شمس: اي ده
ادهم: هو اي الي حصل
زينب بقلق: سارا حبيبتي انتي بخير
سارا: انا كويسه بس الفستان قصير فاا عامر خلاني البس دي عشان ماحدش يبصلي
زينب: طب وانتي خرجتي روحتي فين
سارا: كنت بتمشي عن ازنكوا بقا هطلع انام
وصعدت تحت استغراب الجميع عدا شمس فهي من خططت لهذا
____________
بعد ثلاث ايام وخلالهم مازال ادهم وشمس في تصادمات واكتشف حازم حبه لسهيله وبلال تقرب من زينب واصبحوا اصدقاء وسارا قررت ان تعترف بحبها لعامر
_______في الصباح_______
هدير: والله هاتتوحشونا جوي
الكل: وانتوا كمان والله
عدنان: مش هاتمشوا
زينب: مش هنمشي ليه؟
عدنان: كتب كتاب نورا بعد 3 ايام هتجعدوا لحد الفرح وبعدين تبجوا تمشوا
زينب: ازاي ده والمشروع
عامر بإبتسامه: انا كلمت الدكتور وفهمته كل حاجه ووافق
زينب: بتهزر
سهيله: الف مبروك يا نورا
نورا: الله يبارك فيكي عجبالك
هدير: طب الحمد لله انك جولت الخبر يا بوى جبل مايجهزوا شنطهم
زينب: انا جهزتها وده الي حارق قلبي
بلال: هنخلي حد يطلع يعملهالك ياكسوله
زينب: طب كويس
سعيد: عامر في اجتماع مهم انهارده لازم تحضره انت وبلال
حصلوني ع الشركه
وخرج هو واحمد وبعدها خرج بلال وعامر وقطعتهم سارا التي كانت قادمه من عند البحيره
سارا: احم عامر عايزاك ف موضوع
بلال لاحظ زينب التي خرجت وجلست علي الأرجوحة ف حديقة القصر
بلال: طب اسيبك بقا لحد ماتخلصوا ونمشي
وتركهم وذهب لزينب
عامر: كنتي عايزاني ف اي
سارا: اا .. احم طيب نقعد ف اي حته
عامر بإبتسامه: تؤمرى
واخذها وجلسوا في مكان يوجد فيه ورود كثيره ونبع مياه
عامر: ها يستي كنتي عايزاني ف اي
سارا ابتلعت ريقها وضربتت قلبها تتسارع: انا .. ك كنت عايزاك ف موضوع
عامر: سامعك
سارا: يووووه يا عامر انت بتوترني
عامر: طب ابدأ انا بما انك متوتره
سارا: ها
عامر: ايوه يا سارا انا بحبك
سارا اتسعت عيناها وابتلعت ريقها وتحاول ضبط انفاسها المتسارعه نتيجة ضربات قلبها السريعه
سارا: ا ا .. انت .. ا ايه
عامر ضاحكا علي توترها: انا بحبك يا سارا
سارا: اا عاا وبدأت في البكاء
عامر: اهدي اهدي انتي بتعيطي ليه طيب
سارا: ان انت ب بجد بجد
عامر: بحبك
سارا لم تستطيع نطق كلمه اخري وظلت تنظر له وعيناها تدمع
عامر ومسح دموعها: الي يشوفك من شويه لما كنتي عايزه تقوليهالي مايشوفكيش دلوقتي
سارا: ا انت كنت عارف اني هقولك انى بحبك
عامر بإبتسامه: ايوه عارف وعارف انك بتحبيني من زمان وملاحظ كل حاجه
سارا: ط طب ليه ماقولتش
عامر: كنت عايزك تيجي وتعترفي بس لو كنت استنيت ماكنتيش نطقتي غير علي بكره
سارا بدموع: عامر انا بحبك اوي
عامر ضمها ليه
وانا بموت فيكي
______________
بلال: بتعملي اي
زينب: انت شايف اي
بلال: باين عليكي مدايقه
زينب: امم
بلال جلس بجانبها: اي مزعلك مش حابه تقعدي تاني هنا
زينب: هو ... الموضوع مش متعلق بهنا بس اختي صغيره وملهاش غيري
بلال: وماجبتيهاش معاكي ليه وسبتيها فين
