➹✿ تعارفنا في المطعم➹✿ ( بلهجة الجزائرية )

✿ بارت-3- ✿

انا :واش صرا واش كاين؟؟؟😨😨😨 

ماما: يا بنتي رايحين نتحاوزو من دارنا و معدناش مامپا وين نروحو 😭😭😭 

انا : شا راكي تقولي ماما 😁، علاش راكي تخرفي ، ياك هاذ الدار مكتوبة على اسم بابا تسما مكاش لي يقدر ينحيهالنا

 ماما : باباك دا قرض من البنك باش يبني هاذ الدار و ما خلص والو منو و فالمقابل رهن الارض لي راهي مبنية هاذ الدار عليها 😭

😭😭 بابا: اسمحيلي يا بنتي ،اسمحيلي 😢😢

 انا : شحال الدين لي داه ؟؟ 

ماما : ميات مليون

 انا : على جال ميات مليون يدونا ڨاع الدار ؟؟ 

ماما : و علاش يا بنتي حنا عدنا منيني نخلصوهم ؟؟😢😢

 انا : و مكاش حل ؟؟ 

ماما : قالونا كل شهر نخلصو خمس ملاين ، بصح يا بنتي باباك لاغوتخات تاعو ربع ملايين ،نعيشو منهم ولا نخلصو بيهم الكريدي انا : خلاص ماما غدوا نروح نحوس خدمة ، ما تبكوش نتي و بابا خلاص

 ماما : يا بنتي و قرايتك ؟؟

 انا : نورمال نقدر نبلوكي العام حتى وين نكملو نخلصو الديون تاوعنا و نولي نقرا 😊😊

 ماما: يا بنتي الله يرضى عليك

بابا : سامحيني يا بنتي ، ما عشيتك كيما البنات لوخرين ، وضوكا رايحة تتخلي قرايتك و تخدمي باش تخلصي ديوني 😢😢

 انا : بابا ما تقولش هكاك ، خيرك ما يتعوضش خليني نرجعلك غير شوي منو 😊

 ماما : روحي يا بنتي ريحي شوي و اغسلي بيد ما نطيب العشا و نعيطلك

 انا :ايا اوكي رحت دوشت ، قعدت شوي حتى عيطتلي ماما باش نتعشا ،تعشيت و رحت عيطت للماري و قلتلها باش ما تفوتش عليا صبح كي تكون رايحة للافاك ، مي ما قلتلهاش واش صرا ، و قررت باش نوض غدوا صبح و نروح نحوس على خدمة 

.اليوم الثلاثا نضت صبح وجدت روحي و خرجت ، ما خليت حتى پلاصة لي ندخل عندو يا يقولي مكاش ولا الخلاص قليل بزاف ، وليت للدار مع العشية پاسكو كانت قريب تظلام ، مع لي دخلت للدار قابلتني ماما 

ماما : مس الخير بنتي ،واش لقيتي خدمة 😊؟؟ 

انا : مازال 😩مي غدوا نزيد نحوس ما تتقلقيش 😊

 ماما : لالا يا بنتي ما نيش مقلقة على الخدمة راني مقلقة عليك 😢 

انا : بببببوه على العجوز تتقلقي عليا 😂😂 

ماما : روحي يا المهبولة روحي 😁😁

عند مازن :

>ا اليوم الثلاثا نضت صبح ستيكيت روحي مليح مليح و انا نخمم فهذيك لي موالفة جي مع صحبتها عدنا للريسطورون مرت حميدة مول الشوارما و نضحك وحدي وحدي 😂😂، مرنكة ڨاع 😂😂، كل ما نتفكرها نولي نضحك 😂😂، ما عرفتش ممپا اسمها صحبتها علابالي بلي اسمها ماري پاسكو هي عيطتلها قدامي كي كموندات اللوبيا بالكرعين النهار الاول لي جات 😂😂 رحت على السبعة للريسطورون ، و قاعد غير نسنا وقتاش تلحق الثناش باش نشوفها ، انا و ما علاباليش علاش مي كنت نخدم و نعس فالباب نسنا فيها وقتاش تدخل 😅😅 لحقت الثناش و جات صحبتها ماري و هي مكاش ، انا قلت بلاك ضوك تبعها ، رحت باش نشوف ماري واش تاكل و باش نسقسيها على صحبتها تاني 😅😅 

انا : مرحبا بيك ، واش صحبتك مازال ما جاتش 😂😂

 ماري : عيطتلي البارح فالليل و قاتلي ماجيش اليوم ، يا ودي اسكت برك واحد السماطة اليوم بلا بيها 😩😩 . يا ودي انا عندي يومين برك ملي عرفتها و جاتني سماطة بلا بيها 😅😅ما بالك نتي لي صحبتك 😁😁

 انا : ايه واش تاكلي ؟؟😊

 ماري : اعطيلي الشوارما لي كلاتها ميلي البارح 😁غيرتني طريق كامل و هي تهدر عليها الموكراشة 😂😂 اووووو تسما اسمها ميلي 😍😍ايه اسمها شباب مالڨري ما يخرجش على هبالها 😂😂 

انا : اوكي ضوك نجيبلك 😁 ولي بواصون نجيبلك ولا مزااال 😂😂😂

 ماري : 😒😒يا قتلك كانت تكذب مكاش منها 😂😂😂

 انا : 😂😂😂😂😂 عند

عند  ميلي

: تعشيت و رحت فتحت الفيس باش نهدر مع ماري نقولها بلي حا نبلوكي عامي ، حتى لقيت هشام( لي يقرا معايا و طحنا انا وياه كيفكيف فالپروچي )بعثلي انڥيتاسيون كنت نسيتو كامل ، انا مع لي اكسيبتيتو و هو بعثلي مساج تقول كان يسنا فيا 😂😂

، هشام : slm mily cv ?

 انا : cv hmd et toi ? 

هشام : ki nty raky mli7a ana tany nkon mli7 😊 

وش بيه هذا ضربو حمار الليل 😕😕 انا : mrc

 هشام : 3lach ma jitich lyom ??

 انا : drof 3ailiya

 هشام : ih tw7chtQ 3labalQ 😊

 اااو شبيه هذا مونك حنانة ، وقيلا جاه هرمون التحلاب 😕😕، خبطو ببلوك ثلاثي الابعاد 😂😂😂 و هدرت مع ماري حكيتلها واش صرا كامل و بلي حا نبلوكي عامي ، شبعت بكا ، اومبعد رقدت باش نبدا نحوس على خدمة غدوا تاني ، نضت اليوم الاربعا بديت نحوس قلبت الدنيا مكاش كيفكيف 😢😢 

عند مازن 

: اليوم الاربعا لحقت الثناش و انا حاب نشوف ميلي ، حتى وين دخلت ماري وحدها قاعد نقلب بعيني على ميلي مكاش ما بانتش كامل . رحت عند ماري

 انا : وين راهي ميلي علاش ما جاتش ؟؟ 

ماري : خلاص ما تزيدش جي راهي رايحة تبلوكي عامها فلافاك 😭😭😭

 انا : علاش ؟؟وشبيها كاش ما صرالها ؟؟😨😨

 ماري : راهي تحوس على خدمة با