عشق الآسر

البارت السابع

الحلقه السابعه ......عشق الآسر😍

بشركه السيوفى....

آسر بغضب: انا قولت تكون هنا انهارده ....  اتصرف من غير صافى ما تاخد بالها....او تاخد اتصرف.... اغلق الخط بوجه
دلف جاسر الى الداخل : مالك ي عم فى ايه ؟
آسر بغضب: الغبى لسه ما اتحركش ...وانا عارف هشام مش هيسكت ع الى انا عملته ولازم تالين تبقى معايا عشان الصدمه الجايه هشام مش هيشوف قدامه فلازم تبقى ف أمان
جاسر بعتاب: انت الى عملت ف نفسك كده ...وانت الى سبتها......بقالى اد ايه بقولك رجعها خليها معاك
آسر بضيق: جاسر ...انا مش فايق
جاسر: هو ده الى انت بتقوله كل ما تتزنق ف الرد ...انا مش فايق...ثم تابع بسخريه : حضرتك بتبقى فايق امتى وانا اعدى عليك ؟
رمقه آسر بنظره ناريه جعلته يصمت..
جاسر : طب عملت ايه ف الورق الى انت كنت عايزه من مكتب هشام
آسر: لسه ما مفيش حاجه جت ...بس لازم اخليه يلف حوالين نفسه عشان يتجرأ ويهددنى تانى
جاسر: انا نزلت اعلان انك عايز سكرتيره على فكره
آسر: طب تمام بس انا مش فاضى لمقابلات قابل انت واختار
جاسر: طب تمام .. لسه اصلا مش دلوقتى انا خليت المقابله معادها بعد الحفله
آسر: كويس ..
جاسر: آسر بقولك ايه ما تسافر انت تجيب تالين وتيجى صافى مش هتقدر تعمل حاجه ..
آسر بهدوء: مش هينفع اسافر دلوقتى ...كده انا بقول لهشام تعالى ورايا ..انا رايح اجيب اختى ....ده غير الحفله
وصافى انا هعرف اتصرف معاها هى والكلب الى سحباه وراها بس اما افوقلهم ...
جاسر بصوت منخفض لنفسه: وانت من امتى شوفتك فايق علطول عندك مشاكل .....الى انا ما اعرفهاش لحد دلوقتى
آسر:  بتقول حاجه ؟
جاسر بسرعه: لا مش بقول ...انا بدعيلك ربنا يفوقك علطول كده عشان تعرف تتعامل مع صافى والكلب الى سحباه وراها
آسر بغضب: انت هتستظرف سيادتك ....
جاسر بضحك: لا انا اقدر بردو
آسر : انا هروح دلوقتى ..وانت خلص وعدى عليا بليل
جاسر: خلاص مااشى
خرج من الشركه متجها الى قصره لينعم بقسط من الراحه بداخله دوامه من الأفكار...كادت انا تفتك برأسه

___________%_____%__________%______________

بفيلا عمرو الحديدى....

عمرو بصوت عالى من الداخل: جاى ي حج اهوو
محمد (والد عمرو) : تعالى ي واد
عمرو بضحك: انا جيت اهوو
محمد: قولى بقاا اتجوزت كام واحده وانت بره مصر
عمرو: ولا واحده ...
محمد  بشك: هو انا مش عارفك ...ده انت تلاقيك اتجوزت اربعه
عمرو:لا لا مش للدرجه دى
محمد بجديه: عمرو ...انا مش عايزك تقعد هنا كام سنه والاقى واحده داخله عليا تقولى انا مراته
عمرو: لا مش هيحصل ...انا طلقتها خلاص
محمد: ايوه ..قول انك اتجوزت ..من غير ابوك ما يعرف ولا حد كأنك مالكش اب تسأله وتقوله
عمرو: ي بابا ...
محمد مقاطعا: مدام قولت ي بابا يبقى عرفت انك غلطان ...
عموما يعنى جواز بنات بره ده معترفش بيه ...
انا عايزك تتجوز من هنا واحده من مصر...وشغل السهر والكابريهات ده تبطلو
عمرو بتوتر: انا ...امتى ده محلصش
محمد بسخريه: هو عشان بعيد عنى ما اعرفش انت بتعمل ايه ولا اعرف بتروح فين .. انت ناسى انك من قبل ما تسافر وانت كده
عمرو: ي حج انت عايز ايه طيب و انا اعمله
محمد : ايوه كده اتعدل .....عايزك تتجوز
عمرو: حاضر ...ننزل انا وانت السوق بكره ننقى عروسه
محمد بخبث : انت بتتريق ...طب انا هنقيلك عروسه من بنات اعمامك ف
عمرو مسرعا: لا .....لا الصعيد لا انا خلال شهر هكون متجوز
ومعايا ٤ عيال لو تحب
محمد بخبث: لا يخويا خليك ف العروسه بس ....
عمرو: حاضر...بعد اذنك بقاا ..انا نازل رايح لصحابى
محمد: مع السلامه
غادر عمرو وترك والده يضحك عليه...
محمد: هو الواد ماله اول اما سمع جواز من بنات عمه اتسرع كده ليه ...
وظل والده يدعى له بالهدايه ....فهو يعلم اشد العلم ان ابنه ليس بفاسد ولكنه مدلل...ناجح بعمله ولكنه متخبط فى اتخاذ قراراته الشخصيه ...