زينب بصوت مصحوب بالبكاء: انا ف الاول ماكنتش اعرف المكان هنا عامل ازاي ولا الناس وغير كده طول اليوم هابقا مشغوله واختي مش بتتكلم وخوفت اجيبها وتحتاج حاجه وماحدش يفهمها فاسبتها عند واحده جارتي وقولتلها اني هاجي انهارده وحصل الي حصل وخايفه عليها اوي
بلال وهو يرطب علي يدها: انهارده بالليل اختك هتكون ف حضنك
زينب بلهفه: بجد
بلال: ايوه قوليلي العنوان وهاروح اجيبها
زينب: طب وانت عندك اجتماع مهم ف الشركه
بلال: عامر هايقدر يحضره لوحد قوليلي مواصفات اختك بس
زينب: هيا عندها 4 سنين وشعرها لونه بني فاتح وطويل وبشرتها بيضه واسمها مريم
بلال بإستغراب: 4 سنين ومابتتكلمش
زينب بحزن: من ثلاث سنين ماما وبابا عملوا حادث سير وماتوا وكانت مريم عندها سنه وبتبدأ تتكلم بس بعد الحادثه فقدت النطق من الزعل انها مابتشوفهمش ووادتها لدكاتره كتير بس مافيش فايده مش بتتكلم
بلال: ربنا يشفيها ويعافيها ان شاء الله هاتبقا كويسه
زينب: يارب
حازم وسهيله مقاطعين بصوت عالي فزع زينب وبلال: بتعملو اييييه
بلال: الله يخربيتكوا
زينب: ايي شغل البهايم ده
في هذا الوقت جاء عامر وسارا
عامر بإبتسامه: يالا يا بلال
بلال: مبتسم ليه كده
عامر: هتعرف بعدين بس يالا دلوقتي
بلال: روح انت انا مش هروح
عامر: نعم
بلال: ورايا مشوار مهم كده ومش هعرف احضر الاجتماع وانت ابن عمي وسندي ودايما بتقف معايا ف المواقف دي ماجاتش ع المره دي
عامر: ماشي يا بلال عشان انا فايق بس
بلال: حبيبي واحتضنه وذهب وعامر ذهب الي الشركه
سارا: هيا فين شمس
سهيله: مش عارفه كنت شايفاها عند الحصان من شويه
_________في الاسطبل________
شمس: انت هاتفضل ورايا ورايا كده
ادهم: بلاقي رجلي جايباني ليكي دايما
شمس: اي يابن المدينة انت وقعت ولا اي
ادهم: وقعت وماحدش سمى عليا
شمس بإبتسامه: مش ده ادهم الي بيكره بنات البدو والريف
ادهم: كنت غبي
شمس: فعلا غبي ولسه غبي عشان وقعت ف حب واحده مستحيل تقع ف حبك
ادهم: بس عينك بتقول غير كده
شمس ونظرت بالإتجاه الاخر: بيتهيألك، انا عيني مابتقولش غير كده
ادهم: بكره الايام تثبت
شمس: وانا مستنيه اليوم الي اثبتلك فيه انك مش هاتقدر تحرك قلبي ناحيتك
ادهم: هفضل احاول لحد اخر يوم ف عمرى ومش هايأس
شمس: اليأس عندك ارحم
قطعهم دخول سارا
سارا: ادهم انت هنا
شمس: كان لسه هيمشي .. مع السلامه يا ادهم
ادهم رفع حاجب: سلام
وذهب
سارا: شمس الحقينيييي
شمس: في اي، اي حصل
سارا بسعاده: قالي انه بيحبني
شمس: اووو بجد
سارا: ايوه والله
شمس: عااا
وامسكت بيد سارا وظلت تقفزان بسعاده
_________في المساء__________
جاء عامر وسعيد وأحمد
سعيد: فين بلال
فاطمه: مش كان معاكم
سعيد: اموت واعرف ايه المشوار المهم ديه الي چه فچأه
عامر: يا عمي احنا كسبنا الصفقه ده المهم
سعيد: برضوا اموت واعرف راح فين فچأه اكده ومن غير مايچولي
زينب بتوتر: هواا يـــــ ــعني بــــــ ـلال راااح...
