انقذنى بعد ضياع

انقذنى بعد ضياع 1

🥰 انقذنى بعد ضياع 🥰
        الجزء الأول......... بقلمى زهره الريحان
    
هاله بسرعه قومى كل يوم كده لازم افضل اصحيكى متدلعه على الاخر انتى🙂 تصحى هاله كل يوم على صوت مرات عمها ناديه ..
هاله . حاضر قومت اهوه ( اوف هو كل يوم كده ربنا يخلصنى منك بقا الى مصبرنى عليكى عمى لانو بيحبنى زى ولاده )
ناديه . انتى لسه نايمه قومى الساعه بقت 6 ورانا شغل كتير
هاله . حاضر حاضر جايه
(هاله تعيش مع عمها ومراته وتبلغ من العمر 20 عاما توفى ولادها فى حادث وليس ليها اخوه تغير منها مرات عمها لانها احلى بكتير من بنتها فلديها شعر ناعم مثل الحرير وجمال جسدها و عينها اللذين يلمعان وطيبه قلبها الذى لا مثيل ليه بعكس بنتها السمراء ولسانها الطويل )
ناديه . مش عارفه هخلص من الارف دى امته وتغور من هنا كل إلى بيشوفها يحبها وبنتى لا ربنا ياخدها
واخلص منها بقا
هاله . انا خلصت كل شغل البيت يا مرات عمى وحضرت الفطار للكل عندى محاضره فى الكليه بدرى ممكن اروح
ناديه . لا لم تشوفى طلبات ابنى وبنتى الاول وعمك كمان
هاله . بس كده هتاخر ودى محاضره مهمه جدا
ناديه . انتى هتعارضينى ومش هتسمعى الكلام طيب مفيش خروج من البيت انهارده
سامى . اى يا ناديه صوتك عالى ليه
ناديه . مفيش يا حبيبى تعالى يلا الفطار جاهز
سامى . صباح الخير يا حبيبت عمك
هاله . صباح الخير يا عمى حضرتلك هدوم الشغل واوراقك كلها فى الشنطه
سامى . حبيبت عمك انتى الوحيده فى البيت إلى واخده بالك منى
شيماء . وانا اى ياسى بابا مش حببتك
سامى . ازاى بس دانتى قلب بابا اى مش راحه الجامعه انهارده
شيماء . لا معنديش محاضرات هخرج مع اصحابى و هتغدا معاهم
محمد . صباح الخير يا جماعه
يرد الكل صباح النور
محمد . اى يا هاله مش عندك محاضره بدرى
هاله . ايون بس ....
تقاطعها مرات عمها انزلى يا هاله روحى المحاضره
فرحت هاله لانها سمحت لها بالخروج هى  سمحت لها علشان سامى كان فى البيت انما هى عوزه بنتها تنجح وتتفوق وهى لا
محمد . يلا يا هاله هوصلك معايا بالعربيه انا نازل الشركه
( محمد عمره 27عاما و يعمل بشركه والده للاستراد والتصدير والده سامى هو مدير الشركه محمد بيحب هاله وعوز يتجوزها بس امه عوزه تجوزه بنت اختها وشايفه ان هاله فقيره ويتيمه ومتنفعوش )
شيماء . وانا كمان خدنى معاك علشان عربيتى بالتصليح
محمد . هى العربيه دى مش كانت بالتصليح الاسبوع إلى فات انتى بتعملى فيها اى
شيماء . شوفتى يا ماما بيحاسبنى ازاى هو انا صغيره وبعدين يا سيدى اتخبطت منى وانا مع صحابى
محمد . اصاحبك دول إلى مبوظينك لازم تبعدى عنهم وتشوفى محاضرات
ناديه . كفايا يا ولاد خناق يلا يا محمد هتتاخر على شغلك
سامى . انا نازل محمد متتاخرش
محمد . حاضر يا بابا هوصلهم وارجع
شيماء . استنا نسيت شنطتى
( شيماء فتاه فى أولى جامعه ولكنها تحب السهر والخروجات اكتر من الدراسه ليها صديقتان بيحبوها بس علشان فلوسها)
    فى امريكا ينزل رجل من السياره ويفتح باب السياره اتفضل يا بيه وصلنا القصر
فارس . روح انتا وساعه وترجع تانى عندى اجتماع مهم اوعى تتاخر
السائق . حاضر يا فارس بيه
(فارس شاب وسيم عضلاته قويه غنى جدا هو مصرى لكنه يعيش بأميركا بعد ما ترك أهله ليبنى مستقبله وهجرته حبيبته قرر انو يسافر أمريكا ويبقى من اغنا أغنياء العالم وبالفعل نجح فى ده وبقى من اغنى الأغنياء وعمل ده فى وقت قياسى لانه زكى جدا عمره حوالى 28 سنه )
هاتف فارس يرن انتا فين يا احمد عندنا اجتماع مهم لازم نحضر سوى .
( احمد صديق فارس الوحيد ويثق فيه جاء من مصر ليبقى مع صديقه بعد أن رفض أهل فارس ان يتركو بلدهم وقررو انهم هيبقو فى مصر )
دخل فارس الاوضه بتاعته وهو ينادى نهله جهزى الغدا عندى اجتماع
نهله خادمه المنزل حاضر يا فارس بيه دقيقه ويكون جاهز
يغير فارس ملابسه ويحضر احمد يلا يا فارس هنتاخر
فارس . يلا اى هتغدا جعان ياعم معندكش رحمه وبعدين كنت فين .
احمد . هههههه كنت بشوف مستقبلى مش زيك هفضل عايش على ذكرى يا عم البنات هنا مزز اوى بقالنا 8 سنين هنا مشفتش مره معاك واحده ولا حتى بتتكلم معاها
فارس . بلاش السيره دى ويلا نتغدا بدل ما اولع فيك وارجعك مصر
احمد . لا يا عم خلاص الطيب احسن
فى مصر تدخل هاله الجامعه
ساره . اى يا بنتى اتاخرتى المحاضره هتبتدى
شهد . انتو لسه هترغو يلا هنترفد
فى شركة سامى محمد ينتظر مكالمه مهمه من صاحب العمل إلى هيبعتله الطلبيه
سامى.  اتصل ولا اى يا محمد
محمد . متقلقش يا بابا كله تمام
سامى . مش عارف من غيرك كنت عملت اى يا ابنى والله
محمد . اى يا حاج دانتا الخير والبركة بس عوزه اكلمك فى موضوع كده
سامى . خير قول
محمد . عوز اتجوز بنت عمى هى متربيه واحنا عارفنها كويس وبصراحه انا بحبها يا بابا
سامى . بجد يا ابنى دى احسن خبر سمعته .
محمد . يعنى موافق يا بابا بجد انا فرحان انا هقولها انهارده واشوف رايها
سامى . وانا هقول لناديه وافرحها
محمد . يخليك ليا يا احلى اب فى الدنيا
فى قصر فارس يلا يا احمد خليهم يجهزو العربيه بسرعه
احمد . حاضر
يذهب فارس واحمد إلى الشركه ويحضران الاجتماع
السكرتيرة.  احمد هو مديرك ده مش ناوى يتجوز
احمد . عندك ليه عروسه
السكرتيرة.  انا اهوه بس يوافق 😅
احمد . طيب اسكتى لحسن يسمعك وتقرى على روحك الفاتحة خليكى فى شغلك
السكرتيرة.  هو الواحد ميعرفش يتكلم معاك اووووف...............يتبع