بلاك اير

بلاك اير 9

رواية .. ♤ بلاك اير ♤

بقلم .. كيمو 🍟

..9

*ياسر و يسرا وصلو الكلية و الشله استقبلوهم و سلمو عليهم و قعدو معاهم ..*

انس { ياخ والله ليكم وحشة

مي { فقدناكم ي مجانين

يسرا { م تفقدو عزيز ي رب حتى نحنا فقدناكم ولا م كدة ي ياسر

ياسر { كثير والله .. ان شاء الله بس م مشيتو كثير في القرايه ..

محمد{ لا والله م كثير ..

ياسر { اي بس انت ح تجي تشرح لينا الفات كلو

محمد { من زمان انا بشرح ليكم ههههه الجديد شنو يعني

يسرا { اصلا نحنا بدون شرحك دا والله م بننجح

محمد { احم احم

انس { المهم كيف امكم و ابوكم ؟

يسرا { كويسين والله الحمدلله

انس { الحمدلله ..

ياسر عاين لي نور و قال ليهم { م عرفتونا بالبت الجديدة دي

حازم { دي نور .. حبيبتي

يسرا { اشي اشي .. اخيرا لقيت وحده تلمك ..

حازم { هههه تصدقي ..

يسرا { تشرفنا ي نور

نور { الشرف لي

يسرا { وانتي ي عزة كيفك

عزة { تمام والله

يسرا { دايما

*في نص الونسة ميدو فجاءة قام و قال ليهم عايز اقول ليكم حاجه بما اننا كلنا مجتمعين..*

انس { قول ي ميدو ..

محمد{ انا و عزة ارتبطنا ..

*لما محمد قال كدة كلهم فرحو ليهم  الا ياسر و يسرا كان مصدومين و يسرا تعابير وشها بعد م كانت فرحانه و راجعه مبسوطة اتقلبت سريع بعد م سمعت الكلام القالو ميدو دا و القعدة بقت ليها صعبه طوالي قامت قالت ليهم عن اذنكم ..و طوالي اخوها ياسر قام وراها ..*

ياسر { اقيفي ي يسرا ماشه وين

يسرا { م عارفه ..

*ياسر وقفها و لما عاين في عيونها لقى دموعها م بتقيف ..طوالي قال ليها انتي بتبكي؟؟*

يسرا { لا ماف شي

ياسر { م عارف اقول ليك شنو بس ي يسرا ي ريت لو كنتي اعترفتي ليهو من زمان اها عزة خطفتو منك

*يسرا مسحت دموعها كدة و قالت ليهو{ لا مستحيل .. مستحيل عزة تحب ميدو*

ياسر { ي بت م سمعتي اسي قال ليك ارتبطو ..

يسرا { انا عارفه عزة كويس .. م من النوع البرتبط بي ميدو

ياسر { كيف يعني