يوميات مجنونة ❤️

Part1 بقلمي تقوى الحاج ❤️

راقد نايم في الديوانية(الصالون ) في امان الله
جات داخلة الديوان لقتو نايم ابتسمت ابتسامة ماكرة:وقعت الليلة يا عمر والله احلى انتقام 😈
مشت الحمام ملت جردل المسح بالموية وبقت سايقاهو براحة على الديوان ومشت عليهو وكشحتو فيهو وجرررررت وقامت جارررية بكللل قوتها والضحكة بأعلى حس😂😂😂😂😂😂
صحى مخلوع سمع صوتها وهي بتضحك قام بسرعة جررررري يلحقها وعيونو مولعة شرار من الغضب! وهبي جااارية مسكها اخوها الكبير (التاني)
:مسكتك!!!...... جارية وين؟!
:واااااااااي هيما فكككني......... حيقتلني!!!!
عمر جا عليهم بأعلى حسو :قسمممممممممماااااا بالله ما اخليك الليلة!!!!! 😠😠😠😠😠
بقا جاي عليهم وعايز يمد يدو يضربها
:وااااي هيما فكككني
هيما مسك يدو :تمد يدك عليها وانا قاعد!!!؟ ؟؟
:قسمممممممممماااااا بالله أقتلها 😠!
:كدي رروق المنقة وهدومك مبلولة كده ليي؟
:اسأل الست هاانم😡
في المسافة دي عضت يد اخوها وقامت جااارية وعمر بقا جاري وراها
بكواريك:عممر قسمااااآ بالله تمد يدك عليها بكسرهاليك!
بغضب:انت غبي؟!
:بس جيبها وانا بتصرف
بقا ساكيها وهي جارية بكل قوتها فتحت باب الحديقة ودخلت اتدست ورا الشجر
بكواريك: زفتتتتتة اقسم بالله ما تطلعي بإرادتك اطلعك بطريقتي!!
دايرة تتحرك كده وقعت الكوريك بالغلط اتخلعت وعرفت انها ميتة ميتة عايز تطلع كده عمر مسكها وبقا جاريها من يدها وهي بتحاول تتفكا وهو ماسكها بقوة:حتهربي وين الليلة؟!
:وااااي عمر فكككني معللليييش
اتجاهلها وبقا جاريها وهي تحاول تتفكا وتكورك عسى ولعل زول ينقذها بس للأسف هم في الطابق الأرضي وامها في غرفتها نايمة وابوها في الشغل قامت عضتو وقامت جارية بس هو كان أسرع منها مسكها وما كضب شالها في كتفو واتوجه بيها للديوان :اصبري لي بس
وهي تفرفر :نززلني شايفني غنماية تشيلني كده؟!
:على الأقل الغنماية عندها فهم!
دخل بيها الديوان ولقا هيما قاعد في الكنبة مستنيهم(😂) ونزلا بقوة لمن وقعت على السجادة عايزة تجري كده عمر مسكها من قمصيها وجراها قدام هيما وقفل باب الديوان بالمفتاح بقت قاعدة في الواطة قصاد هيما ومنزلا رأسها وعارفة انو اخوانها م حيريحوها
بسخرية:جارية وين؟!
:هيما عليك الله الله يرضى عليك خليني امشي بكرا عندي امتحان
عمر مسكها من شعرها ووقفها على حيلها
بلهجة مرعبة: وقت عندك امتحان جاية كاشحة فيني الموية لييييييه؟!
:ااي شعري عمر فككني
بحدة:عمر فكها!!
فكاها بقوة بقت ماسكة رأسها وبتعاين ليه بكره
هيما بحدة: نرجس!!!
بخوف:نعم
:تعالى هنا قدامي
وقفت قدامو وعمر مشا يغير هدومو
بغضب: مكشحة الموية في عمر ليييي؟
نزلت راسها : ع... عشش.. عشان...
بكواريك:عايني لي واتكلمي معاي عشان شنو؟!
رفعت عيونها بخوف: عشان هو قال لي حيصلح الايباد حقي وما صلحو لي وانا شهر مستنياهو
بذهول : وده سبب يخليكي تكشحي فيهو موية؟!
بعناد: اي عشان تاني ما يكذب علي(تعمل مشكلة حعمل مشكلة وتشوف الوش التاني 💃💃💃)
عمر جا داخل: انتي عارفة يا حيوانه اني الليلة يداب خلصت امتحانات كان بإمكانك تجي تذكريني بس ولا لازم تنكدي على يومي!!!!!!!!!! ؟؟؟؟؟؟؟؟
بدفاع: جيت أذكرك قلت لي طيري من وشي وانا تعبان ولما جيت تاني لقيتك نايم! 🙂💔
جا نحوها ومسكتها من جضومها بقوة : وده سبب ياغبية؟! انا تعبان بعد اصحى تعالى كلميني؟! ولا لاااء الأساليب حقت البشر الطبيعيين دي ما عندك!
:ااي يااخ
بحدة :عمر فكها.!!
فكاها بقا واقف مربع يدينو مستني اخوهو ياخد ليهو حقو
هيما :صحي...... القهوة حقتي وين (كان رسل ليها بالواتس انه تسوي ليه قهوة عشان مصدع)
اتذكرت انها نست وما سوتها بلعت ريقها:  في النار
بعدم تصديق:بجد؟!
