ماذنبي انا 💔

♥الحلقة السادسة ♥

رواية ماذنبي انا 😢
الكاتبه 👑Mony Abdullah 👑

محمد :جنان إم نسألك
انا : شبحتله نعم
محمد :خيرك اتخافي مني وديما تتجنبي فيا
انا :انصدمت من جرائته معاش عرفت ما نقول  
انا :اه لا مش قصة انخاف منك لان مزال مش متعرفا عليك  فهذا ليش انتعامل هكي معاك فهمت
محمد : اهاا باهي عادي إنكونو أصدقاء يعني انتي وخالتي تسكنو بروحكم كان احتجتي شئ ولا تبي حاجه قوليلي وهكي تتعرفي عليا ونتعرف عليك 
انا :مترددة ام باهي تمام
محمد :ابتسم تمام اعطيني رقمك بيش نكونو علي تواصل
انا :تمام عطيته رقمي وسجلت رقمه عندي
محمد :هكي تمام هيا فيسع خير مانحصلو تهزيبه من خالتي ههههه😂
انا :هههه اي هيا
خشينا للمحل وعجبني اثنين إسبدروات قعدت حايره بينهن جي محمد إحدايا
محمد :خيرك معاش عرفتي من تاخدي بيناتهم
انا :حلوات الاثنين شنو رايك إنت اين أحلى واحد
محمد : خودي واحد هدا احلى
انا :حتى اني عجبني اكثر من الثاني
محمد :خلاص بتاخديه
انا :اي
محمد :خلاص عدي لي خالتي توا انخلص ونجي لأن زحمه وقت مدرسه ديمه زحمه
انا :اي زحمه واجد خلاص توا انعدي ماطولش داعك زي يلي داعكو ههههه 😀
محمد :هدا يلي بيصير اصلا هههه 😁
انا :ههههه هيا باي
محمد :باي
عدت جنان ومحمد عدا خدي السبيدرو الثاني بيعطي لي جنان هديه محلاه
محمد :خلصت الأحذية وطلعت

