حور بزهول : واو شكلك تحفه يا تولي و الفستان روعه بجد
تولين وهي تدور بالفستان بفرحه : بجد حلو عليا
بتول بابتسامه : ملكه جمال و الاكسسورات تحفه عليكي و بالاخص التاج جميل اوي
جميله بابتسامه : شكلك حلو اوي ربنا يحفظك من العين
تولين : شكرا يا بنات علي الكلام الحلو ده و نظرت لنورسين بامتنان بجد مش عارفه اشكرك ازاي علي الفستان
نورسين بابتسامه : انتِ اختي و مفيش شكر بنا تمام و انتم يا بنات ادخلوا اختاروا فستان لكل واحده فيكم علشان تلبسه يوم الفرح
بتول و جميله : بجد واو مرسي يا نور و ركضوا الي الفساتين
نورسين : روحي معاهم يا حور انتِ كمان واختاري
حور بخجل : مفيش داعي
نورسين بصرامه : بلاش هبل يله يابت وراهم
حور بضحك :طيب و ذهبت وراهم
اختارت الفتيات فساتين في قمه الجمال و الروعه ولما لا فهم صمموا علي يدين افضل مصممه و معهم الاكسسوارت الخاصه بكل فستان و بعدها خرجوا من الشركه و ذهبوا الي المول لشراء كل ماينقص تولين و بعد وقت طويل من الشراء شعروا بالجوع فذهبوا الي مطعم لتناول الغداء وبعدها اكملوا شراء المتبقي و بعدها ركب كل شخص سيارته و ذهبوا الي منزلهم
وصلت نورسين و نزلت من السياره و دخلت وجدت مفاجاه تنتظرها
🌷🌷🌷🌷🌷🌷🌷🌷🌷🌷🌷🌷🌷🌷
في قصر العمري
هدي : انا قررت اقول لوسيم كل حاجه بعد الفرح
صفيه : طيب براحتك
وفي اثناء حديثهم وجدوا تولين و حور يدخلان و كل واحده تحمل في يديها اكياس كثيره
حور و تولين : مساء الخير
صفيه : مساء النور تعالو يله علشان اخلي الخدم يجهز الغداء ليكم
تولين : مفيش داعي احنا اتغدينا بالخارج و صعدوا الي غرفهم و وضعوا اشياءهم و غيروا ملابسهم و نزلوا
صفيه : عملتوا ايه
حكت لها تولين كل ماحدث معهم اليوم
هدي : بجد انا مشفتش حد قلبه طيب زي البنت دي ربنا يحميها و يحفظها و يفرح قلبها زي ما بتفرح كل اللي حواليها
صفيه بدعاء : امين
🌷🌷🌷🌷🌷🌷🌷🌷🌷🌷🌷🌷🌷
في قصر المنصوري
دخلت وجدت غنوه و ماسه يصرخون و يركضون وراء اولادهم
غنوه بصراخ : حرام عليك يا جود اللي بتعمله فيا ده
جود ببرود : انتِ فاهمه غلط
غنوه بصراخ : برده هيقولي فاهمه غلط انت بارد لمين كده يا ولد هتشل بسببك
زين : اهدي يااخت ماسه علشان متتعبيش
ماسه بصراخ : وانت خايف عليا اوي يعني ده انا هولع فيك
زين بابتسامه هبله : ليه كده يا اخت ماسه هنزعل من بعض كده
ماسه بصراخ : ما تزعل واللهي لموتك النهارده و مفيش حد هيوحشك من ايديا
نورسين ببرود :خلصتوا مسرحيه كلم يوم مفيش احترام ابدا للناس الكبيره اللي هنا
مصطفي :قولي لهم يا بنتي انا تعبت منهم
نورسين ببسمه :لا انت لسه صغير يا حبيبي و انا بفكر اتجوزك
مصطفي :قلبي انتِ و انا موافق هبعت حد يجيب المأذون نورسين حدفت عليه قبله في الهواء
نورسين رجعت لبرودها و نظرت لهم: عايزه اعرف ايه اللي بيحصل هنا و سبب المسخره دي ايه
غنوه و ماسه و جود و زين : اقول انا
نورسين بسخريه :هسمع منكم كلكم نبدا بالاخت غنوه اللي كنت فاكره انها عاقله
غنوه وهي تضع يديها وراء راسها باحراج : احم بصي انا كنت بطبخ انا و ماسه سمعت صوت انفجار جاي من ناحيه غرفتي فجريت عليها لقيت الغرفه كلها غرقانه مايه و الاستاذ جود واقف في نصف الغرفه ببرود و ماسك في ايده الحنفيه
نورسين ببرود : امم تمام و انت يا استاذ جود تبريرك للي حصل
جود ببرود : انا كنت عايز اخذ شور فوجدت الميه مقطوعه في الحمام بتاعي فذهبت لغرفه اخت غنوه و دخلت الحمام و حاولت افتح الحنفيه بس لقيتها مش بتشتغل فشدتها بقوه فخرجت في ايديا و الحمام غرق و المياه خرجت علي الغرفه مش غلطتي ان الحنفيه بتاعتها بايظه
نورسين : تمام انت غلطت با جود المفروض كنت تستأذن منها الاول وهي توافق او ترفض انك تدخل الحمام بتاعها و انتِ يا غنوه بدل ما تجري وراء ابنك كنتي لحقتي الباقي من الغرفه و تحاولي توقفي الميه اناهتصرف و كلمت مهندس يجي يصلح حمام جود و حمام غنوه و يغير تصميم الغرفه و اتصلت علي ياسين يبعت لها اثاث للغرفه جديد و بعدها اغلقت معه ونظرت لغنوه و جود كده مشكلتكم اتحلت و نظرت لماسه و زين انتم بقي في ايه
