ماضي لا ينتهي

الحلقة ٥٣

#ماضي_لا_ينتهي
#بوسي_مصطفى
_____________
الحلقة ٥٣

مديحة : يااختي ألف بركه إنها قامت بالسلامة
دا جلال لما رجع وقالي الدنيا مكانتش سيعاني من الفرحه.
راوية : تعبت اوي يا مديحة
ولسه تعبانه.
مديحة : معلش يااختي
كويس إنها قامت بالسلامة
متصحهاش بقى سبيها تستريح.
راوية : أصلها نايمه من الصبح والمغرب ها يأذن اهو
اقومها علشان تاكل.
مديحة : لأ إن كده تقوميها طبعا
بس هو انتي جبتيها معاكي ليه
مفروض تقعدي معاها هناك؟؟
راوية : هقولك ايه بس
بعدين ابقى احكيلك اللي حصل.
مديحة : هو في حاجه تانية حصلت؟؟!
راوية : هنقول ايه بس
نصيبها كده.
مديحة : قلقتيني يا راوية.

تدخل راوية غرفة أميرة.
راوية : قومي يابنتي كفاية نوم بقى
قومي كلي علشان الواد اللي ملوش ذنب دا..
محتاج يرضع يابنتي.. وانتي ما اكلتيش حاجه من الصبح.
أميرة : شربيه حاجه يا ماما.
راوية : عماله اشربه في ينسون
بس دا هيشبعه يااميرة
هو سكته شوية وقام اهو يعيط.
مديحة عند باب الغرفة وببتسامة : حمدا لله
على سلامتك يااميرة.
اميرة : متشكرة يا طنط.. اتفضلي.
مديحة : لا انا هطلع دلوقت
ولما تاكلي كده وتروقي ابقى انزل اقعد معاكي شوية.
هتحتاجي حاجه مني يا راوية.
راوية : لا يا مديحة سلامتك.
مديحة : طيب... سلام عليكم.
يرددوا : وعليكم السلام.
راوية : تشربي بقى الشوربة دي كلها..
انا قطعتلك الفرحه اهي علشان تعرفي تاكليها.
أميرة : فين عمر يا ماما.
راوية : فوق بيلعب مع ولاد خالك.
أميرة : ما سألش على ليان؟؟
راوية : ما هو عارف يابنتي إنها هناك هيسأل ليه؟؟
ولا انتي عاوزه تسألي عن حد تاني؟؟
أميرة : حد مين؟؟
راوية : ما انتي عارفه.
أميرة : صعبان عليه اوي يا ماما.
راوية : ليه.. مش هو اللي عاوزك تمشي.
أميرة : لا سيف مستحيل يقول كده.
راوية : انتي يا بنتي مش سمعتيه ب ودنك؟؟!
أميرة : هو كان مضايق علشان اللي حصلي يا ماما
هو مش زعلان مني.. هو زعلان عليه.
راوية : واللي قاله دا معناه إنه زعلان عليكي؟؟
أميرة : مشوفتهوش عمل ايه علشان يخرجني من المكان
اللي كنت فيه يا ماما.
راوية : علشان خايف على اللي في بطنك..
اسكتي دا انا متغاظه منه اوي.
أميرة : والكلام اللي قاله فادي ليه
دا يا ماما يصح برضه؟؟!
راوية : وإنه يعمل مشاكل في البلد ويعادي الناس دي
علشان حق اخته وفي الاخر توقعي انتي في المصيبه
دي يا أميرة
مكانش غلط برضه؟؟
أميرة : وهو كان هيعرف منين إن
دا اللي هيحصل يا ماما
وبعدين مين اللي عرفكم ب الحكاية دي؟؟
انا مقولتش لحد.
راوية : باباه يابنتي واحنا قاعدين هناك.
حكي كل حاجه والكلام كان قدام اخوكي.
أميرة : وهو مفكر دلوقت إننا اللي قولتكم الكلام ده.
فادي واقف عند باب الغرفة : وانتي خايفه منه ليه
ما يفكر اللي يفكره انتي عامله ليه حساب اوي كده ليه؟؟!
أميرة : لو سمحت انت متتكلمش معايا خالص.
علشان انت السبب في اللي انا فيه دا دلوقت.
فادي : انا السبب في ايه يااختي؟!
ها.. مش حضرته اللي عاملي بلطجي ورايح يوقف قصاد الناس دي
مش برضه ابو العيال دي اللي كان متجوز امه ومكانش
عايز ينسب البنت ليه
وراح اتشملل ورفع قضية علشان يعمل أوراق ل اخته.
بعد ما الست الوالدة ما توفيت.
أميرة : دي حاجه خاص بيه
مالك وماله؟؟!
فادي : مالك انتي ومال مشاكله هو
ادي حتة عيل هزأه ومسح بكرامته الأرض.
أميرة : لا سيف هو اللي دخله السجن وبكره ياخد جزائه.
فادي : معرفش دي طيبه ولا عبط.
بس فين اللي هياخد جزائه دا
واحد خطفك وخلي اللي يسوي واللي ميسواش يتكلم
على البيه بتاعك.
أميرة : انت عاوز منه ايه ما تسيبه في حاله بقى.
راوية : خلاص يا فادي انتهينا.
فادي : تصدقي يا أميرة إني غلطان علشان جيبتك معانا
كنت اسيبك هناك وخليه بقى يقعد يخدمك.
راوية : خلاص يا فادي قولتلك انتهينا يا ابني
وانتي يا بنتي كملي اكلك يلا
علشان ابنك اللي جعان ده.
قربت راوية واخدت الولد تسكته عقبال ما أميرة تاكل.
راوية : مابناكليش ليه يا بنتي؟
أميرة : مليش نفس.
راوية بغضب : خليكي يااميرة ابقى سكتي ابنك بقى وتركته على رجلها وخرجت.
أميرة نظرت ل ابنها بحزن وضمته ليها.
______________