فاطمه: ماتتكلمى علي طول وبلاش التهته دي
بلال مقاطع: روحت اجيب مريم
زينب بسعاده وركضت نحو اختها وضمتها بشده: مريم
احمد: مين مريم دي
بلال: دي تبقا اخت زينب وكانت سايباها عند جارتها
هدير: هيييي وفين امك وابوكي وازاي تسيبي اختك الفتره دي كيلاتها عند چارتك
زينب بحزن: مريم حبيبتي اكيد انتي تعبانه تعالي عشان ترتاحي واخذتها وصعدت
بلال: امها وابوها ماتوا من 3 سنين وملهمش دلوجتي غير بعض وفي حاله نفسيه عند مريم بسبب الخبر ديه فابلاش حد يچيب سيره ابوها وامها جدامها عشان اكده زينب اخدت اختها وطلعت
نورا: ربنا يصبرها
هدير: انا شكلي اكده عكيت الدنيا صوح
سهيله: مش عارفه بس ممكن انا هطلع ليهم
سارا: وانا كمان
__________ف غرفة زينب__________
زينب: وحشتيني اوي يا مريم اسفه اني كنت بعيده بس غصب عني سامحيني يا قلبي
الباب خبط
ادخل
سهيله: اي يمريوومه ماوحشتكيش ولا اي
سارا ركضت نحو مريم وضمتها: وحشتيني اوي
مريم ابتسمت لهم
زينب ضمتها: حد زعلك وانا مش موجوده يا موكا
مريم اومأت رأسها بلا
سارا: ومين يقدر يزعلك اصلا في حد يزعل القمر
سهيله فجأة: يلهوي عسل
وظلت تقبلها
زينب ابعدتها: بس كفااايا بوس يخربيتك
___________في الصباح__________
علي السفره الكل متجمع ونزلت زينب ومعها مريم
شمس: اي ده القمر بنفسه نازل يفطر معانا
شمس اقتربت من مريم ونزلت الي مستواها: ازيك يا مريومه انا شمس
مريم نظرت لها بإستغراب
شمس بإبتسامه: عرفت اسمك من بلال الي جابك هنا
مريم ابتسمت
شمس: تيجى اوريكي الحصان بتاعي
مريم بإبتسامه واسعه ظهرت انيابها اومأت بنعم
شمس: طيب ناكل وبعدين نروح وكمان اغنيلك اي رأيك
مريم اومأت بنعم بإبتسامه
وذهبت مع شمس الي السفره وجلست علي قدمها وشمس ساعدتها لتأكل تحت ابتسامة الجميع
زينب: مش بتتعود علي حد بالسرعه دي الي حصل ده معجزه
ادهم: شمس بتخطف قلب اي حد بسرعه
شمس نظرت له بطرف عينها وهو ابتسم لها
_________بعد قليل_________
في الإسطبل
دلفت شمس وهي تحمل مريم واقتربت من لوزا وظلت تلعب معها هي وشمس
وبعد ساعات جاءت النساء الي قصر العيساوي والفتيات واجتمعوا ليحتفلوا
سارا بسعاده: انا عايزه ارسم حنه من دي
الحنانه: اجعدي بسرعه
شمس: مريم ارسملك حنه
مريم اومأت بنعم
واخذتها ورسمت لها وضحكات من الجميع وتهنيات لنورا ورقص
وسارا لاحظت عامر يقف بعيد وذهبت نحوه
سارا بسعاده: عامر اي رأيك رسمت
عامر بإبتسامه: جميله زيك
سارا: احم تسلم .. هو انت كنت عايز اي
عامر: كنت جاي اشوفك
سارا: ليه
عامر: وحشتيني
سارا بخجل: احم ...
