#جبروت السنين
الكاتبة :Sarah
البارت العشرون
كملت كلامها وكالت :ومن جابجن ابوي لهنا فرحت بيجن حيل بس انتي مدري شبيج ماتطيقيني لا انه ولا امي ولا تسمعينة غير انة اخيتجن
جريت نفس وكتلها :سلوى هذا السيناريو مو ع حور مايمشي عليه ودور الأخت الطيبة الحنونة مو الج لتتقمصين الطيبة متلوكلج خليج طايحة حظ افضل
عفتها وكمت والف علامة استفهام تدور براسي استغربت حيل شغيرها بين ليلة وضحاها مااكدر اصدكها البارحة لسانها شطولة شغير حالها
بيبي نجاة وعمي شهاب جانو يمنة كاعدين همة وبابا ونجيحة بالحديقة رحت اباوعلهم من شباك المطبخ بيبي نجاة شايله العكازة وموجهتها ع بابا مببنة دترزلة وهو مدنك وساكت ورة شوية كام اني شفت كام طفرت لا يشوفني دخل وصاح :نجيحة
اجتي تركض الحوبة
كاللها :سوي نومي حامض لامي ضغطها شوي صاعد
نجيحة :مو توهازشربت جاي نومي شكو
در عليها :سووي وانتي ساكتة
راد يمشي استوقفتة نجيحة وكالت :شهاب شعندة جاي
اليوم
كاللها : ع موضوع حور وجسور
نجيحة :وشكتلة
رد :كبع واخذ البت بتكم
لطمت ع صدرها وشهكت :شحجينة يغانم
_مااكدر ارفض يلا روحي سوي حامض الحجية
وعافها ومشى
واني كلبي يريد يطلع من الفرحة الدنيا ماسايعتني من الفرحة
صدك فرحت من كل كلبي اباوع ع نجيحة واكفة بمكانها وتريد تنفجر من الأعصاب اجتي سلوى يمها ماردت يخربن عليه فرحتي عفتهن وصعدت لكيت شهد متصلة عليه اكثر من مرة بقيت مترددة ملبين اتصل عليها لو اغلس عليها خاف تحجي علية وتخرب عليه فرحتي والمود العالي اخير شي خابرتها
فتحت خط
كاات بعصبية :ولج حور وينج صارلي ساعة اتصل حركت الموبايل حرك
حور : جنت جوة والموبايل ع الشحن فوك
تنهدت وكالت :هسا شكلتي
جاوبتها بأستغراب :ع شنو
شهد : لا تغشمين نفسج
تنهدت بنفاذ صبر وكتلها :شهد اني موافقة وبالنهاية هاي حياتي واني الاقرر
زكحت بية بغضب:غبية غبية وتبقين طول عمرج غبيه ومتعرفين مصلحتج ووين ترفضين احمد وتاخذين جسور ولج اني مااعول اجيبج بصفي وانتي تريدين تكضين عمرج كله هناك يمهم
حور :اوووو شهد كافي كاافي يااحمد يابطيخ
شهد :خليج ع هذا غبائج راح تتندمين كد شعر راسج وكولي شهد كالت وتذكري كلامي زين
حور حيل ضايقني كلام شهد جنت متوقعة تفرحلي وتباركلي بس بالعكس وكفت ضدي ومفرحتلي
كتلها ببحة :ان شاء الله مااتندم
سكتت ورجعت اردفت بانزعاج :ابوي شكال
حور :عمي جان يمنا وابوي كالة كبع واخذ
وكملت بصوت مكسور شهد اريدج تفرحيلي لان ماكو غيرج بالدنيا يفرحلي بس اتي عندي مسحت دمعتي النزلت ع خدي وكتلها بحماس شهد ترا والله جسور يحبني وهذا يكفي
شهد :حور اني المصلحتج احجي هيج ولا عبالج مفرحانتلج لا وروحها الامي فرحانتلج اي ياعيني مااكيف اشوف اختي عروسه بس اني ماردتج تبقين بنصهم راح يتعبونج ردت اجيبج يمي وترتاحين من ضيمهم حور زواجج من جسور يعني هلاكج تهدمين حياتج بيدج غبية فكرري خاطر محمد
أنت تقرأ
جبروت السنين
ChickLitها أنا في قمة سعادتي وانارة الفرح تنير حياتي لا أحمل اي جراح في قلبي سمائي ملونة بألوان الفرح ولكن فجأة وبدون أي سابق إنذار... تبلدت سمائي بالغيوم السوداء وعكرت صفو لونها وانقطع حبل أنارتي وعم الضلام... نظرت الى طريقي المضلم لأرىٰ بصيص... من الضوء ...
