رواية ... ♤بلاك اير♤
بقلم .. كيمو 🍟
♤17♤
*🖊بعد م عزة قالت ليهم انه يسرا هي السبب طوالي طلعت منهم بدون م تقول ليهم شي تاني و ميدو طوالي قام طلع وراها ..*
ياسر { دا شنو القالتو عزة دا ي يسرا ؟
انس { انتي كنتي عايزة تفضحي اختها ؟
مي { و كيف اصلا تفضحيها وانتي متين اصلا جيتي لمن تفضحي الناس
ياسر { م تجاوبي مش بنسأل فيك نحنا
يسرا { اي ياخ مالكم انتو
ياسر { كيف يعني مالنا .. هم مالهم .. انا اخوك برضو مالي ؟
انس { لا كدي دقيقه براحه ي ياسر .. المشكلة شنو اصلا بينك و بين عزة و لي عايزة تفضحي اختها ..
مي { و تفضحي اختها بي شنو اصلا
ياسر { ياخ م تتكلمي
يسرا { عشان هي انانيه و مفتريه و م بتحب ميدو و بتعذب فيهو ساي
مي { كلنا عارفين كدة بس لانه دي حرية شخصيه بينهم م بنقدر ندخل فيها
يسرا { انا لي الحق ادخل فيها
مي { بصفتك شنو ي يسرا
يسرا { بصفتي بحب ميدو و م برضى فيهو الذلة دي ..
انس { انتي بتحبي ميدو ؟؟؟ .. من متين ؟
يسرا { من زمان و كنتا راجعه اعترف ليهو بس لقيت الاخت الاسمها عزة بتغش فيهو
ياسر{ انا دا كلو م بهمني ي يسرا .. المهم انتي كنتي عايزة تفضحي اختها كيف ؟
يسرا { ياخ دا موضوع خاص بينا م تسالوني منو مالكم انتو
*في اللحظة دي ياسر قام و ضربها كف قدامهم ..و انس قام مسكو طوالي ..*
ياسر { قلتا ليك م تقولي لي مالك دي انتي حيوانه ولاشنو
*يسرا طوالي بقت بتبكي و هند حنت عليها و قالت ليها تعالي تعالي معاي ..و قامت معاها ..*
انس { براحه عليها ي ياسر
ياسر { م براحه ي انس م براحه .. اي شي الا اللئامة .. و كمان جابت ليها فضايح ناس
انس { طيب نحنا م فاهمين الموضوع اصلا اصبر نفهم اول بعداك شاكلها
ياسر { دي حيوانه ياخ
*ياسر قام طالع ..*
انس { ماشي وين
ياسر { طاير البيت خليها تتصرف تجي براها
انس { لالا ياخ اصبر ي ياسر
*ياسر طلع طوالي ولا اشتغل بيهو ..و بقى قاعد انس و حازم بس ..*
