💕أنت قلبي٢💕

الحلقة ٣٨

#انت_قلبي٢
#بوسي_مصطفى
_____________
الحلقة ٣٨

قصاد المدرسة يوقف الباص وتنزل ملك بسرعه..
كانت هايدي معاها على التليفون📞
ملك : نزلت يا مامي اهو
حضرتك فين؟؟
هايدي : في التاكسي اللي على الناحية التانية.
أنا نزلت اهو بشاورلك ياملك.
ملك ببتسامة : شوفت حضرتك.
صاحبة ملك : ملك مش هتدخلي جوه؟؟
ملك : اه.. روحي انتي وانا جايه.
صاحبة : اوك..
قربت ملك من هايدي اللي اخدتها في حضنها.
هايدي : حبيبتي وحشتني اوي
اركبي.. دا انا عندي كلام كتير اوي عايزة اقولهولك.
ملك : وانا كمان يا مامي.
جوه التاكسي.
هايدي : اخبارك ايه يا حبيبتي؟؟
ملك : تمام
الحمد لله.
هايدي : نروح بقى على شقتنا الجديدة ولا ايه رأيك
نفطر في أي مكان بلاش البيت.
ملك : هنزل بهدومي دي؟
هايدي : عندك حق.. خلاص نروح على البيت وانا بقى محضره ليكي مفاجأة هتعجبك اوي.
ملك : طب ممكن نتصل ب بابي نقوله..
علشان ميقلقش عليه.
هايدي : اكيد يا حبيبتي.
هو بابي لسه نايم؟
ملك : لأ خرج قبلنا.
هايدي : طيب نفطر كده ونقعد ندردش شوية
وبعدين نكلمه اكيد مشغول دلوقت.
ثواني اشوف مين اللي بيتصل.
📞
هايدي : ايوه يا صلاح
لأ لسه مروحتش البيت
صلاح : ملك معاكي؟
هايدي : ايوه جايه معايا
انت نزلت؟
صلاح : اه في الشغل اهو
اجيبلك ايه وانا راجع البيت؟
هايدي : ها سأل ملك وابقى اكلمك.
صلاح : اوك يا حبيبتي .. سلام.
هايدي : مع السلامة.
_______________

في منزل عائلة فريدة.
كانت فريدة نازله تركب ولادها الباص وراجعه البيت
لسه طالعه أول سلمه.
سميرة تفتح باب الشقة.
سميرة : صباح الخير يا فريدة.
فريدة : صباح النور يا طنط.
سميرة : ايه الولاد راحوا المدرسة؟
فريدة : لسه راكبين الباص حالا.
سميرة : طيب اطلعي هاتي جميلة من فوق وتعالى
افطري معايا.
فريدة : حاضر بس هصحي كريم الأول.
سميرة : هو لسه منزلش؟
فريدة : لأ لسه.. ما انا بصحيه بعد الولاد ما ينزلوا.
بعد اذنك.. لما ينزل كريم هجيلك يا طنط.
سميرة : طيب يا بنتي انا بس مش عايزاكي تقعدي فوق لوحدك
اهي شهد قاعدة جوه اهي
نزلت ولادها وفطرت جوزها وجات تقعد معايا.
فريدة : حاضر يا طنط.. سلام.
سميرة : مع السلامة.
دخلت سميرة جوه.
شهد بتوزع الأطباق على السفرة.
شهد : فريدة دي يا طنط؟
سميرة : اه يا بنتي.. بقولها تيجي تقعد معايا بدل ما تقعد فوق لوحدها.
اهي كانت بتعمل شغل بيتها  وبعدين
تنزل ل مامتها تقعد معاها.
شهد : هما ولاد رحمة فوق يا طنط.
سميرة : لا يا بنتي شوفتهم نازلين من يجي نص ساعة
كده
ما انتي عارفه مازن جامعته في محافظة تانية
ف بينزل بدري
وآدم كمان بقى ينزل معاه.
شهد : يا حبيبي مش عايز يقعد لوحده في الشقة.
سميرة : ندى.. كتر خيرها بتنزل
كل يوم تروق الشقة وتعمل الأكل واهو حازم لما بيرجع
من الشغل بيروح يقعد معاهم شوية.
واهو فريدة بقيت كويسه
اهي هتبقى تشقر عليهم وتشوف طلباتهم.
شهد : وشقة رحمة والمكتب بتاعها يا طنط هيفضل
كده زي ما هو؟؟
سميرة : بيقولوا جوزها دا
عايش في الشقة
والقضايا اللي في المكتب ماسكينها المحامين اللي شغالين في المكتب وحازم كمان بيروح هناك بس معرفش بقى المكتب هيفضل شغال ولا ايه نظامهم.
هاتي يا بنتي الدوا علشان أكلي لقمه.
شهد : حاضر يا طنط.
__________