💕أنت قلبي٢💕

الحلقة ٣٥

#انت_قلبي٢
#بوسي_مصطفى
_______________
الحلقة ٣٥

في فيلا اسر...

سفرة ل الرجال والتانية ل السيدات لإن العدد كبير.

على سفرة الرجال
اسر : يلا يا جماعه
بسم الله.
ويبدأوا أكل.

على سفرة السيدات.
ملك منزلتش عينها من على سلمى.
سلمى تهمس ل منه : بنت اخوكي هتاكلنا ولا ايه
قوللها تلم نفسها بقى.
منه : مين؟؟
سلمى : الست ملك هانم يااختي.
منه : متشغليش بالك بيها يا سلمى.
متعمليش عقلك بعقلها.
سلمى : ليه يا حبيبتي وهي صغيرة؟؟
شايفه بتبصلي ازاي؟؟!
منه : خليكي في طبقك ومتركزيش معاها بقى.
سهر ل يارا مرات حسام : مبتاكليش ليه يا يارا؟؟
يارا : ب اكل اهو يا سهر
ملوكه اللي ما بتاكلش
مليكة كانت عيونها ناحية السفرة
التانية.
مليكة ب ارتباك : لا يا طنط ب اكل اهو.
سهر ببتسامة وهمست ل مليكة :
مش هيطير هو قاعد معانا شوية.
مليكة : هو مين؟؟
سهر : هههههههه اللي جه في بالك بقى.
مليكة : الحمد لله
شبعت.
وقامت مليكة تغسل ايدها.
كان سيف انتبه ليها.
اسر : ما بتاكلش ليه يا سيف؟؟
سيف : ب اكل يا عمي.
حسام : الواحد وحشوا البلد اوي
يااااه على الغربة.
إياد : الحمد لله
اسر : انت أكلت حاجه يا إياد
ما تقول حاجه ل اخوك يا عمار.
عمار : الحمد لله.
اسر : انت كمان.. في ايه يا جماعه؟؟
الأكل معجبكوش ولا ايه؟؟
وليد : هههههههه
لا تسلم ايد اللي طابخه
مليكة طبعاً.
كانت مليكة معديه من جانب السفرة.
مليكة : انا يا عمو؟!
انا اصلا مبعرفش اطبخ.
وليد : هههههههه
كده قدام خطيبك طب خبي عليه دلوقت.
سيف ببتسامة : عادي يا عمي
انا عارف كل حاجه.
وليد : هههههههه طيب يا عم براحتك.
بس هتتعب على فكرة
اديني بقولك اهو علشان متقولش
محدش قالي.
اسر : جرا ايه يا بشمهندس
انت جاي تهدي النفوس ولا ايه.
حسام : هههههههه
شكله كده.
بعد شوية
وليد : اقوم بقى اشوف مصالحي.
هتحتاج حاجه يا اسر
قام اسر وبيتكلم مع وليد بعيد شوية.
اسر : متشكر يا وليد عارف إني تعبتك معايا الفترة
اللي فاتت.
وليد : متقولش كده يا حبيبي
انت اخويا و دا واجبي.
اهم حاجه انك رجعتلنا بالسلامة.
خلي بالك من صحتك بقى.. سلام
اسر : مع السلامة.
إياد وعمار بيجهزوا علشان خارجين.
منه : شوية كده وهبقي اروح.
إياد : براحتك يا حبيبتي لو عايزة تباتي كمان مفيش مانع.
منه : هههههههه لا بيات ايه بقى
خلاص كده.. صحاب البيت رجعوا واحنا بقى نرجع بيتنا..
هتاخد الولاد معاك.
إياد : اللي يريحك.
منه : عمار سهر هتقعدوا معايا ولا تروحوا مع بابي.
إياد : بابي رايح يقفل المحلات ويشوف الشغل.
منه ببتسامة : خلاص يبقى خليهم معايا.
وفاء : حمدا لله
على سلامة جوزك يا سهر.
سهر : متشكره اوي يا وفاء
عمار : يلا يا وفاء.
سهر : مستعجل ليه يا عمار؟؟
عمار : كل دا ومستعجلين؟؟!
نسيبكم بقى علشان تستريحوا.
سلمى : يعني يا اخويا عمال تقول يلا يا وفاء والتاني
خرج من غير حتى ما يسألني هروح ولا لأ
ايه كل واحد بيدور على اللي ليه ولا ايه؟؟!
وفاء ببتسامة : انتي قبلنا يا سلمى.
عمار : هههههههه انا كنت لسه هنادي عليكي.
سلمى : يا سلام ولا كنت هتعمل زي اخوك وتاخد بعضك وتمشي.
منه : خليكي معايا نروح مع بعض.
سلمى : لا يااختي كفاية عليه كده اروح بيتي بقى
رامي زمانه راجع ودا يا حبيبي
تلاقيه محتاس في البيت
ااااه يا اني هروح الاقي الشقة شوارع.
وفاء : هههههههه هنضفها معاكي متزعليش.
سهر : اقعدي يا سلمى
سلمى : يااختي نسيبكم بقى تفرحوا كده مع بعض
وكل واحد يروح بيته.
المهم إننا اطمنا عليكم.
سهر : متشكره اوي يا سلمى.
سلمى : اهو دا الكلام اللي يزعل بقى.
بتشكريني على ايه يا سهر
دا بيتي ودول ولادي يا حبيبتي
يلا يا عمار.
عمار : يلا يا سلمى
يلا يا بنات.
ياسمين ومعاها مني : مليكة هتحتاجي مني حاجه؟
مليكة : ماشيه يا ياسمين؟؟
ياسمين : امال هبات هنا يعني!
سلام بقى.
مليكة : مع السلامة يا ياسمين
مع السلامة يا منى.