💕أنت قلبي٢💕

الحلقة ٣٣

#انت_قلبي٢
#بوسي_مصطفى
______________
الحلقة ٣٣

في محلات نادين
كمال قاعد بيراجع الحسابات
مع سيف.
وسيف مش مركز خالص باله مشغوله مع بابا مليكة
اللي بيعمل عملية دلوقت.
وكمان قلقان على مليكة وعارف قد ايه
هي قلقانه وتعبانه دلوقت.
كمال : شكلك تعبت يا سيف
سيف : لا أبدا يابابا
انا مع حضرتك
كمال : يا حبيبي أنا قولت امشي رجلي واهو اسلي
وقتي شوية
انت عارف بقى اخدنا الاجازة وقاعد فاضي
مورييش حاجه.
سيف : بابا ممكن استأذن حضرتك
اتصل ب مليكة اطمن عليها
كمال : كنت لسه هقولك
انا عارف إنك قاعد قلقان
ومخبيش عليك انا كمان
اتصل يا ابني.
سيف اخد الموبايل وبعد شوية عن باباه.
مليكة كانت قاعدة في سريرها سرحانه وبتفكر
في باباها قبل ما تسمع رن التليفون وتجري
تشوف مين كان عندها امل إنها تكون مامتها اللي بتتصل
تطمنها ان باباها خرج بالسلامة لاقيته سيف.
مليكة : وعليكم السلام
سيف : ازيك يا مليكة اخبارك ايه
مليكة : الحمد لله
سيف : ها في اخبار جديدة
مليكة : محدش لسه اتصل يا سيف
سيف : طب بتعيطي ليه بس دلوقت.
مليكة : قلقانه اوي على بابي
سيف : طب ممكن تهدي كده وتدعيله.
َمليكة : بدعيله يا سيف في كل وقت
بس غصب عني الخوف مسيطر عليه وموتر
اعصابي
سيف : خير.. بإذن الله
اتفائلي خير.
مليكة : انت فين
سيف : في المحل انا وبابا
عايزة حاجه؟؟
مليكة بتبكي : محتاجه ل بابي ومامي اوي يا سيف.
سيف متأثر بصوتها وبكاءها : وانا هقفل واجيلك.
مليكة : بجد هتيجي.
سيف : مسافة السكه
مليكة : اوك
سيف : هو مين عندك
مليكة : عمو وليد لسه داخل اهو
وخالو إياد وخالو عمار وعمو رامي.
وطنط ندى وطنط وفاء وعمتو
واخواتي
سيف : حقك تقعدي وسطيهم
مليكة : مش قادرة لما بشوفهم
بتوتر اكتر.
سيف : خلاص وانا جيلك مسافة السكة.. سلام.
مليكة : مع السلامة.
سيف يقرب من المكتب
كمال : ها يا ابني في اخبار
سيف : لا محدش لسه اتصل
معلش يا بابا مضطر اسيب حضرتك
لإن مليكة تعبانه اوي
كمال : روح يا ابني
بس في حد هناك؟؟
سيف : العيله كلها هناك
كمال : طيب خلاص روحلها.
سيف : انا اسف يا بابا معلش
كمال : لا يا ابني مفيش حاجه واجب تبقى معاهم
في وقت زي دا
دا حماك يعني في مقام والدك وانت زي ابنه
واكيد وجودك جانبها في وقت زي دا
شيء مهم ليها.
سيف : بصراحة كنت عايز اقولها بس احرجت تكون يعني مش حابه وجودي معاها وعايزة تبقى لوحدها
بس دي طلبتها مني وكمان صوتها في التليفون وجعني اوي.
كمال : مفيش أغلى من الأب والأم يا ابني.
سيف دمعت عينه وافتكر مامته
مسد كمال على كتفه انحني سيف وقبل يد والدة.
سيف : ربنا يبارك في صحتك يا بابا ويعطيك طولة العمر.
كمال : ويباركلي فيك يا ابني
روح بقى ل خطيبتك وانا هقفل
متقلقش.
سيف : بعد إذن حضرتك
وخرج سيف وقعد كمال يكمل مراجعة الحسابات.
وسرح بخياله شوية
افتكر نادين.
كمال : يااااه يا نادين مبتغبيش عن بالي.
وجودك جانبي كان بيفرق كتير.
وحشتيني يا كل حاجه كانت ليه في الدنيا.
بيمسح دموعه ويكمل مراجعة الحسابات.
-_________