بلاك اير

بلاك اير 12

رواية .. ♤ بلاك اير ♤

بقلم .. كيمو .. 🍟

♤12♤

عزة { ملاذ !! مالها ؟؟

*يسرا فتحت الصور و قالت ليها هاك شوفي .. شوفي اختك الصغيرة حلاتها بتتصور كيف .. ماشاء الله ماشاء الله  خلقة رباني و منورة عديل .. عيني عليها باردة ..عزة بتعاين للصور و مستغربه و مصدومه و م قادرة تصدق انه دي ملاذ و بتتصور صور زي دي .. و من شدة الصدمه حتى م سألت يسرا من وين جابت الصور دي و كان كل همها انها تمشي سريع لي ملاذ و تطلع ميتينها و تفهم منها دي شنو الصور دي..*

عزة { انزلي من العربية

يسرا بي كل برود { اها ح تقولي لي ميدو انك م بتحبي ولا لا

عزة { بغض النظر عن ميدو و عن اي شي .. انا م قايلاك وحدة رخيصه و صحبتك زفت كدة

يسرا { وانا م كنتا قايلاك وحده انانية للدرجه دي

عزة { ح تنزلي و لا

يسرا { نازلة نازلة .. اكيد ماشه تشاكلي الاخت ..

*يسرا و هي نازلة من العربيه قالت ليها على فكرة لحدي نهايه اليوم الليلة لو م قلتي لي ميدو القلتو ليك م اضمن نفسي اني م ح انشر الصور دي في اي مكان .. و على فكرة كمان رسلتها ليك في الواتس لو دايرة تتاكدي دي اختك ولا لا*

*يسرا نزلت و دخلت الكلية و عزة سريع اتحركت على جامعه ملاذ و كانت زهجانه شديد و بدت تبكي ..و م مصدقه انه ملاذ ممكن تعمل كدة*

*يسرا دخلت الكلية و كان في ميدو و ياسر و انس و حازم و هند ..*

يسرا { ازيكم ..

انس { كويسين والله

يسرا { تعالي ي هند عايزاك

هند { طيب

//

*خالد وصل عند مي و طلعو مع بعض .. و هم في العربية ..*

خالد { يلا اقفلي تلفونك

مي { لي

خالد { م عايزين ازعاج ياخ اليوم دا انا مجهزو كلو بي مزاج ..

مي { عادي التلفون م بعمل شي

خالد { م عادي .  اسي ممكن تتصل ليك صحبتك تتكلمو ساعتين .. عشان كدة اقفلي و اها انا زاتي قفلتا تلفوني ..

مي { طيب حاضر ..

//

*يسرا و هند قعدو براهم ..*

هند { اها ي يسرا احكي ..

يسرا { انا بحب ميدو ي هند

هند { شنووو .. احلفيي

يسرا { والله ..

هند { من متين ..

يسرا { من زمان والله