احببته فدمر حياتي 💔

البارت الاول (احببته فدمر حياتي )

مرحبا اليوم راح انشر قصة قصير مكونة من بارتين بس اليوم البارت الاول وباجر البارت الثاني وهوه الاخير كلش حلو القصة حقيقية  يعني مو خياليه بس قبل لا نبدي اضغطوا على التصويت وعلقوا يله نبدي.......

احببته فدمر حياتي 💔

اني ساره
أعيش مع عائلة مكونة من امي وابوي واختي
عمري 22 سنة اختي عمرها 16 سنة اسمها سيلين
أبويه كان يرفض يشتريلي موبايل
فكنت كل يوم اشوف صديقاتي وياهن مبايل واني لا
كنت أريد اصير مثل باقي البنات
بس ابوي كان رافض تماما هاذا الموضوع
كنت كل يوم احاول كلت يمكن  يقتنع
بس رده فعله كانت مثل كل يوم يرفض دائما
ومايقبل يشتريلي ابدا ،اتعودت على هاذا الحياة

بس اهلي ماكانوا مقصرين وياي بين فتره وفتره
نروح سياحة وانزور أماكن عديدة
بحيث ماكنت أمل ابدا ونسيت سالفة الموضوع
بمرور الأيام صرت بصف سادس العلمي
وماكنت اهتم بشيء غير دراستي وبس
كانت الامتحانات راح تجي وانطونه وقت
حتى نقرة أبويه اجي يمي وضلينه نحجي
وحجينه عادي الي ان كال ابوي
انه راح يشتريلي المبايل الي اريده
اذا طلعت معدل عالي
اتفاجئت وماكنت متوقعة انو راح يجي هذا اليوم
وابوي يشتريلي موبايل لأن كان رافض الموضوع نهائيا

بعدها صرت اقره واقره لأن كنت أريد
اجيب معدل عالي حتى احصل على الي اريده
مرت الأيام وأني كل يوم أتحمس أكثر واقره حتى انجح

إلى أن اجى ذاك اليوم
اليوم الي طلعت النتائج بيه وحصلت أعلى
درجه بالمدرسة
شوفت الدرجات لابوي فرح وبنفس اليوم اشتره
الي اريد واحلم بيه 
كان أسعد يوم بحياتي فرحت فرحه عمري
وماكنت مصدكة  اني حصلت الي اريده
بعد مافقدت الأمل نهائيا بأن ابوي يشتريلي
فمرور الأيام صرت اتواصل مع صديقاتي
وماكنت اعوف المبايل ابدا بحيث صرت  24 ساعة استخدمه
اهلي لاحضوا انو اني مااطلع من الغرفة أبدا
وحتى الطلعات ويه صديقاتي نهيته
قرر أبوي يحاجيني بالموضوع كالي
انو تغيرت اهواي وتصرفاتي صارت غريبة
وماصرت اطلع من الغرفة أبدا وكان يحاجيني عادي
إلى أن كال اذا بقيت بهاي الحالة راح ياخذ مني المبايل وماشوفة ابدا
صرت أخاف وكلت اكيد ايسويها
وصرت ماستعملة اذا ابوي موجود استعملة
اذا جان طالع مع اصدقائة أو من ننام
صرت ماانام واصل العب للصبح بالمبايل

إلى اني اجا ذاك اليوم
الي جانت اختي سيلين تناديني بيه
جانت الساعة 4:15 أصبح رحت يمها
وجانت حرارتها مرتفعة كلش سويتلها
كمادات ثلج خفضت حرارتها شويه
بعدين روه نص ساعة رجعت ارتفعت
حرارتها ردت اكوم ابويه بس مكدرت نايم
كلت من يكعد  اكله ياخذ سيلين للمستشفى ويشوف شبيها
صارت الساعه 7 ونص كمت كومت ابويه كلت
مادري شييها سيلين حرارتها مرتفعة
اجينه اني أبويه يمها أبويه انصدم لأن جانت
حرارتها كلش مرتفعه
بسرعة اخذناها للمستشفى
حتى انشوف حالتها دخلوها لغرفة العنايه مدت أربع
ساعات ضلينه ننتضر على أحر من الجمر

بعدين  طلعت وحده من الغرفه ممرضه
سالنها على سيلين
الممرضة :المريضة جانت حرارتها مرتفعة هواي
بحيث أثرت الحراره على دماغها ومع الأسف ..
راح تذخل بغيبوبه طويلة والعلم  عند الله
وبعدها راحت

أبويه يعني  شنو بنتي راحت بعد اااخ ياحسرتي
انصدمت بوقتها  اختي الي جانت يمي قبل ساعات
دخلت بغيبوبه ماندري يمته تصحى بعد سنة
أو عشره أو احتمال ما تصحى ابدا

رحت خابرت امي وكتلها الموضوع
امي اجت وجانت تبجي واني هم ابجي لأن
جنه كلش ضايجين عليها وخاصة امي
جانت تبجي على وضعها

أبويه هم بس مجان يكدر يسوي شيء بوقتها

بهذا اليوم نمنا يمها فا اني ماكدرت انام ضليت
العب باامبايل وماكان اكو شيء سديته وحاولت انام

غفيت شويه وصحيت جانت الساعة 6 أصبح
أبويه راح بشغله وكلت لأمي تروح ترتاح
بس مقبلت بعدين قنعتها وخليتها تروح

كعدت ماكو شيء شفت المبايل كاعده
احجي ويه صديقاتي دك رقم غريب
اني ماارد على الأرقام الغريبه بس ماعرف ليش
اجاني فضول وردت
📲الو منو
📲هلا محمد شلونك
📲منو محمد يعني صوتي مال ولد😒 رقم غلط أخي
📲ها اسف

قطعت الاتصال وبعدين وره ساعتين اجت امي
جايبه اكل اكلنه وبعدين كعدنه نسولف
وندعي لاختي الله يفرجها وتكعد

دك الرقم مره ثانيه امي جانت موجوده
كالت منو كلت رقم غريب ماارد عليه
كالت اوك اني راح اروح محتاجه شيء
لا يوم مامحتاجه شي الله وياج

وبعدها دك مره ثانيه
وعادي اتعرفنه عرفني عليه اسمه أحمد
وصرنه نتواصل على الفيس والانستا
وصرنه نحجي كل يوم وارسلي صوره اله
صرنه نتواصل مده 4  أشهر  واعترفنه بحبنه لبعض
صرت ارسل صوري اله ومرت شهرين
الي ان اجى ذاك اليوم
اليوم اتصل علي واحد من رقم غريب وياريت ماا تصل

يتبع
خلصنه البارت الاول من القصة وباجر البارت الثاني والأخير لأن القصة قصيرة
طبعا القصة حقيقيه لاتنسوا  التصويت وعلقوا يله باي 🔥......