أفنيت عُمري له.

الحُب هو الحُب

السلام عليكم

———

اكو فد موضوع حيل مضايقني ودائماً اريد انوه عليه لكن م تجيني الفرصة الملائمة.

بالآوانة الأخيرة انتشرت هاي المقولة عند الاجانب وتواردوها العرب بشكل مخيف
"Love is love "
الحب هو حب

هاي المقولة تنگال للأصناف الـ ٣ الي انتشرت هم بالآوانة الاخيرة بالمجتمع بشكل عام وطلعت وصارلتهم حقوق الي هم " المثليين (رجل و رجل) و الليزبيان (انثى وانثى) والعلاقة العادية (رجل وانثى ) "

طيب هاي المقولة ليش انتشرت واخذت شعبيتها !
لأن الي "من ميول آخرى" يحاولون يقنعون الناس انو ميلوهم مو غلط وانو الحب هو حب وهم قادرين ؏ ان يحبون اي شي هم يردونه ! إن كان رجل حب رجل او رجل حب امرأة والعكس بالموضوع صحيح !

طيب
وِرد بِسورة الأعراف آية ٨١
بسم اللّٰــه الرحمٰن الرحيم
( إنكم لتأتون الرجال شهوةً دون النساء بل أنتم قومٌ مسرفون ٨١)
صدق اللّٰــه العلي العظيم

خلينه نگول انو اوكِ اني وياكم الحب هو حب ، طيب تدرون ان انتم قومٌ مسرفون !

مثل م انتم قانعين نفسكم ان الحب هو حب دا ﻳصير حالكم حال الي عنده سفرة كاملة مليانة و م ينطيه گلبه يذب اي شي منها ودا ياكل بيها كلها ، بطنه حتأذيه ، عسر هضم ، حتى ممكن التهاب الزائدة الدودية( المصران الاعور) .. كل هذا الكم من الامراض راح تصيبه ..

الي سواه الرجل راح اعدده ؏ شكل نقاط
١- أسرف.
٢- م ساعد فقير او يتيم .
٣- أذّى نفسه.
٤- أكتسب حرام وهو بَـس دا ياكل .

زين هسة هم عوزها يجيني واحد يكتبلي شِعار "الاكل هو اكل"
اخواني اعزائي :

اللّٰــه سبحانه وتعالى انطانه بالقرآن احكام ، واجب ، مُستحب ، مكروه ومحرم

تعريف كل واحد منهم ..
الواجب : الفروض الي اللّٰــه سبحانه وتعالى رسم الحسنات لفاعلها والسيئات لتاركها .
المستحب : الاعمال الي اللّٰــه سبحانه وتعالى رسم الحسنات لفاعلها وما رسم السيئات لتاركها.
المكروه : الاعمال الي رسم اللّٰــه سبحانه وتعالى الحسنات لتاركها ولم يرسم السيئات لفاعلها ( الله جداً كريم و رؤوف ورحيم).
المُحرمات : الافعال الي حرمها اللّٰــه سبحانه وتعالى والي رسم السيئات لفاعلها ورسم الحسنات لتاركها.

طيب اكو قانون أسلامي ينص على " كل ما يأتي بأذية النفس والآخرين هو حرام " ، مو هو هذا تعريف الحرام؟

طيب ، نرجع للرجل المسرف .. اللّٰــه ليش حرّم الأسراف؟

يُعيد الأذى للأنسان وكل ﻣَــا فيه اذية للنفس شبيه !!!
حرام .

طيب ، الرجل هو چان ياكل قابل مسوي حرام! لا اكيد هو الاكل واجب علينه حتى م نموت .. لـٰكن الرجل أسرف ! هنا صار الحرام

نرجع لموضوعنا ، مو حرام من تحب ! اللّٰــه حلل الحب لـٰكن حرام من تسرف وانتَ تعرف انه يعودلك بالأذى المادي والنفسي والأذى من كل ناحية.

أذكركم إن الله عز وجل ذِكر بأكثر من آية كريمة " إن الله لا يحب المسرفين .." شحالكم انتم يالمسرفين! إذا رب العزة ﻣَــا يحبكم ويـِن تنطون وجهكم بَـعد ! لمنو!

ليس لديكم ولياً ولا نصير بَـعد ، بيوم القيامة م ينظرلكم .. عجيب قلب الإنسان إذا نزل البكم عليه واللّٰــه !

..
اني متأكدة اكو بعض البشرية اذا قروا هالكلام حيتجاهلونه ويگولون لا حبيبي احبه اكثر من هذا واللّٰــه يعرف اني احبه وإن شاء اللّٰــه م يعاقبني ومن هالكلام.

احب اگلك انك چذاب وم تحبه لأن " الي يحبك من صدگ يهوالك الجنة"
انتَ توهم نفسك وتقنعها ان اللّٰــه م راح يعاقبك او راح اصلاً ينظرلك بيوم القيامة ! انوب جاي تريده يروح لجهنم بَـعد كل هالعذاب ! لعد مو تحبه ! ليش تريده يروح لجهنم !

عجيب امور غريب قضية
واللّٰــه العظيم عجيبة طريقة تفكيركم الى درجة تخليني استقرف الكلام الى بعض الشخصيات .

واخيراً يا اخواني وبِمثل ﻣَــا قال سيدنا المسيح عيسى ابن مريم سلام اللّٰــه عليه
" ان هذهِ الدنيا بِمثابة الجسر ، نتوعك في عبوره لـٰكن إن عبرناه فَـ تنتظرنا جنة لا حدود لها عِند ربٍ كريم "

والحمد للّٰــه رب العالمين واسأل اللّٰــه الهداية للجميع والغفران بحق اللا اله الا اللّٰــه

"لا تعصي الله من اجل من أحببت
فقلب من أحببت بيد من عصيت"

استودعتكم الباري تعالى
🤍
.