بعناد:اااااي(الله يديني نص ثقتك😂💔)
:عمر امشي المطبخ شوف في قهوة ولا لا ويااااا ويلك يا نرجس كان بتكذبي علي حيبقا عندك عقابين بدل واحد!!!!!
عمر مشا وبقت واقفة وعايزة تتسحب براحة
بحدة: نرجس!!!
:نعم
:اقيفي هنا قدامي!
بقت واقفة قدامه ومنزلة رأسها وخايفة موووت يكتشفوا كذبها.........
بعد 5 دقايق عمر جا وفي وشه ابتسامة انتصار وسخرية : ماف اي قهوة يا كذابة!!!!
هيما بقا يحمر لنرجس بحدة: بتكذبي كمان؟!!!!
نرجس رجعت لورا عايزة تجري كده عمر مسكها من ياقة قميصها بقوة وموقعها قدام هيما :ماف مهرب!
بقت تعاين للواطة وخايفة خوف الموت من هيما
عمر: اها حنسوي ليها شنو؟
هيما:دقيقة افكر لي في عقاب!
بقت تعاين ليهم بذهول بصوت عالي: انا لعبة بين يديكم؟!!!!!!!!! 💔💔💔
عمر نزل ناحيتها ومسكها من شعرها:حسك عينك تعلي صوتك!!!! 😡😡😡😠
فكت شعرها منو ووقفت على حيلها بقلة حيلة
:أول حاجة تعتذري لعمر على السويتي فيهو وتاني تمشي تسوي لي قهوتي وحسحب منك التلفون مدة اسبوع(جاسي يا هيما🙂💔💔💔)
بحدة:نعععم؟!!!!! كيف يعني؟!! انا عندي امتحان ومحتاجة التلفون عندي فيهو قراية!!!!
:ما تعلي صوتك عشان ما أخليها شهر🙂👍
عمر :يلا اعتذري
بتحدي : مستحيل!
هيما: لو ما اعتذرتي هسي بخليك تعتذري بطريقة ما حتعجبك🙂!!!!!!..............
بغيظ وطنطنة: آسفة
عمر بتريقة: ماسامعك قلتي شنو؟!
بصوت عالي:آااسفة...... معليش...... تاني ما بعيدها!
هيما: شاطرة... يلا امشي سوي القهوة وجيبي تلفونك معاك.......................
طلعت وهي مغيوظة منهم ومشت غرفتها فوق طلعت الشريحة من تلفونها وختتها في جيب بنطلونها وسوت القهوة ونزلت ليهم تحت لقت عمر شغال بالابتوب حقو وهيما بتلفونو ختت القهوة قدامه ومدت ليهو التلفون عايزة تمشي كده
بحدة: نرجس!!!
بلعت ريقها :نعم! ؟
:جيبي الشريحة
:في التلفون
بكواريك: بطلي استعباط وطلعيها!
طلعتها وادتها ليهو وطلعت وهي مقهورة وتنبز وتدعي عليهم مشت اوضتها وطوالي نامت من الزعل (الساعة4:45)
صحت مخلوعة على صوت طقطقة الباب فتحت الباب لقتو عمر لابس وشايل مفتاح العربية
:انتي مش عندك امتحان؟! ولا ناوية تشيلي ملاحق؟
:واااي سجممييي!! الساعة كم ؟!
بنرفزة : 9:15 يا ستي
:سجمي الامتحان 9
:البسي سريع انا مستنيك تحت
دخلت استحمت سريع وغيرت هدومها لجينز وقميص وفوقهم عباية رمادية عليها نقوش بالاسود وجزمة سوداء ولفت حجابها الأسود وختت واقي شمس ودخلت شيتاتها ولابتوبها في شنطها ونزلت لقت امها بتشرب في الشاي سلمت عليها ومشت طوالي لي عربية عمر
:سنة هو؟!
:عمر عليك الله اختاني براي متأخرة
طلعت الشيت وبقت تقرأ وتراجع وتدعي انه ربنا يوفقها اول م وصلوا الجامعة جرري مشت للقاعة الحتمتحن فيها وبعد عناء المراقب وافق يدخلها دخلت والامتحان كان ساهل بالنسبة ليها
طلعت ولاقت صحباتها مزن وايلاف
مزن: نرجس يا معفنة الوقت ده كللو بتحفري؟!
ايلاف:بنضرب ليكي م بتردي
:عليكم الله حفير شنوو؟ انا صاحية 9 وربع وتلفوني شالو العارض إبراهيم ده!!!
ايلاف: م تقولي عنه عارض م برضا فيهو!
:عليك طيروا قدامي انا ميييييتة من الجوع
توجهوا ناحية الكفتيريا وبقوا ياكلوا وبيتنسوا وبيخططوا اصلا بكرا اخر يوم في امتحانات السمستر وعرس اخو مزن بعديهو طوالي بطلب من مزن انه ياجل العرس لبعد امتحانها
أثناء ماهم بيخططوا
:أو وووو نرجس بروفتنا
التفتوا ناحيته ونرجس بقت تعاين ليه بتقزز😒