في دار بسيطة علخر في حي شعبي موجود في تونس تسكن طفلة اسمها ريم عمرها 19 عام دخلت الجامعة
و لعباد تعرفها بشخصيتها لقوية لحادة و بزينها لي هبلة بيه شطر تونس هه
هي طفلة بيضة عينها عسلية و كبار شعرها لكحل و الطويل كي سواد اليل
عمرها متعرف حاجة اسمها استسلام ولا خوف عمرها متضعف قدام حد و لا تسكت على حقها ❌
ريم ختارت انها تقرا الهندسة
و تخدم زادة سكريتار في شركة مقاولات اما حي الفكاهة عندها عسل اما كان مع صحابها البراني ميعرفهاش
حتى طفل في الجامعة منجم يقربلها و كانو القبوها بالقطر
عرفتكم الشخصية بالباهي و توا بش ندخلو في حكايتنا
فاقت ريم مالنوم و مشات بش تحضر فطورها
ريم :" امي فيق يلا يا سوسو اجا افطر معايا فبل منمشي نقرا "
سوسن هي ام ريم عمرها فال50 و مريضة بالقلب و حنينة علخر
سوسن :"صباح الخير يا بنيتي، علاش هكا مش ياسر عليك قراية و خدمة "
ريم :" ههه هيا نبداو فالكاسات تع كل يوم تفضل الميكرو هه معاش بكري عليا "
سوسن :" شو مطول لسانها:"
ريم خرجت لسانها كيف لبنات الصغار
سوسن :" صبرني يا رب"
قعدو عالطاولة بس يفطرو
سوسن :" اسمعني ريم بنيتي خوك مصطفى راو مكلمنيش "
ريم :"بلحق يامي مصطفى راو عرس و استقر في امريكا و نسانا انسى انت زادة "
سوسن تبكي و تقول :" منجمش يا بنيتي غدوة كي تعرس و تجيب طفل تا تفهم "
ريم :" باهي امي تا نعرفلك اخبارو"
سوسن :" بلحق؟ "
ريم:" اي يامي"
خرجت ريم مالدار و قعدت تتفكر كيف كان عمرها 16 كانت مزيانة و رقيقة تبكي من اقل حاجة
تعيش مع امها و بوها و خوها بفرحة حتى لين جي مصطفى و قال لبوه :" بابا نحب نسافر جاني كونرا باهي من امريكا "
الاب:" والله يا وليدي انت تعرف لي عطيتك لفلوس لي عندي لكل و معاش عندي غير لفلوس لي بش نعرس باهم لاختك "
مصطفى :" شمعناها، معناها فرصة تضيع من بين اديا؟ "
ريم :" باهي بابا اعطي لفلوس لخويا "
الاب متغشش :" لا! و انت كيفاه بش نعرسلك هو خذي حقو "
مصطفي :" يا بابا ريم راهي عمرها مزال 16 يعني مبين هي بش تعرس نكون انا سافرت و خدمت و رجعتلها فلوسها و انا لي بش نعرسلها زادة "
ريم تحاول تعاون خوها :"اي ي بابا عندو حق"
البو و هو مستسلم :" باهي الي تشوفو و عرس اختك في رقبتك "
مصطفى بمكر :" اي اي بالطبيعة يا بابا "
و ضحك ضحكة شيطانية خاطر حقق غايتو
و بعد ما سافر مصطفى بعام بركا مرض البو
ريم :" الو مصطفى "
مصطفى :" وي شكون معايا "
ريم :" انا ريم "
مصطفى مستغرب :" شكون ريم "
ريم :" اختك"
مصطفى :"اا اهلى ريم فما حاجة؟ "
ريم تصدمت اما تكلمت و قاتلو لي حاشتها بفلوس لعملية بوها
مصطفى :" اسمع منيش لاهي و معنديش فلوس و معاش تكلمني مرة اخرى "
=====
منقولة
اما انا ترجمتها الدارجة نشالله تعجبكم كيف تبداو تقراو تو نكمل نهبطها