عامر: هههه كسوفك جميل
قطعتهم هدير: واه بتعمل ايييه اهنيه
عامر: انااا انا كنت بشوفكوا عايزين حاچه
ولاحظ سارا التي تضحك علي تصرفه
هدير: امشي مش عايزين حاجه
*****
شمس: تعالي يا مريم اغسلك ايدك من الحنه
واخذتها ودخلت الي المطبخ لتغسل يديها وقبل ان تخرج سمعت صوت يأتي من الباب الخلفي الذي يخرج للحديقه
شمس: روحي يا مريم لزينب وانا جايه
وخرجت مريم وشمس اتجهت نحو الباب وفتحته
شمس: عايز اي
ادهم بإستغراب: ماستغربتيش يعني
شمس: عارفه انه انت
ادهم: قلبك حس
شمس: لا بس الحركات دي ماتطلعش غير منك
ادهم: الحركات دي ماطلعتش مني غير لما عرفتك
شمس: ودي بقا اسميها اهانه
ادهم: لا انا اقصد انك بتوحشيني وانتي قدامى فاغصب عني بحاول اشوفك بأي طريقه
شمس بإبتسامه ساخره: لا تصدق اتأثرت
ادهم: شمس انا بحبك
شمس: وانا مستحيل احبك شوفلك واحده غيري
وقفلت الباب في وجهه وجلست خلف الباب وهي تضع يدها على قلبها الذي يخفق بشده وانفاسها السريعه التي تحاول تهدأتها ولكن بدون جدوي فهي تشعر به مازال يقف خلف الباب ولم يذهب
ادهم من خلف الباب: هاتفضلي تخبي حبك لحد امتى يا شمس هاييجي اليوم والي تطلعي فيه كل الي جواكي، ولحد اليوم ده انا هفضل احاول ومش هيأاس
وذهب وتركها في صراع مع قلبها الذي يتمرد عليها
__________في الصباح__________
شمس استيقظت بتعب من مجهود يوم امس وأخذت حمامها وثم تكلمت ف الهاتف مع صديقه لها
شمس: ياسمين معلش اكتبيلي المحضرات عشان مش هاقدر اجي ...... فرح بنت عمي ...... تمام يقلبي تسلميلي سلام
وخرجت مسرعه ولم تلاحظ الكرسي الخشبي الصغير الي كان موضوع علي الأرض واصطدمت بيه وكادت تقع ولكن ادهم امسك بها
ادهم ومازال ممسك بها: صباح الخير
شمس نظرت لعينه بزهول ولم تنطق
ادهم بإبتسامه ثقه: مفكره انتي لوحدك عيونك حلوه
شمس افاقت: احم واعتدلت
ادهم: ابقي خدي بالك ممكن ماكنش موجود المره الجايه
شمس: عن ازنك وذهبت مسرعه وهو ظل ينظر لها بإبتسامه حتي اختفت وجاء حازم من خلفه ونظر له بإستغراب وحرك كله امام وجهه وجعل ادهم يفيق من شروده
حازم: اي كنت سارح في اي
ادهم: في جمالك
حازم: حبيبي والله
سهيله مقاطعه: يالا عشان الفطار
ادهم: اشوفكوا تحت ونزل
سهيله: يالا
وكادت تمشي ولكن حازم امسك يدها وجذبها له ولف يده حول خصرها
سهيله: هيييي انت بتعمل اي يا حازم
حازم: اول مره اعرف ان اسمي حلو اوي كده
سهيله: اسمك حلو بس ابعد بقا بعد ازنك
حازم: ولو مابعدتش
سهيله وهي تنظر الي الارض بخجل: يا حااازم
حازم: ههه حاضر ونزلوا الي الباقين
__________في المساء___________
بلال: بما ان الكل نام واحنا قاعدين كده ولا شغله ولا مشغله تعالوا نلعب حاجه
شمس: يالا نلعب صراحه
سهيله: الله بحبها يالا
وجلسوا جميعهم علي الأرض علي شكل رائره واتو بزجاجه وامسك بها عامر ولفها وجاء الدور علي ادهم يسأل حازم
ادهم: اممم ... اي اول حاجه هاتعملها بعد مانرجع القاهره
حازم: هروح اتقدم لسهيله
سهيله نظرت له بصدمه وسط ضحكات الجميع من مفاجأت جوابه
حازم: وقعت ف حبك يا هبله
سهيله: اي ... هو انا صعبت عليك
حازم: انتي اخدتي قلبي وامتلكتيه من غير ماحس مش عارف حبيتك امتى بس الي اعرفه انى ماقدرش اعيش من غيرك
ادهم قام هو وسارا وجعلوا ادهم يجلس بجانب سهيله التي كانت بجانب سارا ومن ثم جلسوا مجددا
حازم: بحبك يا سهيله
سهيله: ا انت بتتكلم جد
حازم: وانا من امتى بهزر في حاجات زي دي
سهيله: ا انا حاسه اني بحلم
بلال: بقولكوا اي ماتروحوا تحلموا بعيد شويه
وغمز الي حازم الذي اخذ سهيله وخرج
بلال بإبتسامه: لف يا عامر
سارا: فرحت ليهم اوى
زينب وشمس: وانا
عامر لف الزجاجه وجاء الدور علي شمس تسأله
شمس: اي اخر حاجه خبيتها علينا
عامر: اعترفت لسارا بحبي ليها
بلال بصدمه: ايييه انا عمال اتفاجأ انهارده كتير ليه
شمس ضحكت: مبروك يا مرات اخويا المستقبليه
سارا تنظر الي الارض بخجل
ادهم: قومو انتوا الاتنين كمان هههه
عامر قام واخذ سارا وخرج
بلال: لفي يا ستي
ولفت شمس الزجاجه وجاء الدور علي ادهم يسأل بلال
ادهم: حبيت قبل كده
بلال: بحب
شمس: اي ده وانا ماعرفش تبقا مين بقا
بلال: زينب
زينب بصدمه وتوتر: ا ايه
بلال: حبيتك
زينب بعدم اهتمام عكس ما بداخلها: وانا عمري ماهاحبك
بلال: ليه ؟!
