تفيدنا هنا
فراس: شاف شميني آسر  ايجا تشوف
آسر : شفما
فراش: شوف
آسر ؟!! شفما
فراش : شوف الفحم جديد يعني ماعندوش برشا من لي طفا
آسر : اممم صحيح اما وش مشعل شمني و الحال مش بارد اكيد حبو قبل ما يكمل هدرتو
آسر : لازم نخرجو تو كاين فخ هوني  زرب خرج هو و فرااس والرجال و تطرطق الدار من وراهم
فراس : اسر لباس
آسر : امم
فراس: ***** شحبو من ***
آسر : حبو يتخلصو منا و يكملو خدمتهم لي بداوها من سنين اما والله و نلقاهم ***** الكل
ناض و امر رجالو يحوسو ورا الدار بلكشي فما حد
فراس: شباش نعملو تو
آسر : تو باش نقتل **** لي وصلنا نجيو لهاذ لبلاصة
ركب كرهبتو ركب جنبو فراس و طار لوين حاطينو جنون راكبينو
حبس عند الباب بالقاوي نزل خبط البا ب بكل غش نارو شاعلة الغش ماليه و عنيه ما يبشروش بالخير وصل عندو بلا حتى ما هدر جبد سلاحو و قوسو جاتو الرصاصة بين عينيه
لحقو فراس
فراس : علاه قتلتو بلاك كون زيرنا عليه كان هدر
آسر : في جرتو كونا راح نروحو فيها قبيل تو تقول بلكشي يهدر! ...