عيله وسابع جار

حلقه 1

حلقه 1❤️

نوري:اطلقوني عليه اطلقوني عليه ولد الكلب هذا
كريم:يابوي راك تسب في روحك
نوري:حول من خليقتي انتَ التاني لاوالله نشدكم اهنى ونطيح فيك انتَ وياه
كريم وخر تالي
ماجده:سحيقه انشالله تعال شد بوكك معاي بيقتلي وليدي
نوري:وليدك طيح سعده الى مايتحشم حشمني قدام الناس كلها دارلي العار
سعود:يابوي راك شورخ
نوري:اني شورخ ياولد الكلب
ماجده:ضمهولي فمك ودرق خليقتك لي دارك لانطلقه عليك توا
نوري:نطلقه عليك شن كلب اني؟
كريم :يابوي بلا جو زايد من بكري تقوله ياولد الكلب من الكلب بالزبط
ماجده:مافيه كلاب غير الى جبتهم نوض لي داركك سحيقه تسحقكك
سعود ركب لي داره وجوه قنين وكأنه مش داير شئ
كريم:عادى نخش!
سعود:كان بتتفلسف عليا فك امي بكل
كريم:مش بنتفلسف عليك لكن ياسعود الى تدير فيه الغلط ومهما درت حتتجوز يعنى حتتجوز
سعود:منيش متجوز منيش شنو ؟ منيش متجوز وبرا هيا سلم وليدي شخ وارقد
كريم:تحشم يالي مافيك حشم
ماجده:طيح سعدكم انتم الاثنين
كريم:معقوله احنى كلاب ياامي؟
سعود:ايه الحق وجعتني منك باهي الى ذكرتني
ماجده:ادوي زي الراجل
سعود:اطلعو كلكم توا
كريم:مش هكي
سعود:كيف مالا؟
كريم:هيا يامامي أوت من الروم متعي باليز😂😂😂
سعود ضحك وبعدين شبح لي كريم:حتى انتَ أوت معاها😂😂😂😂😂

اني اسمي سعود مواليد 92 من طرابلس وخوي كريم مواليد 90 ماجده امي ونوري بوي عايشين كلنا في بنغاري من فتره الأحداث في طرابلس 2011
ولما صارت حرب بنغازي انتقلنا للبيضاء لين هدت الأوضاع ورجعنا تاني ...

ع عموم المختصر بوي ياحنه يبي يجوزني ويحملني مسؤليه والشو هذا كله ع خاطر مشيت للراجل وقتله ياعمي اني مش متع مسؤليه ومنبيش نتجوز*
الى رافضه اني مش فكره الجواز بالعكس هوا فيه حد يدلع ويقول لا؟😂😭 لكن عندي اقتناع كامل منبيشي زواج تقليدي يعنى علاقه ع قولتهم نفضلها اكثر لانه تفاهم بين زوجين يكون اكثر ويبدو فاهمين بعض اكثر وهيا زي مايقولو الناس الاوله قسمه والنصيب وانتَ ونصيبك هذا اني سعود لكني عكس خوي كريم كلياً
..
............

اني كريم مواليد 90 بالنسبه ليا العلاقات شئ فاشل وهذا خاطي انها حرام ومفيش احلا من انك تاخد وحده اختراها الحظ ليك وشئ تاني الى بتتجاوزها مش لبسه بش تفصلها ع مقاسك الجواز قسمه ونصيب في نهايه لكن برضك الجواز التقليدي خير بألف مره وياما ناس تجوزو ع حب لكن متفاهموش واني منيش رافض فكره الحب بالعكس الله يوم قيامه بينادي يقول أين متحابون بحلالي❤️ الى رافضه فكره العلاقات وبس والحب بتطلع من وراه علاقه .

