ساره

البارت ٤

هي مسويه خط وياهم يوصلنها للبيت بقت تفكر بالموضوع
لارا: ممكن ادخل
ساره: تعالي
لارا: شبيك خويه محمد صافن
ساره: استغفر الله لارا ترى مالي خلكج
لارا: اوكي اسفه شبيج بس لا كمتي تحبين واحد من العمال
ساره: لارا اطلعي بره
لارا: اوكي اسفه بس احجيلي شبيج
ساره:ابوي كاعد لو نايم
لارا: لا بعده كاعد
ساره: جيد
كامت ساره راحت لابوها ساره وراها لارا
لارا: هي ولج ساره شنو الموضوع
دخلت ساره لغرفه ابوها
امها: شكو
لارا: والله ماعرف تعرفين ساره اسرارها كلهن يم ابوها
امها: انشاالله خير
ابوها:بابا ساره شكو احجي
ساره:محتاج شي مشتهي شي بس كولي
ابوها:ساره هاي كم مره كلتيه الجمله وكتلج لا مامحتاج شي كوليلي شعندج
ساره:بابا راح اقدم على الكليه العسكريّة
ابوها:شنو كليه عسكريه ولج هي مو بس لرجال
ساره:لا اكو للبنات
ابوها:وانتي شنو رئيج
ساره:رئي من رئيك
ابوها:ساره تردين دخلين كليه عسكريه مو انتي الي جنتي تحجين عليها موو
ساره:بابا هسه الضروف تغيرت وهي حتى من انت وطالب ينطونك راتب
ابوها:بكيفج
ساره:راح اقدم والله كريم
ابوها:الله كريم
ساره تفكر: اصير ضابط واخذ حك ابوي من هذا الحقير
قدمت ورى اسبوع طلع اسمها من القبولات ودخلت الكليه وتعرفت على بنات وياه وصارت عدها صديقات سنتين وتخرجت وصارت ضابطة برتبت ملازم
زهراء:ساره من خلص شغل نروح للمطعم ناكل وعلى حسابي
ساره:لا يمعوده مكدر ارجع للبيت ابوي اذا اني ماموجوده مستحيل ياكل
زهراء:والله احسدج على ابوج اني بالنسبه لابوي وجودي من عدمه نفس الشي
ساره:😂والله تعالي ادخلي ترى مكتبي هذا تفضلي
زهراء:وسم شني هاي
ساره:شكو
زهراء:لا زهراء ادخلي لان انسطرت
ساره:شكو!؟
شخص غريب:السلام عليكم
زهراء: وعليكم  السلام  والرحمه  والبركه
ضربتها ساره ثكلي
ساره:  وعليكم السلام تفضل
الضابط حيدر: منو ساره ياس حسن
صفنت ساره وبعدين جاوبته: هذا اسمي؟!
حيدر: والله انتي اعرف معقوله اسمج وصايرلج ساعه صافنه تفضلي وياي
ساره: وين ماخذني
حيدر: احنا من الاستخبارات
ساره: شنو؟!
حيدر: اتفضلي وياي وبدون شنو ومنو
اخذها وبقت الي وياه صافين شنو يحجون
وصلو الاستخبارات نزلوها ودخلوها بغرفه التحقيق طبعاً ساره ختمت القرآن من الخوف بس تقره آيات
دخل حيدر: يله احجي
ساره: بس فهمني انت منو وليش جايبين هنا
حيدر: انتي الي راح تحجين مو اني
ساره: لا عليك  الله  شنو احجي
حيدر: شلون سرقتي ومنو جان وياج وشلون
ساره: شنوو لا انت مجنون رسمي لك سارقه منو شنو يا سرقه لك اخي اني ضابظ بدوله شنو اسرق اني الازم الحراميه مو حراميه انت متيه
حيدر: صوتج لا تعلينه عليه ( وبصوت عالي) كالها اكعدي
ساره: والله اصيح وهسه طلعوني وغصبن ماعليك اني مو حراميه مسمحلك تكول عليه حراميه
حيدر: بس هذا الواقع
ساره: الواقع يكول غير هذا الشي اني مو حرامي تريد تقتنع ام لا هاي ترجع الك اني مو حراميه
حيدر: اني هسه راح اتركج واخليج تفكرين زين حتى تعترفين
عافها وطلع
ساره: اعترف على شنو وتصيح اني مامسويه شي طلعوني
حيدر: نعم سيدي
الرائد: حيدر شنو هذا الصوت
حيدر: سيدي هاي وحده منتسبه متهمينها بالسرقه وهي ترفض اعتراف وتسمع صوتها تكول اني مامسويه شي
الرائد: انت متأكد
حيدر: سيدي انت انطيتني الإسم بنفسك
الرائد: بس لا ساره ياس
حيدر: نعم سيدي
الرائد: اوف شوف شلون نسيت اكولك طلعت تشابه اسماء
حيدر: شنو سيدي
الرائد: يله مصار شي طلعوها
راح الرائد
حيدر: شنو مصار شي هاي لسانه طويل شراح يخلصني منها محمد روح اطلق سراحه
محمد:حاضر سيدي طلعوها وهي طالعه شافت حيدر
ساره: هاا شنو كلتلك مستحيل اني ضابطه اسرق صدك هاي تعتبر نكته يله اعتذر من عندي
حيدر: ما اعتذر لا تنسين انتي صيحتي بوجهي وهذا يعتبر تجاوز عليه بس اني سامحتج
ساره: لا عليك الله جبتني من مكان شغلي لهنا واتهمتني بالسرقه هاي شنو يسموها
حيدر: على كلن انتي هسه تكدرين ترحين
ساره: والله مثل ما اجيت وجبتني هنا ترجعني
حيدر: شنو كولتي بابا روحي شنو اوصلج
ساره: لا والله  تقبل اختك باليل تصعد تكسيات
حيدر: واني خبل اخلي اختي تصير ضابط
ساره: ليش شبيه هاي الشغله انت مو ضابط
حيدر: اني رجال وهي بنيه يعني اختي لو رادت تدخل كليه عسكريه اذبحه
ساره: لأنك انسان متخلف ماريد احجي وانزل لمستواك  كوه سيطرت على دموعها يمه عافته وراحت
وهي جاي تمشي طبك يمها سياره نزل الجامه
علي ابن عمها: شبي الحلو
ساره: وخر لا علي
علي: لا شبيه شسوين هنا اركبي
ركبت وياه
علي: اي شلون الشغل وياج بعد اني اكتل واذبح بكيفي بت عمي ضابط وربي ابوي بكل مكان يحجي بيج ويكول بت اخوي ضابظ واني هم اويلي
ساره: علي ممكن سؤال
علي: انتي تامرني حضرت الضابط مو تسئلين