زينب: انا عمري ماهحب راجل صعيدي ولا هتجوز واحد صعيدي
بلال: ومالهم الصعايده
زينب: ناس متخلفه وبتعامل الستات زي الجواري عندهم انا مستحيل اتجوز حد صعيدي ابدا فياريت تصرف نظر عن الموضوع ده وماتفكرش فيه عشان انا مش هاقبل بيك
شمس: للأسف تفكيرك متخلف وغبي زي ناس وتركتهم وخرجت الي الجنينه وخرج وراءها ادهم
بلال: مين الي ضحك عليكي وقالك ع الصعايده كده
زينب: انا عارفه كويس
بلال: بس كلامك غلط الصعايده مابيعاملوش ستاتهم وكإنهم جواري لا بالعكس الراجل الصعيدي لما بيحب بيعامل حبيبته كإنها جوهره مش اي حد يشوفها، بيبقا عايز يحتويها ويحميها ويحفظها ويخبيها عن عيون الناس من غيرته عليها وبيخليها تحس بالأمان معاه وبيبقا سندها وظهرها وبيبقا احن شخص عليها بس للأسف انتي بتبني كلامك اعتمادا عن الافلام والمسلسلات مش الحقيقه وماراعتيش قلبي الي وجعتيه بكلامك الغبي ده وتركها وذهب
_____في الجنينه______
ادهم: بس تفكيري دلوقتي مابقاش متخلف وغبي
شمس: فات الاوان
ادهم: لا مافاتش بما ان روحنا موجوده لسه، يبقا مافاتش
_________في الصباح_________
يستيقظ البعض سعيد والاخر حزين ومنهم من لم ينم من الاساس وظل يفكر طوال الليل ويشعر انه فى دوامه لا يستطيع الخروج منها، صراع بين القلب والعقل ومن سينتصر القلب ام العقل ومن منهم الصواب
فى الاسفل تجلس جميع النساء وتبدأ بطلتنا فى الغناء بصوت عذب يسمعه كل من بالقصر صوت يملأه الاحساس
"وردت على الجالودي بنت الكرام والجودى يا ربي ويا معبودي تجعل نصيبا ليا، ليا وليا يا بنيا يا ورده على المياه إمك وابوكى جالولى بدهم بعطوكي ليا"
سارا: وااو بجد صوتك توحفه
سهيله: اول مره اسمع صوت بالجمال ده
نورا: شمس طول عمرها بتحب تغني زي امها
هدير: امال فينها زينب
سارا: مش عارفه بس بيتهيألي مانزلتش من اوضتها لحد دلوقتي
سارا: هطلع اشوفها
__________
زينب: ادخل
سارا دلفت واقتربت من زينب: يلهوى انتي وشك احمر وعينك ورمه كده ليه
زينب ببكاء: غصب عنى حبيته
سارا بحزن على حال صديقتها: هو مين ده
زينب ببكاء: ب بلال
سارا: طب وانتى بتعيطي ليه ده حتي باين عليه انه هو كمان بيحبك
زينب: ماقدرش
سارا بشفقه: هو انتى لسه حاطه فى منظورك ان الراجل الصعيدي مايتعاشرش
زينب بعصبيه وسط دموعها: ايوه وهفضل عند رأيي ده ومش هغيره وحاسه بالشفقه عليكي عشان ارتبطي بعامر وبكرة هتندمى انك مشيتى ورا قلبك ومحيتي عقلك
سارا: انا كنت متخيله انك لما تحبي تفكيرك هايتغير بس للأسف لسه غبيه زي مانتي
وذهبت وتركتها وسط دموعها على ما يحدث لها ....
لماذ زينب تصر على قرارها رغم وقوعها ف حب صعيدي هل هذا من اثر الافلام والمسلسلات مثلما قال بلال ام هناك ما حدث لها فى حياتها وسبب هذا الكره لهم
يتبع......
#كتابة خديجه وليد
