Pilit kang kumakalas ngunit hinihigpitan ko ang aking paghawak
Gusto mo nang maging malaya kaya't tinanggalan kita ng mga pakpak
Alam kong dinibdib mo 'yon kaya't ikaw ay humagulgol at napaiyak
Ayaw kong nakikita kitang nasasaktan
Kaya't ginawa kong ika'y palayain at tignan
Masaya ka nga
Ang layo na ng nilakbay mo
Pero kahit na
Hangga't abot tanaw pa kita'y mamahalin kita sa malayo
Iindahin ko ang sakit ng iyong paglayo
Pero sa oras na hindi na kita makita,
Huwag kang mag-aalala mahal, papakawalan na kita
Isang hakbang nalang at malaya ka na
