رواية .. ♤ بلاك اير ♤
بقلم .. كيمو 🍟
♤15♤
*🖊حازم شاف الصور و معاها رسالة مكتوب فيها (( والله انا حاني عليك من الراجيك بعد م السودان كلو يشوف الصور دي .. بس انا عندي قلب و م زيك يعني في فرصه اني م انشر الصور دي لو عايز تعرف قابلني بكرة الساعه 10 في الكافيه الجمب الكليه.. حازم بعد م شاف الصور و قرا الرساله م قدر يمسك نفسو و جدع التلفون ضرب بيهو الحيطة و دخل في حاله كدة صعبه و بقى يقوم و يقعد و يمشي كدة و يجي كدة و اصلا م عرف يتصرف بعد شويه كدة .. رفع التلفون من الارض و حاول يفتحو م فتح ليهو .. ضرب بيهو الحيطة تاني...*
*خالد رجع مي البيت و رجع الشغل .. مي وصلت و دخلت طوالي فتحت تلفونها لقت 30 مكالمه فائته من هند و انس طوالي رجعت لي هند ..*
هند { اخيرا فتحتي تلفونك ي مي
مي { اااااسفه والله ي هند بس طلعتا مع خالد من الصباح و قال لي اقفلي تلفونك
هند { خالد منو ؟
مي { واحد كدة ببقى لي
هند { اهااا.. وانتي م عارفه الليله اليوم ال ح يقابل فيهو حازم البت الاسمها نور
مي { والله ي هند اسي اتزكرتا انه الليله اعفي لي عليك الله و احكي لي الحصل شنو .. اها مشيتي انتي و عزة و عملتو شنو
هند { عايني م تجيبي لي سيرة عزة دي تاني
مي { شنوووو ؟ مالكم في شنو
هند { ياخ دي متخلفه بسببها معتز صور حازم و لو م انا و انس و ميدو حصلناهو كان ح يمشي بالصور
مي { سجمي سجمي .. كدي احكي احكي لي الحصل كلو من البدااااااايه
هند { طيب
//
*🖊تاني يوم في الكليه الشله كلهم قاعدين مع بعض ..*
انس { تاني ي مي م تقفلي تلفونك عليك الله
مي { والله كنتا مضطرة ي جماعه
هند { مضطرة برضو ..
مي { انتي اسكتي ..
يسرا { تعالي ي عزة عايزاك
عزة { طيب
حازم { لالا استنو عايز اقول حاجه
هند { قول قول في حاجة ؟
مي { م تصبري ي بت الود عايز يتكلم
انس { قول قول ي حازم
حازم { الصور لسه مع معتز ي جماعه
هند { شنوووووو؟؟؟ كيف كيف يعني
انس { ي حولاااا ياخ
ميدو { كيف لكن لسه معاهو و نحنا شلنا الزاكرة و مسحنا من الكاميرة و تلفوناتهم برضو
