💕أنت قلبي٢💕

الحلقة ٣٤

#انت_قلبي٢
#بوسي_مصطفى
_____________
الحلقة ٣٤

في فيلا اسر
سلمى بغضب : غدا ايه يا مليكه
وازاي اصلا تعملي حاجه زي دي؟!
مليكه : يا طنط احنا مكوناش لوحدنا.. طنط هدى كانت معانا.
منه نازله من فوق
منه : في ايه يا سلمى؟؟
مالك يا مليكه مين مزعلك؟
لسه مليكه هتتكلم قاطعتها سلمى.
سلمى : الانسه مليكه بنت
اخوكي كانت بتتغدا مع خطيبها
مليكة : طنط سلمى قولت لحضرتك إننا مكوناش لوحدنا اخت سيف كانت قاعدة معانا
سلمى : ولو يا حبيبتي
انتي عارفه كام واحد دخل وخرج من المحل وشافك وانتي قاعدة
لفتي نظر كام واحد واتكلم وسأل مين دي وقاعدة ليه هنا
مليكة : عادي يا طنط
اخته قريبته اي حاجه
مش فارقه !
انا معملتش حاجه غلط.
سلمى : رأيك ايه يا منه
مَا تسمعينا صوتك يا اختي
منه : ملوكه اطلعي اوضتك دلوقت يا حبيبتي
مليكة : حاضر يا عمتو
طلعت مليكة فوق.
سلمى : هو دا اللي قدرتي تقوليه
لأ برافو عليكي.
منه : ايه الأسلوب اللي بتكلمي بيه البنت دا؟؟
سلمى : غلطت ولا مغلطتش يا منه عاوزه افهم دلوقت؟؟
منه : يا ستي سيبك من الغلط دلوقت وخلينا في اسلوبك
وهنفرض إنها غلطت انتي كده
اقنعتيها يعني إنها غلطانه.
سلمى : عاوزه تقولي ايه مش فاهمه؟؟
منه : اللي عاوزه اقولهولك إنها اه
مينفعش تقبل عزومة من حد مهما كان ولازم الأول تستأذن
لكن كمان منقولش شوفي كام واحد اتكلم ومعرفش ايه
مليكه بنت مؤدبه ومتربيه يا سلمى وإن كانت غلطت أو اتعاملت بحسن نيه وشافت ان الامر بسيط نحاول
نفهمها كده بالراحة.
سلمى : من خوفي عليها
أنا مش عاوزه حد يجيب سيرتها ب أي حاجه وحشه يامنه
منه : صدقيني هي لو فاهمه إن الأمر دا في أي حاجه بالنسبه ليها
وانتي عارفه كمان إن محلاتنا قصاد محلات سيف وأخواته
يعني هنعرف وهنشوفها كمان
يبقى بالراحة عليها شوية
لانها كمان حساسه وعلى قد ما انتي تقدري تاكلي عقلها بكلمتين
لما بتقفل من حد بتبقى صعبه اوي.. هي وسهر نسخه
واحدة.
سلمى : تصدقي سهر وحشتني اوي
منه : هههههههه
شوفتي يااختي ادينا قاعدين هنا
وسهر وأسر بيتمشوا في شوارع ألمانيا وبيعملوا شوبينج
سلمى تنظر ل الصور
سلمى : بنت الايه
اجنبيه يعني مفيش كلام
منه : هههههههه
مش اوي يعني.. سهر اه عيونها ملونه بس ملامحها مصريه
سلمى : يااختي قمر في الصورة دي
وايه دا تمثال؟؟
منه : ايوه
ههههههههههههه
سلمى : خليهم يتبسطوا شوية
مروا بظروف صعبه اوي .
منه : بس اسر في الصور مش هو اسر اخويا خالص
يا سلمى.
سلمى : يا بنتي مش عامل عملية
اكيد يعني هياخد وقت لما صحته ترجع زي الاول
بس اللي اسمها هايدي دي تبعد عنهم.
منه : اه يا خوفي تيجي هنا تاني
سلمى : تيجي فين دا يبقى اخر يوم في عمرها.
منه : مقصدش دلوقت
اقصد لما يرجع اسر وتعرف يمكن تيجي تسلم
تقاطعها سلمى : تيجي فين
ما هو علشان كده لازم اخوكي يعرف اللي قالته في
حق مراته علشان يبقى له رد فعل
منه : اه انتي عاوزه بقى تولعي فيها
يعني تفتكري اسر لما يعرف اللي قالته هايدي هيبقى
