💕أنت قلبي٢💕

الحلقة ٣٦

#انت_قلبي٢
#بوسي_مصطفى
________________
الحلقة ٣٦

الاسعاف جات وتم نقل رحمة ل المستشفى
والقبض على الشاب بتاع الدليفري والتحقيق معاه.

في فيلا اسر.
هايدي : انا جيت اطمن عليك
وابارك ل مليكة
يبقى انا كده غلطانه؟؟!
ملك : لا يا مامي طبعا مش غلطانه.
اسر : استنى يا ملك.
مبك : بابي حضرتك بتعامل مامي بالاسلوب دا ليه
هي عملت ايه غلط؟؟
اسر : حبيبتي ممكن تسبيني اتكلم.
ملك : انا ساكته عن حاجات كتير ومش معنى كده
إن حضرتك تتعامل مع مامي بالاسلوب دا.

سهر : في ايه يا منه؟
مالك يا سلمى؟
سلمى : اتكلم ولا تتكلمي انتي؟؟
منه : مش وقته يا سلمى
بلاش تشعللي النار بقى.
سهر : ما حد يفهمني في ايه؟؟
قرب منهم إياد بعد ما لمح هايدي
وفهم ان هتحصل مشكلة بسبب الموضوع ده.
إياد : سلمي مش وقته خلي الليلة تعدي على خير.
سهر : في ايه يا إياد
مالكم يا جماعه.. ما حد يفهمني؟
إياد : مش وقته يا سهر
خلي بنتك تفرح هي وخطيبها وبعدين نبقى نتكلم.

اسر : على فكرة انا سايب الناس اللي جايين يباركوا ليه
وواقف معاكم ومش فاهم أي حاجه.
هايدي : نتكلم بعدين يا اسر شوف ضيوفك
تعالي معايا يا ملك.

شادي : هههههههه
يعني تبقى بنت خال مليكة
مش قولتلك يا ابني.
هشام : اه بس بنت اونكل عمار
شادي : مش هتفرق كتير اهم كلهم اخوات.
امل : واقفين كده ليه
هشام : امال نوقف فين يا مامي.
امل : جنب بابي يا حبيبي
ليلى : طنط انا مروحه
امل : رايحه فين يا ليلى؟؟
ليلى : هروح البيت.
شادي : لوحدك؟؟
امل : طيب يا حبيبتي ثواني هاستأذن طنط سهر واجي معاكي وشادي يبقى يوصلنا
شادي ببتسامة : معنديش مانع.
هشام يهمس في ودنه : جاتلك على الطبطاب دي ها..!
ههههههههههههه
شادي : ودني يااخي
وبعدين مامي معانا
وبطل بقى اسلوبك ده
هشام : ياابني انت مكشوف اوي
كلمها بقى واعرف حقيقة مشاعرها من ناحيتك
علشان نخلص بقى.
شادي : ياابني خلينا نخلص منك انت الاول
هشام : هههههههه بقولك صرفت نظر.
شادي : معتقدش.. وخصوصاً بعد اللي حصل الليلة.
هشام : وهو ايه اللي حصل بقى؟؟
شادي : معرفش اكيد انت عارف
ايه اللي حصل كويس اوي.
هشام : جات.
شادي : هههههههه
مش بقولك دا حصل وحصل كمان.

وفاء : مالك يا ياسمين
ياسمين : معرفش فجأة كده حسيت اني دايخه وعيني مزغلله
وفاء : يمكن علشان منمتيش كويس يا حبيبتي.
ياسمين : يمكن.. هو إياد فين
وفاء : َ معرفش مختفي فين
حتى باباكي مش باين هو كمان.
هاتي اختك وتعالى اقعدي هنا جانبي.

في الجنينه.
عمار : محبش اشوفك ضعيف اوي كده.
إياد :  غصب عني يا بابا.
عمار : حبيبي مش دا نهاية العالم
كلنا حبينا قبل كده
في اللي اتجوز اللي حبها وفي اللي فضل يدور على الحب وملاقهوش
وفي اللي افتكر ان دي نهاية العالم لما ضاع منه الحب الأول بس لاقاه بعد كده في حد تاني
وكان هو العوض الحقيقي عن كل الوجع اللي حس بيه.
انا بقولك الكلام دا من واقع تجربتي.. يمكن المكان هنا ميسمحش ل الحوارات دي
بس حبيت اقولك انك بكره هتقابل اللي تحبها وتحبك
وأهم حاجه إنها تكون بتحبك. حب الطرف التاني دا اهم بكتير من إنك تفضل تدور على الحب الحقيقي.
لإن حبها ليك هو اللي هيخليك تحبها.
إياد : أنا بحاول انسى يا بابا
وبتمنالها كل السعادة في حياتها َوانها تتجوز اللي بتحبه.
عمار : عين العقل يا إياد
وعلشان نيتك الصافيه وقلبك الطيب دا هتلاقي اللي تحبك بجد ياابني.
__________