💕أنت قلبي٢💕

الحلقة ٣٧

#انت_قلبي٢
#بوسي_مصطفى
______________
الحلقة ٣٧

تاني يوم.. في المساء.

في شقة منيرة.. وفي غرفة البنات.
ندى قاعدة جانب فريدة.
ندى : ما هو مينفعش كده يا فريدة.
يا حبيبتي انتي بقالك يومين
من غير أكل.
فريدة تبعد صنية الأكل ب ايدها.
ندى قربت تلف شعر فريدة
وتلبسها حاجه على راسها.
ندى : الجو برد دفي نفسك كويس..
فريدة وهي عينها بتدور في الغرفة.
هو ايه اللي حصل يا ندى؟؟
ايه اللي حصل.. ماما فين؟؟
البيت ساكت ليه.. انتي قاعدة هنا ليه؟؟
ندي : قاعدة معاكي يا فريدة.
فريدة : اطلعي شقتك.. وانا هطلع اقعد مع ماما شوية
عقبال م كريم يرجع من بره.
ندى بتبكي.
فريدة تنظر ليها : بتعيطي ليه؟؟
اوعي يكون حازم مزعلك؟؟
فين جميلة؟
ندى وهي بتمسح دموعها
جميلة مع طنط سميرة بره.
فريدة : طنط سميرة كمان بره؟؟!
هو فيه ايه يا ندى؟؟
قامت ووقفت قدام المرايا ونظرت لنفسها.
فريدة : انا متبهدله ليه كده
وشعري ولبسي ليه بالشكل دا
وعيني حمرا أوي وبتوجعني..
نظرت ل باب الغرفة وقربت فتحته.
ندى : رايحه فين يا فريدة؟
فريدة : هطلع اغير هدومي
كريم زمانه جاي.. هي الساعة كام معاكي؟؟
ندى : الساعة واحد ونص.
فريدة : كريم اتأخر اوي.
خرجت من الغرفة.
ميرفت قامت اول ما لمحت فريدة
ميرفت بحزن : تعالي استريحي هنا يا فريدة.
فريدة : طنط ميرفت.. حضرتك كمان هنا!
شهد : شدي حيلك يا فريدة.
فريدة : هو في ايه.. مين مات؟؟
انتو لابسين اسود ليه..
وايه الكراسي دي كلها..
كده الشقة مكركبه بالشكل دا؟؟!
ماما مبتحبش الكركبه دي..
ماما... ماما انتي نمتي ولا ايه؟؟
سميرة وميرفت مخنوقين بالبكاء.
شهد ل ندى : هاتيها يا ندى دخليها الاوضه جوه.
ندى : مش هقدر امنعها يا شهد.
شهد : الوقت متأخر ولو صوتت
المنطقة كلها هتتقلب علينا.
ندى : يعني اعمل ايه دلوقت؟؟
شهد : تعالي ندخل جوه نهديها.
فريدة تمسد على سرير والدتها.
فريدة : انتي فين يا ماما؟
نزلتي تحت؟؟.. ما طنط سميرة عندنا.
طلعتي فوق؟؟
طنط ميرفت وندى كمان قاعدين بره..
روحتي فين؟؟
ندى : فريدة تعالي استريحي في اوضتك.
شهد : تعالي يا فريدة
اللي بتعمليه دا مش هيرجع اللي راح..
فريدة ودموعها على خدها : هو ايه اللي راح؟؟
مين مات يا ندى.. مين قوليلي؟؟
ندى : فريدة علشان خاطري كفاية انا قلبي مش مستحمل اكتر من كده.
فريدة قعدت في الأرض وبتصرخ.
فريدة : يا ماما... مامااااااا
روحتي فين ردي عليه.
مشيتي وسيبتيني خلاص...
طب حتى كنتي قعدتي طبطبتي عليه.. وواسينا بعض..
يا رحمة.... رحمااااااا.
ارجعي أنا مش هزعلك تاني.
هاخدك في حضني وننام جانب بعض زي
ما كنا بنعمل واحنا صغيرين.
مش كنتي بتيجي بتستخبي في سريري علشان بابا ميتخانقش معاكي.
تقوليلي يا فريدة.. بابا بيحبك اكتر مني وانا اقولك كلنا بنحبك.
انا بحبك يا رحمة ارجعي بقى
ارجعي بقى ماما تعبانه علشانك
ارجعي علشان خاطر ولادك ارجعي يا رحمة.
ندى وشهد بيقوموا فريدة من الأرض.
وحازم وكريم وأكرم داخلين من باب الشقة..
كانت ميرفت وسميرة قاعدين بيبكوا من كلام فريدة جوه.
ندى : قومي معانا يا فريدة.
شهد : يا حبيبتي اهدي علشان ولادك و بنتك اللي خايفه وعماله تصرخ بره دي.