رد فعله ايه يا سلمى
وبعدين كمان في الظروف اللي احنا فيها نفتح موضوع
زي دا
دا انتي لسه بتقولي عامل عمليه هيفضل فترة
لحد
ما يرجع زي الأول نقوم احنا نتعبه ب كلام زي دا
سلمى : ما هو لو ما قولناش هي هتسبق وتقوله انا اضربت في بيتك وتعيط وتتشحتف بقى
وتمثل دور الضحيه اللي تجني عليها.
منه : لما تتكلم وقتها احنا بقى نوضحله الصورة
لكن مينفعش أول ما يرجع كده نصدمه بكلام زي دا
يا عاقله
سلمى : تقصدي ايه يا منه؟؟
منه : هههههههه انتي ست العاقلين يا سلمى
وبجد أنا حبيت موقفك اوي ورد فعلك على الكلام الفارغ
اللي قالته هايدي.
سلمى : يا بنتي سهر دي اختي
عارفه يعني ايه
عيشنا مع بعض اكلنا في طبق واحد نمنا في اوضة واحدة
جمعنا حضن واحد
ماما لما كانت تقوم من النوم تشقر علينا
تغطينا احنا الاتنين
ولو باست خدي ولا حضنتني لازم تعمل دا مع سهر
انا كنت بشوفها وانا عامله نفسي نايمه
حبيبتي كانت بتخاف تظلم حد فينا
تفتكري اللي كانت بتعامل سهر على إنها بنتها
بنتها بقى نفسها مش هتعاملها على إنها اختها؟؟!
منه : حقيقي يا سلمى لما بسمع القصص اللي بتحكيها دي انتي وإياد بقول في نفسي قد ايه
انكم أسرة جميلة أوي
تربيت على الحنان والطيبه
وبفتخر كده إن جوزي واحد من الأسرة دي.
سلمى : طب ردي بقى يا اختي
منه : وعليكم السلام
يا حبيبي.
سلمى : إياد ده؟؟
منه : هو انا ليه حبيب غيره؟؟
سلمى : ايوه دخلنا في جو السهوكه بقى..
كملي يااختي كملي.
إياد : ههههههههههههه
مالها سلمى.
سلمى تاخد التليفون : مالي في جيبي يا حبيبي.
خلي مراتك تتحشم وهي بتكلمك.
إياد : حاضر
منه ألبسي حاجه كويسه وانتي بتكلميني.
منه : هههههههههه
سلمى : بتتريق
طب هسيبكو واروح اشم شوية هوا في الجنينه.
إياد : هوا ايه يا سلمى
الجو بيمطر ولا معندكوش مطره.
منه تنظر من الشباك : فعلاً الجو بيمطر
فاكر يا إياد؟؟
سلمى : انا اللي اقوله فاكر يا ودو
لما كنا ننزل انا وانت وعمار واوقات سهر تكون معانا
ونجري ونلعب في المياة
إياد : كانت أيام جميلة يا سلمى
منه : مالها الايام دي بقى
إياد : زي الفل يا حبيبتي علشان انتي موجوده معايا.
منه ببتسامة ونظرت ل سلمى : ميرسي يا حبيبي.
سلمى : ميرسي قال
بلاش تتعوجي يا منه هانم
منه : هههههههه سامع اختك بتقول ايه
إياد : سلمى دي مفيش أطيب من قلبها.
سلمى وهي واضعه ايدها على كتف منه.
سلمى : وانت والست دي حبايبي.
منه : ايه الست دي؟!
سلمى : مش عاجبك خلاص
تصدقي انا غلطانه
إياد بس اللي حبيبي
إياد : هههههههه هتتخانقوا تاني؟؟!
منه : مفيش خناق ولا حاجه
سلمى دي اختي وحبيبتي وصاحبتي وبجد قلبها
دا مفيش أطيب منه
سلمى : ايوه اتعدلي كده
منه : نعم!
إياد : هههههههه نستوني انا كنت متصل ليه؟؟!
اه افتكرت تتعشوا ايه بقى
سلمى : على حسابك.. تمام.
إياد : هههههه
على حسابي يا سلمى
سلمى : خلاص اكتب عندك.
إياد : هههههههه
سجلي وابعتي على الواتساب.
سلمى : تمام... ثواني بقى اما اكتب.
إياد : اتفضلي.
________________