ماضي لا ينتهي

الحلقة ٤٩

#ماضي_لا_ينتهي
#بوسي_مصطفى
______________
الحلقة ٤٩

ندى قاعدة قدام المرايا ومبتسمه.
ندى : أنا دلوقت بس اتأكدت ان مازن عمره ميفكر
يخوني
مش علشان بس بيحبني
لأ علشان هو إنسان أخلاقه عاليه اوي
ردوده وكلامه كلها مقنعه
مستحيل واحد هيكون مقتنع بالكلام دا ويعمل عكسه.
فكت شعرها وبدأت تضع
ميك اب حفيف.
وبعدها نظرت في الساعة
الوقت اتأخر ومازن لسه مجاش
قعدت منتظره لحد ما غلبها النوم.
قامت بفزع على صوت الباب وهو بيتفتح.
مازن : سلام عليكم.
ندى : وعليكم السلام.
قامت وقربت من مازن وضمته ليها.
مازن بدهشه : هو في ايه؟؟!
ندى ببتسامة : حبيت اعبر عن حبي ليك.
ايه فيها حاجه دي؟؟!
مازن : لا إن كان كده بقى
يبقى موافق
ههههههههههههه
ايه رايقه يعني؟؟!
ندى : خلاص بلاش اروق وخليني مكشره كده.
مازن : انتي بتتلككي صح؟؟!
ههههههههههههه
ندى : غير هدومك عقبال ما احضر العشا.
مازن مسك ايدها : لا رايحه فين
عشا ايه بقى دلوقت.
ووو......
_____________

في شقة نوران.
نوران : خلاص قولتلك مش زعلانه.
جلال : ما انا قولتلك اني كنت لازم اخرجها اظن مش لازم ابرر دا يعني.
نوران : انت حر تعمل اللي انت عاوزه.
جلال : طب والدموع اللي في عينك دي لازمتها ايه
وانا بصالحك دلوقت؟؟!
نوران : ملهاش لازمه عندك حق
هروح اغسل وشي.
جلال : طب معلش بقى هتقل عليكي اعمليلي فنجان قهوة.
نوران : حاضر.
دخلت غسلت وجهها وبعدها دخلت المطبخ.
وواقفه قدام البوتجاز وبتابع القهوة سرحت شوية في كلام مديحة ليها.
نوران لنفسها : كلامك وجعني اوي يا مديحة
كإنها سكاكين بتقطع في قلبي.
ما انا قولتلك يا بنت عمي بلاش
انتي اللي قعدتي تقوليلي انا راضيه وعايزة اسعد جلال
وانا اختارتك انتي علشان اعرفك كويس.
ايه اللي تغير يا مديحه؟؟!
معقول هي دي قيمتي عند جلال
امال الكلام اللي كنن بيقوله ليه
انك بتحبني بجد دا كان ايه
بتضحك عليه؟؟
ممكن يكون قالها دا علشان كده بتتكلم بقلب جامد.
هو فعلاً محبنيش بس انا حبيته.
جلال واقف عند باب المطبخ
جلال : نور القهوة بتفور
فاقت نوران على صوت جلال وانتبهت للقهوة وقفلت
بسرعه.
قرب منها جلال : ايه مالك كنتي سرحانه في ايه؟؟
نوران : في الدنيا.
جلال ببتسامة : مالها ما هي جميلة وحلوة اهي.
نظرت ليه ومردتش.
جلال : بالحق الدكتورة قالتلك ايه
تعالي نتكلم جوه
نوران : والقهو؟؟
جلال : سبيها دلوقت مش مهم.
___________

في شقة راوية
راوية : لا غلطانه يا مديحة
ام باسم مغلطتش فيكي ولا كلمتك اصلا
انتي اللي دخلتها فيها شمال معرفش ليه.
مش دي بنت عمك اللي قعدتي تتحايلي على جلال
اخويا علشان يتجوزها؟؟!
مديحة : كنت غلطانه
يارتني ما قولتله
نار بتغلي جوايا وهو عندها
يا راوية.
راوية : كنت مستحمله زمان يا مديحة ايه اللي جرا.
مديحة : عمري ما استحملت
يا راوية.
كل ليلة بيباتها فوق ببقى نفسي اطلع اخده من عندها.
راوية : مديحة انا هقولك اللي ممكن حد يخاف يقولهولك
وعارفه انه صعب عليكي
بس انا ياما حذزتك منه
نوران بنت عمك زيها زيك بالظبط
انتي مراته وهي مراته حقوقكم واحدة وواجباتكم واحدة
واللي انتي بتعمليه دا مش هيغير
حاجه.
هي عايشة في حالها عمري ما شوفت منها حاجه وحشه
وبتعاملك كويس
دي بتقعد جنبك وانتي تعبانه
دا انا بزهق منك وانزل شقتي وهي اللي تفضل معاكي.
قوليلي كارهاها ليه مع إنك كنتي هتموتي وتجوزيها ل جلال
ارضى ب اللي انتي فيه يا مديحة علشان تستريحي.
مديحة : مفيهاش راحة يا راوية
راوية : ارضى ب حياتك يا مديحة
مش هينفع تغيريها
ولو رجع الزمن هقول نفس الكلام اللي قولته ووقتها جلال كان قابل وراضي بحياته معاكي
بس انتي حبيتي تباني إنك
بتضحي علشانه كملي بقى للآخر
وميصحش اللي انتي بتعمليه دا دلوقت.
مديحة : انا طالعه انام تصبحي على خير.
_________________