ماسه : انا كنت بطبخ مع غنوه و بعدها طلعت اغير هدومي فتحت الدولاب اطلع ملابس ليا بصيت لقيت قمصان يوسف مش موجوده فدورت عليها لقيت قميص له امام باب غرفه زين و زيد فدخلت لقيت الاستاذ ماسك قميص يوسف و بيقطع فيها
نورسين : تمام تبريرك يا زين
زين ببراءه : واللهي يا نوري احنا عندنا مسابقه في المدرسه تصميم و تنفيذ قميص فانا اخذت قمصان يوسف و اخذت المقص و بدات اظبطه عليا
نورسين : تمام انت غلطت يا زين كان ممكن تيجي ليا و انا اعملك واحد حلو و انتِ يا ماسه المفروض تكلميه بالعقل مش كده و تفهميه غلطه بالراحه و اخرجت الفون بتاعها و كلمت مول كبير يبعتلها مجموعه قمصان علي زوق يوسف وبعدها اغلقت معه و نظرت لهم و قالت كده الموضوع انتهي
ايات ببراءه و ابتسامه طفوليه جميله : نوري
نورسين بابتسامه : نعم يا قلب نورك
ايات ببراءه : عايزه اروح معاكي بكره الشركه
نورسين بحب : من عنيا يا قلبي و قبلتها من وجنتها و صعدت الي غرفتها و غيرت ملابسها و صلت و نامت من التعب حتي معاد العشاء
🌷🌷🌷🌷🌷🌷🌷🌷🌷🌷🌷🌷🌷🌷
في قصر الحديدي
دخلت بتول وجدت الجميع يجلس القت عليهم السلام و جلست
عدي : اتاخرتي ليه
بتول: مفيش كنا بنساعد تولين في شراء الاغراض الناقصه لها و صحيح نورسين اعطت لكل واحده فيا فستان هديه نلبسه في فرح تولين و اعطت لتولين فستان فرح هديه جوازها
احمد بحب لهذه الطفله : بجد مفيش من نورسين اتنين بتحب تشوف اللي حواليها مبسوط
بتول بضحك : مش الياس راح لنورسين العياده وهي قابلته بالدبش اللي بتطلعه من فمها و جاء جود و كمل عليه
عدي بضيق و غضب شديد و غيره : نعم قولي تاني الياس راح لنورسين العياده يعمل ايه ها
بتول في نفسها : يالهوي هو كان لازم يعني انسحب من لساني وهو موجود ده بيطلع دخان و نار من اذنه
عدي بصوت عالي : بتول بكلمك
بتول : نعم
عدي : بقولك ال
ولكن قطع حديثه رنين الفون بتاعه وجد المتصل اللوا ابراهيم فابتعد عنهم
عدي : الو
الوا ابراهيم : الو يا عفريت اخبارك
عدي : تمام يا ابراهيم خير
الوا ابراهيم : خير ان شاء الله عايزك بكره في مكتبي
عدي باستغراب : ليه
الوا ابراهيم : بكره هتعرف
عدي : طيب و اغلق معه
ورجع لهم وهو شارد في مكالمه الوا له يا تري عايزه في ايه
احمد : مالك يا عدي سرحان في ايه
عدي : مفيش هطلع انام علشان مرهق شويه
غاليه بحنان : اطلع يا حبيبي
صعد عدي الي غرفته و اخذ شور وجلس علي السرير يفكر في معذبه قلبه و كذلك المكالمه و بعد وقت طويل من التفكير نام
🌷🌷🌷🌷🌷🌷🌷🌷🌷🌷🌷🌷🌷🌷
في قصر العمري
في جناح الياس
كان في الحمام بياخذ شور و بعدها خرج علي رنين الفون بتاعه نظر وجد المتصل اللوا ابراهيم فاستغرب و لكن رد عليه
الياس : الو
اللوا : اذيك يا الياس
الياس : الحمد لله يا عمي في حاجه خير
اللوا: خير طبعا يا قناص عايزك بكره في مكتبي
الياس : ليه
اللوا : بكره هتعرف
الياس :طيب و بعدها اغلق معه و اخذ يفكر لماذا يريده ولكن اخرج الافكار من راسه و نزل لكي يجلس مع عائلته
🌷🌷🌷🌷🌷🌷🌷🌷🌷🌷🌷🌷🌷🌷
في قصر المنصوري
في جناح نورسين كانت نائمه و لكن استيقظت علي صوت رنين الفون بتاعها فنظرت للمتصل وجدته اللوا ابراهيم
نورسين بنوم : الو
ابراهيم : كنت نايمه يا نور
نورسين : ايوه يا هيما خير
ابراهيم : عايزك بكره عندي في المكتب
نورسين باستغراب : و السبب
ابراهيم : بكره هتعرفي
نورسين : تمام بكره هكون عندك
ابراهيم : هنتظرك مع السلامه
نورسين : في امان الله و اغلقت معه
نورسين في نفسها: يا تري عايزني في ايه يا هيما اكيد مصيبه ماانت مش بتكلمني الا في المصايب يله بكره هعرف علي راي المثل اللي النهارده بفلوس بكره يبقي ببلاش.
🌷🌷🌷🌷🌷🌷🌷🌷🌷🌷🌷🌷🌷🌷
انتهي الفصل بتمني يعجبكم
١- يا تري رد فعل وسيم لما يعرف الحقيقه هيكون ايه
٢- ايه رايكم في شخصيه نورسين
٣- ايه اللي هيحصل في فرح تولين
٤- يا تري اللوا ابراهيم عايز نورسين و عدي و الياس في ايه .
