قصتنا لليوم راح نحجي على حياة المجرم دانيال باربوسا الي معروف عليه قصير ومكار واكثر الناس اجراما وطغيانا والمعروف عنة يكره البنات كره مو طبيعي ويحجون بيه الناس هو انسان ماملك من انسانيتة بس الاسم (يعني انسان بل اسم فقط )
لان كان يقتل ويغتصب ويخدع هسة خلي احجيلكم عن حياتة
نولد دانيال 22 يناير عام 1930 انولد في احدى مناطق جبال الانديز للاسف مكان يكدر يعيش وية امة لان بعد ولادة دانيال بسنة توفت وجان ابو مدمن كحول وميهتم بأي شي فقط بلكحول بس جانت عندة مشكلة شلون يوفر الفلوس علمود يشتري الكحول
بما انو مدمن كحول جان يكتل دانيال ويعذبة اشد تعذيب وهوة طفل جان كلش يتاذة منة بعد فترة قرر ابو دانيال يتزوج وللأسف مالكة يختار الة هل مرة الي اقل ماينكال عليهة مجنونة جانت المرة عقيمة (ماتجيب اطفال ) وجان كل حلمهة بل حياة انو تجيب بنت وكل مايخطر ابالهة هاذ لحلم مستحيل تتخبل زيادة وتفقد الامل وجانت تطلع كل حركتها بدانيال
سكان المنطقة اعتادو يشوفون دانيال بملابس نسائية وغصبن عليه مو بكيفة لان اذا مقبل يلبسهن يعذبوه
ودانيال تعود يمشي بلشارع ويشوف لناس كلهة تضحك عليه كل هاذة بطفولته
وبعد هل شي صار تناوب من قبل الاب ومرتة على تعذيب دانيال جانو يمارسون وياه جميع اساليب العقاب النفسية والجسدية وصل الامر بيهم يكعود على دنابيس
طبعا الاب مو مهتم اذا جان دانيال يدرس او يتثقف
جان هل شي بلنسبة الة شي مالة قيمة ومو ضروري يدرس ويتثقف جان اهم شي عندة يشتغل ويجيبلة فلوس ويشتري لكحول هاذ كل هدفة بلحياة وبلفعل صار هل شي بطل دانيال من المدرسة بمرحلة مبكرة وخلاة يشتغل ويجيبلة فلوس يشتري كحول
بعد هل طفولة لعاشهة دانيال مع ابو سكير وزوجة اب مختلة وصل عمر دانيال 28 سنة وبدة سجلة الاجرامي
بأول جريمة الة في عام 1958 اتهم بلسرقة بمدينة بوغوتا الكولمبية لاكن طلع من السجن بسرعة لان جانت تهمة سرقة
بعد ماطلع من السجن ارتبط بعلاقة عاطفية مع مرة اكبر منة جانت المرة مطلقة وعدهة طفلين اسمها اليسيرا بس للأسف العلاقة ماتمت
ورة شهر تقريبا ارتبط بوحدة ثانية جانت تقاربة بلعمر
اسمها اسبرينزا جان كلش يحبها ويعشقها حد الجنون
تزوجهة واكتشف هية مو عذراء عصب وماقبل بهل شي
بس اسبرينزا انطت الدانيال حل انو تجيبلة بنات صغار
ويكونون مافاقدين للعذرية وانت يادانيال تغتصبهم بس بشرط اني ابقى على ذمتك
طبعا هوة كبل وافق وبدو التنفيذ واغتصب دانيال 4 بنات وافقد عذريتهم طبعا البنات جان اعمارهم متتعدى ال 13 سنة بمساعدة اسبرينزا زوجتة الي جانت تستدرج البنات للشقة وتخليلهم حبوب منوم وتخدرهم ومن يكعدون ميدرون شصار ويطلعون وكأن شيئا لم يكن
بس البنية الخامسة جانت واعية بس خدرانة يعني متكدر تحرك لاايد ولا رجل بس تشوفة شلون يغتصبها وعلى طول اول ماخلص مفعول هل منوم راح لبنية لبيت اهلها وبلغو الشرطة بعد مابلغط الشرطة تحركت الشرطة الكولمبية وراحت القت القبض على دانيال وزوجته وخلوهم بل سجن لمدة 3 سنوات طبعا بهذاك الوقت جان دانيال جداا مستفز واعصابة باردة لدرجة من القاضي انطى الحكم 3 سنوات كال دانيال للقاضي شكرا وهوة مبتسم وفرحان