عندي اني
جديده :خيرك جيتي بروحك
انا :لان زحمه مش محمد قالي عدي توا نخلص ونجي
جديده :اي باهي
انا :طول اشويه وبعدين رفعت راسي لقيتا جاي
محمد :شافلي وابتسملي
انا :ابتسمت له
محمد :تفضلي جنان
انا :شكراً تعبتك
محمد :عادي ولا يهمك وابتسم
جديده :خيرك طولت ياوليدي
محمد  :اه لقيت صاحبي قعدت انهدرز اني وياه شويه وهوا في الاصل كاين يحط في السبيدرو في السياره
محمد :شنو تبو نطلبلكم اني جعان منموت هيا فيسع هههه
انا :هههه جيبلنا كونتاكي اني وجديده ورز وصوص جديده تبي حاجه تانيه 
جديده :لا يابنيتي خلاص
انا :تمام
جديده :طلعت فلوس هاك ياوليدي جيب بيهن
محمد :شنو ياخالتي تبيني نزعل منك بتعطيني فلوس
جديده :وخيرك ياوليدي ماسدش جبتنا بتدفع علينا لا مايصير
محمد :انتي كان تعتبير فيا مش نفس ولدك توا نخدهن اه شنو
جديده :يشهد الله معزتك أكثر من اوليدي
محمد :خلاص خلي فلوسك عندك تمام
جديده :تمام المره الجايه عليا راهو قتلك من توا
محمد :ههههه باهي تمام وعدا
جديده :تبارك الرحمن عليك ولد ربي يحفضه وما نفقده ان شاءالله
انا :ابتسمت أمين
شويا وجي محمد ومعاه العشي
محمد :تفضلو صحه مقدما 😀
جديده :سلمك جياب ان شاءالله مانفقدوك
انا :هيا اني جعت قلبي الصغير لا يتحمل المنضر ههههه😂
محمد :سرح في ضحكتها في نفسه ان شاءالله ديمه الضحكه علي وجهك بعدين انتبه لي روحه شنو انقول اني شكلي حبيتها من اول نظره واك عليك قصه
انا :شبحتله لقيته سارح فيا لعند تحشمت من نضراته ليا
جديده :خيرك ياوليدي ماتاكلش
محمد :اه لا توا ناكل
قعدنا نتعشو ونهدرزو مع بعض و جو محمد حلو لما اتهدرزي معا ماتمليش منا بكل  هههه😍💕
كملنا العشي وروحنا وصلنا لي الحوش نزلت جديده
جديده :يابنتي نزلي الحاجات انتي ومحمد اني منخش داخل تعبانه باهي
انا :تمام توا انزلهم
جديده :هي تصبحو علي خير شكراً تعبناك معانا
محمد :وانتي بخير خالتي مافيها تعب كان احتجتي شئ قوليلي اني موجود تمام
جديده :ان شاء الله مانفقدك ياوليدي
خشت جديده واني انزل في الحاجات
محمد :جنان 
انا :نعم
محمد :عطاني كيس تفضلي
انا :شنو هدا وفتحته اه كيف شريته
محمد :هههه هدا هديه مني ليك هدية صداقتنا
انا :بس قاطعني محمد
محمد :من دون بس خلاص هيا خشي توا اتجينا خالتي
انا :تمام شكراً محمد تعبت روحك
محمد :خلاص وانتي طايحا تشكري ريتي ها الحاجه الكبيره خشي خير مانضربك
انا :هههه باهي خلاص تصبح علي خير باي
محمد  :وانتي من اهلوو باي
وخشيت لي الحوش بدلت دبشي وتوضيت وصليت المغرب والعشاء لان فاتني المغرب ونطرحت علي السرير واني فرحانة ونفكر في محمد ومدرستي لعند رقدت😴😊
فات الاسبوع من غير أحداث بس تطورت علاقتي مع محمد وقعدنا كل يوم انهدرزو مع بعض وتعرفنا علي بعض جي  اول يوم في المدرسه شنو صار
نضت  الساعه 7:00 خشيت للحمام (حشاكم )توضيت وطلعت صليت وغيرت دبشي لبست متاع المدرسه وطلعت لقيت جديده نايضه مدايرتلي فطور
جديده :صباح الخير حبيبتي
انا :صباح النور جديده ليش متعبه روحك مدايرتيلي فطور
جديده:مافيها تعب هيا قمعزي افطري وقت عليك
انا :ربي يخليك ليا ياأحلى جديده انتي وقعدت نفطر كلمتني فرح لانها هيا بترفعني اليوم
انا :جديده هيا منعدي ادعيلي باي
جديده : مع السلامه ربي يحفضك يابنيتي
طلعت لقيت محمد يسخن في السياره
انا :صباح الخير
محمد :ابتسم صباح النور كيف حالك اليوم
انا :الحمد لله كيف حالك انت
محمد :تمام بخير بتمشي للمدرسه انوصلك اني
انا :لا لا صحيت فرح صاحبتي بترفعني هيا سلام جت
محمد :سلام
ركبت مع فرح
فرح :صباح الخير حبيبتي كيف حالك
انا :صباح النور ياقلبي الحمدلله كيفك انتي
فرح :تمام شنو جو محمد معاك وغمزتلي ههه😉
انا :يابارده عدي مجرد صديق بس تعرفي محلا هدرزته
فرح :مجرد صديق قالت ياناري منك انتي هههه
انا :حقيره وقعدت فرح تناشب فيا هههه وصلت
انا :هيا باي حبيبتي تعبتك معيا
فرح :باي معاش اتقولي هكي نزعل منك تمام
انا :ههه تمام ونزلت خشيت لقيتهم في الفصول متاعهم خشيت لي الإدارة
انا :السلام عليكم صباح الخير
المدير :وعليكم السلام صباح الخير تفضلي
انا :اني اول يوم ليا في المدرسه نبي نعرف وين فصلي
المدير :في سنه كم انتي
انا :ثالثة علمي
المدير :تمام جت مدرسه أبله سعاد تعالي وصلي البنت لي فصلها ثالثة علمي
ابله سعاد : تمام تعالي معايا ونقلتني لي الفصل
أبله سعاد :تفضلي هذا فصلك
انا :شكراً خشيت لي الفصل اكيد تعرفو لما اتجي طالبه جديده يقعد الكل يشبحولها نادتني طالبه
طالبه :تعالي قمعزي حدايا
انا :مشيت حداها صباح الخير
الطالبه :صباح النور مدتلي يدها اني اسماء وانتي
انا :سلمت عليها عاشت الاسامي اني جنان
اسماء :سلمك محلى اسمك جنان
انا  :ابتسمت حلي ايامك بعدين جت وحده رافعه خشمها (طبعاً لازم في كل فصل توجد المخلوقة هدي ههههه)قلتلي اسماء اسمها شهد
شهد :مرحبا صباح الخير
انا :اهلين صباح النور
شهد :انتي طالبه جديده شنو اسمك
انا : جنان
شهد :اهاا اني شهد
انا : تشرفنا
شويه وعم الهدو علي الفصل اكيد تعرفوها لما يخش الأستاذ
انا :شبحتله انصدمت😮

نهاية الحلقه
#منو الاستاذ ؟؟
#كيف حتكون علاقة جنان بي اسماء وشهد؟؟

تفاعلو بليز 😭