ما بين عشق واغتصاب

Part 1

بنت صغيرة عندها 16 سنة رايحة الدرس
ليلة/ يا بابا يا ميدو
احمد/ نعم يا لولو
ليلة / انا هروح الدرس بقى
احمد/ ما تتاخريش وخلى بالك من نفسك
ليلة/ حاضر ...وباست دماغه ونزلت ... وهى نازلة من على السلم معتز جارها شافها ونزل وراها واتصل بصحابه
معتز / أيوة يا على
على/ أيوة يا صاحبى ايه الدنيا معاك
معتز / كله فل بقولك فيه حتة إنما ايه لوز
على/ ما ترسينا يا صاحبى على الحوار
معتز / جهزلى مكان كدا
على / طب وأنا هتنسانى
معتز / ليك الحلاوة يا عم ...... فضل ماشى ورا ليلة وبعدين وقف قدامها / ايه يا عسلية حنى شوية
ليلة مشيت وما ردتش
معتز/ طب ردى طيب
ليلة قعدت تقرأ قرآن لانها خايفة
معتز طلع علبة ورش فى وشها وليلة اغمى عليها هو اخدها وراح على المكان اللى جهزه على
على/ لا بس مزة مزة ياض
معتز / عيب عليك .... عدى ساعة وليلة فاقت
معتز/ أهلا بالحلوة
ليلة/ انت مين ...أنت عايز ايه
معتز/ عايزك يا عسل
ليلة مش فاهمة/ انت عايز ايه انت انا مش عارفاك وبعدين انا زى أختك فكنى بقى
معتز/ أختى مين انا لو عندى أخت زيك ما كنتش سبتها
ليلة / طب لو عايز فلوس بابا هيديك اللى انت عايزه بس سبنى
معتز / ما قولنا عايزك يا حلوة الله بس انا عايزك صاحية
معتز اتهجم عليها وهى كانت جسمها صغير بس كانت بتقاوم وتصرخ بس ما كانش فيه أمل للأسف خلص المجرم جريمته وسابها بتنزف وخلاص دموعها نشفت وصوتها راح وللاسف ضاعت البنت بسبب انسان شهوانى قذر لا يعرف معنى دين ولا تربية

عند باباها
أحمد/ ياربى فى ايه اتأخرت وتليفونها مقفول
خالد المساعد بتاعه / ان شاء الله خير ما تقلقش كدا
احمد/ أول مرة تتأخر كدا
خالد/ أهدى بس انا هكلم صاحبى ضابط وأن شاء الله خير ...اتصل عليه
علاء/ خالد باشا عامل ايه
خالد/ بخير الحمد لله والله طالب منك خدمة
علاء / اؤمرنى
خالد/ بنت أحمد صاحبى مختفية من الصبح وقلقانين عليها
علاء/ طب قولى بيانتها كدا
خالد/ ليلة أحمد على 16 سنة محجبة هى ها
علاء/ هشوف كدا واكلمك
احمد/ انا هنزل ادور عليها مش هسكت ونزلوا ...

عند ليلة وهى مرمية دخل بواب العمارة اللى هى فيها اخدها هو ومراته على المستشفى والمستشفى بلغت .
علاء راح بسرعة لقاها بنت وللاسف مدمرة ...اتصل بخالد وجه هو وأحمد ودخلوا وليلة كانت باصة فى الأرض
احمد بدموع/ بصيلى يا بنتى
ليلة/ بابا وانهارت فى العياط
احمد حضنها/ أنا آسف يا بنتى آسف
الدكتور/ يا جماعة الانهيار دا غلط عليها لازم تهدى
علاء/ هى حالتها ايه يا دكتور
الدكتور/ زى ما حضرتك شايف بس للأسف بسبب مقاومتها وضعفها نزفت كتير بس الحمد لله أنها اتلحقت واتمنى توصلوا للمجرم
خالد/هى مش ممكن تروح
الدكتور/ لا يا فندم ما ينفعش لازم تفضل تحت الملاحظة
احمد /  أهدى يا حبيبتى قوليلى مين عمل كدا واوعدك هقتله
ليلة/ م..معتز... معتز 😭😭😭😭😭😭
احمد/ معتز .. مين
علاء / حضرتك تعرف حد إسمه معتز
احمد/ آه اه فيه واحد إسمه معتز جارنا بس دا والده رجل محترم عمره ما يعمل كدا وبعدين بص لليلة هو معتز جارنا
ليلة هزت دماغها بمعنى آه
علاء / عنوانه وانا هأمر بالقبض عليه فورا
احمد اداله العنوان وراح علاء بيته
عمران/  خير يا فندم
علاء/  الرائد علاء صادق
عمران/ أهلا بحضرتك اتفضل
علاء/ انا عايز ابن حضرتك معتز
عمران / خير يا فندم ... ونده عليه
علاء / حضرتك ممكن تتفضل معانا تعرف
عمران  راح وراه القسم وعرف كل حاجة
عمران/ طب البنت فين دلوقتى
علاء/ فى المستشفى أكيد حضرتك فاهم الألم النفسى والجسمانى .
عمران/ طب ممكن اشوفها
علاء/ أكيد حضرتك تعرفها دى ليلة بنت أستاذ أحمد على .
عمران ضرب معتز بالألم / انت عمرك ما تكون ابنى وضربه تانى.... ودا لأن ما يشرفنيش أنك تكون ابنى ..حضرة الضابط شوف شغلك وأى حاجة تحتاجوها انا موجود دى مهما كانت بنت وزى بنتى وراح لأحمد المستشفى ..