رواية ... ♤ بلاك اير ♤
بقلم .. كيمو 🍟
♤16♤
معتز بي استفزاز كدة قال ليهو { نورتا ياااااا نجم
حازم { احكي داير شنو سريع
معتز { لي ياخ سريع معقوله .. اول مرة نقعد مع بعض .. شوف الناس زاتها منتبهة معانا كيف
حازم { ح تقول عايز شنو ولا لا
معتز { شكلك زعلان ي مان .. بس تقول شنو الدنيا دوارة ي صحبي يوم ليك و و يوم عليك و حاليا عليك
حازم { طيب انجز
معتز { تشرب شنو اول ..
حازم { م عايز شي
معتز { لا والله تشرب
حازم { قلتا ليك م عايز
معتز { شكلك زعلان .. م عارف المزعلك شنو
حازم { عاين انت عايز تتكلم كتير ؟
معتز { خلاص خلاص ي نجم اهدى .. المهم
حازم { اها المهم ..
//
*يسرا رجعت للشلة و قالت لي ميدو عزة عايزاك هناك .. ميدو قام و جا قعد جمبها و هي كانت منزلة راسها..*
ميدو { اها ي قلبي يسرا قالت لي انك عايزاني
*عزة رفعت راسها و كان واضح انها بتبكي ..ميدو طوالي لاحظ ليها و مسح ليها دموعها بي يدو*
ميدو { دا شنو ي قلبي انتي بتبكي ؟؟؟!!! م عاش البخليك تبكي ولو بتبكي بي سبب زول وريني منو بس وانا اسي امسح ليك بيهو الارض بس دموعك دي م تنزل نهائي
*دي اول مرة زول يمسح لي عزة دموعها او حتى يلمس وشها .. و حست بي احساس غريب و مشاعر اول مرة تحس بيها و بعد كلامو دا حست انها اول مرة تسمعو من قلبها و تحس انه بالجد بحبها...*
ميدو { احكي لي المزعلك شنو ؟
عزة { ميدو انا عايزة اقول ليك حاجه بس م تزعل مني
ميدو { انا لو بزعل منك ي عزة م كنتا صبرتا عليك كتير كدة .. يمكن في علاقتنا دي انتي صعبه شويه او صعبه كتير بي صراحه و م مهتمة بي زي م انا مهتم بيك و تقريبا اصلا م بتحبيني زي م انا بحبك .. بس اعمل شنو قلبي و مشاعري و م قادر اتحكم فيها
عزة بدت تدمع تاني و قالت ليهو { خلاص كفى ي ميدو
ميدو { خلاص خلاص اسف والله م تبكي .. اها احكي
عزة { انا اسفه
*ميدو استغرب شديد لانه اول مرة يسمع عزة بتتاسف ليهو ..*
ميدو { على شنو ي قلبي
عزة { على اي شي .. م تزعل مني
ميدو { لالا م زعلان اصلا
