رواية .. ♤ بلاك اير ♤
بقلم .. كيمو.. 🍟
◇3◇
*تاني يوم في الكلية .. انس و مي اصلا متعودين يجو بدري و معاهم هند برضو اما باقي الشله بتاخرو .امكن عشان محمد و عزة عندهم عربات.. لكن حازم بجي مع المحاضرة .. ((صحي بالنسبه لي حازم في موضوع لازم تعرفو .. في ولد في الكليه اسمو (معتز) .. معتز دا ظهر في الكليه السنه الفاتت و اشتهر فيها شويه اكتر من حازم لانه برضو وسيم شديد و من النوع البعجب البنات برضو و بغني و صوتو حلو و ناس كثيرين في الكليه و في السوشيال ميديا معجبين بي صوتو .. و مما ظهر في الكليه اشتهر طوالي و بعديها اشتهر في الانستا و حسابو كان متفاعل شديد و معتز من اول م جا الكليه بكره حازم و حازم بكرهو .. و اي زول فيهم شايف نفسم مهم اكتر من التاني .. لحدي م يوم كدة حازم حسى انه ماف زول شغال بيهو حتى متابعينو في الانستقرام كلهم بقو متابعين معتز و حتى في الكليه الناس م بتعبرو زي زمان حازم بدا يحس انه بفقد شهرتو و كثير من الناس بقعدو مع معتز و يسمعوهو و الناس بقت م شغاله بي فيديوهات حازم كثير .. الموضوع دا كان مزعل حازم شديد .. بعد م شهرتو بدت تقل في الكليه و عامة كدة بعد م ظهر معتز .. بس حازم زعل شديد لدرجه انه فكر في فكرة كعبه و و نفذها و فضح بيها معتز و قدر يقلل من شعبيتو و كثير من الناس رجعت لي حازم تاني.. المهم الموضوع بتشوفو اهبل كدة و عادي لكن مع حازم بفرق شديد لانه متعود انه يكون اهم و اشهر زول في اي مكان ..))*
*المهم نرجع لي انس و مي و معاهم هند قاعدين مع بعض في الكليه .. في الكليه عندهم ركن كدة حلو بقعدو فيهو دايما .. المهم و هم قاعدين .. مي سألت هند قالت ليها اها امك م اتصلت لي ابوك كلمتو لسه .. هند قالت ليها لسه والله تقريبا مشغول شديد بس اول م تكلمو و تكلمني ح اكلمكم طوالي ..*
مي{ اي طوالي كلمينا
هند { انتو حازم اتاخر صح؟
انس { لا طبعا.. على فكرة ي هند حازم دا طبيعي بجي مع المحاضرة انتي م عارفه
هند { اي عارفه ..
مي { بتحبيهو انتي ي هند ؟
انس { دا شنو السؤال الفجاءة دا
مي { استنى خليها تجاوب
هند { شدييييد والله ي مي
مي { معناها يحبك و راسو فوق رقبتو ..
انس قعد يضحك و قال ليها { اصلا راسو فوق رقبتو ..
♧طوالي محمد جا داخل و قال { والله شكلها كدة عزوز عادتك ي مي ..
مي بقت تضحك و قالت ليهم { عشان بقعد معاها كثير بت اللذينه لخبطت لي كلامي ..
هند { اهااا ي مي شايفاك اتحمستي ..
مي { اي اي صحي بس موضوعك انا فضيت ليهو بعد كدة خلي لي
محمد { موضوع شنو
