💕أنت قلبي٢💕

الحلقة ٣٩

#انت_قلبي٢
#بوسي_مصطفى
______________
الحلقة ٣٩

محسن بغضب : بقولك هاتي الورق اللي معاكي دا
الحاجة أمينة : متدهوش حاجه يا هنادي
امشي اطلع بره انت ملكش حاجه هنا.
محسن : امه أني إن كنت سكت
ف احتراما ليكي بس
لكن اني ليه في البيت ده
وشقتي دي هطلعها وهعيش فيها ولو جبتيلي
مين حتى
مش هتعتع من هنا
هاتي الورق ده يا بنت كامل.
الحاجة امينه : امشي اطلع بره يا محسن
محسن : امه متعمليش عداوة ما بينا.
الحاجة أمينة : اني برضه يا محسن؟؟
محسن ويعتدي على هنادي علشان ياخد منها الورق
وهي بتصرخ..
وقع الورق من ايدها.
أخدته هدى من غير ما يحس
لإنه كان بيضرب  هنادي على وجهها 🥺
وكأنه مصدق مسكها وبقيت في ايده..
كان بيضربها بوحشيه وهي كانت بتصرخ
هدى بعد ما خيبت الورق
جريت علشان تبعد محسن عن هنادي
والحاجة امينه كانت على ما قدرت بتشد محسن
من جلبيته.
محسن : اني بقى هطلع روحك في ايدي.
هنادي خلاص مش قادرة تاخد نفسها ووشها كله غرقان
دم.
وكان بيخبط دماغها في الأرض
لحد ما اغمى عليها..
نزلوا الولاد جري على الصريخ اللي تحت محمود وحامد دخلوا جوه يشوفوا في ايه.
كان سعيد جاي من بره يجري هو كمان
لاقي هنادي واقعه في الأرض وسايحه في دمها وهدى
أخداها في حضنها وبتصرخ.
هدى : الحقنا يا سعيد اخوك موت هنادي.
محسن بغضب وبيرفع ايده على هدى :
اخرسي يا وليه انتي.
سعيد : عندك يا محسن
ويمسك ايده وينزلها بكل قوته
سعيد : مش وقت حساب دلوقت
ننجد البنيه دي وبعدين كل واحد ياخد حقه
اتصل بالاسعاف كان محسن خرج من البيت
والحاجة أمينة بتبكي : ألحق مرات اخوك يا سعيد
مش تسيب محسن هاتوا
بلغ المركز يجوا ياخدوا
انت واقف بتعمل ايه؟؟
اعمل اللي بقولك عليه يلا.
سعيد : اهي الإسعاف جات ياامه.
___________
في فيلا مراد..
وفي غرفة شادي...
هشام : هههههههه
شادي : بتضحك على ايه؟؟
هشام : بابي ومامي دول عليهم شوية حركات
ههههههه
شادي : مش فاهمك.. تقصد ايه؟؟
هشام : ياخدوا يومين اجازة مننا
ومش عايز تفهم!
ههههههههههههه
شادي : اه قصدك على كده
ههههههههههههه
ياعم سيبهم في حالهم بقى.
اهو يومين يقضوهم بعيد عن وجع الدماغ بتاعنا.
هشام : تعرف الواحد نفسه اتفتحت ل الجواز اوي.
شادي : هههههههه
ياابني انت نفسك مفتوحه من زمان.
من وقت الحوار إياه.
هشام : مليكة مارضيتش تديني رقم تليفونها.
شادي : رقم تليفون مين؟؟
ما هو معاك ياابني!
هشام : يا حبيبي انا اقصد رقم تليفون ياسمين
مش مليكة.
شادي : اه.. انت برضه كلمتها؟؟!
هشام : مكنتش منتظر منها كده
انا قولت عادي يعني هتقولي اتفضل.
شادي : يبقى انت لسه متعرفش
إن في نوعية من البنات حياتهم كده ودا اسلوبهم مش
زي البنات التانية اللي انت تعرفها.
هشام : وانا لو اعرف البنات التانية كنت زماني قاعد
معاك دلوقت.
ما هو اكيد مش عاجبني حياتهم.
بس كمان مليكة كانت تفوكها شوية وتديني الرقم
فيها ايه انا مش فاهم.
شادي : فيها إنهم مبيكلموش حد ميعرفوش.
هشام : فنكوووووش
ههههههههههههه
شادي : انا هسيبلك الأوضة كلها وأخرج سلام.
هشام : رايح فين؟؟
شادي : نازل تحت.
هشام : ليلى قاعدة تحت على فكرة.
شادي : طب وانا مالي؟؟
هشام : حبيت اعرفك.. انا غلطان إني بقولك؟؟!
تركه شادي ونزل تحت.
كانت نورهان قاعدة ومعاها ليلى.
شادي : سلام عليكم.
يرددوا : وعليكم السلام.
شادي : ايه بتابعوا ايه على
التي في؟؟
نورهان : مفيش حاجه الواحد يتابعها هات اللاب
اللي جنبك ده.
شادي : اتفضلي.
وقعد قريب من ليلى.
شادي ببتسامة : ازيك يا ليلى.
ليلى ب ارتباك ودهشه : تمام
الحمد لله.
نورهان وهي مندمجه في البحث على اليوتيوب :
انت لسه شايفاها دلوقت  ولا ايه؟؟!
شادي ب ارتباك : ها... لأ طبعاً.
نورهان تنادي على رباب وتطلب منها فنجان قهوة.
شادي ل ليلى : بتعملي ايه؟؟
ليلى : بقرا راوية.
ليك في القرايه؟؟
شادي : ها... لأ
انا ماصدقت خلصت امتحانات.
ههههههههههههه
نورهان : تروح الشركة بكره بابي قال كده.
شادي : عندي خبر يا عمتو.
نورهان : ايه مالك زعلان؟؟
شادي : لا ابدا وهزعل من ايه؟؟
_______