في العياده*****

كريم:صباح الخير
نور:الدكتوره الجديدة جايه اليوم امتى تحب تقابلها؟
كريم:توا ياريت
نور:تمام حاضر

نسيت نعرفكم ع كريم وسعود
كريم دكتور قلب وعنده عياده ملامحه حاده ورجوليه طويل وجسمه رياضي عاقل هلبا وميحبش الصوت العالي وزحمه وميحبش الناس والاختلاط بيهم 🖤
سعود خريج اقتصاد ويخدم مع كريم في نفس العياده ملامحه بريئه زي البيبي طيب وحنين وجوه فري ❤️

.....
طق طق

كريم:تفضل
دنيا:سلام عليكم
كريم:قام عيونه فيها وسرح فعيونها لكن سرحانه كان تواني فقط تفضلي حضرتك دكتوره دنيا؟
دنيا كانت دايبه معاه ومع ملامحه:ايه ايه
كريم:حسب الورق الى قدامي انك دكتوره قديره لكن سؤال نتائجك والاوائل ع دفعه ولعند توا مشتغلتيش؟
دنيا سكتت:اني ...
كريم قاطعها:ع مهم مش موضوعي حتيجك البنيه متعت ريسبشن حتفهمك طبيعه الشغل وانشالله موفقه
دنيا:انقبلت؟
كريم ناض من كرسيه:مبروك تقدري تتفضلي
دنيا:يبارك فيك وطلعت
ع خشت سعود:سلام عليكم
ردو سلام وطلعت دنيا
سعود:من هاذى ؟
كريم:الدكتوره الجديدة
سعود:اها باهي باهي
كريم:شن صار في موضوعك انتَ وبوي؟
سعود:اكيده بيدير عرس في الحوش لما نروحو
كريم:اني بنروح شويه تانيه نوض هيا
سعود:اطلع قبلي عندي شويه أمور نرتبهم ونطلع
كريم:ميه ميه تبي حاجه؟
سعود:برا طير
كريم طلع وسيبه

في الحوش.....

كريم وسعود وصلو مع بعض ولقو بوهم في صاله سلمو عليه وقعمزو تقعميزه الاعتياديه سعود يلعب بي بليستيشن وكريم لاهي في اوراقه وماجدة ونوري يهدرزو
ماجده:شن صار في خيرالله؟
نوري:بكرا باذن الله غدي
سعود:اوووو بيجو ناس معناته غدي متكم نبى يما مبطن راك تنسيه
ماجده:يتددل ولدي وانتَ ياكريم مخاطركش في حاجه؟
كريم يتصفح في اوراقه وملفاته:لايما صحيتي الى يجي منك باهي
ماجده:سلمهولي وليدي ياربي

تاني يوم الصبح.........

سعود نازل للخدمه هوا وكريم

ماجده:النبى وليدي وانتَ مروح خطم على عمتك نوريه جيبها معندهاش من يوصلها
سعود:انتَ
كريم:لاانتَ
سعود:مدامه قالت وليدي انتَ اني تقولي ولدي
كريم:وككك نفاخ الزح هيا وبنتها
سعود:هيا عطلنا سلام يما
ماجده:بسلامه بسلامه

........

كريم:سعود
سعود:ياعيون سعود
كريم:اني عند يعمل وبنعطل برا جيبها انتَ عمتي نوريه
سعود:خرف
كريم:نمشي نجيب القضيه عليك؟شن رأيك صفقه مش عاديه
سعود:خلاص تم معنتا

ساعه 8 المغرب .....
كانت المصحه فاضيه ومفيهاش الا كريم وكانت مكمل شغله وبيطلع لكن كان متعود يدير دوره ع مصحه وبعدين يطلع كمل دورته وجي عند باب غرفه تبديل طاقم نسائي مكانش يخشلها ولايفكر حتى كمل طريقه لكن قاطعها صوت خيطه وكانها حاجه طاحت بس ع عمد رجعه فضوله وفتح الباب ولقي .....يتبع

سعود كان في الحوش وكان واقف في باب المطبخ يحط في صفر الشاهي حطهم وبيطلع من الباب الخلفي لكن وقفه صوت همسات خفيفه وكأنه صوت مألوف عليه تلفت تالي وشاف ن ......يتبع