بلاك اير

بلاك اير 23

رواية ... ♤بلاك اير♤

بقلم .. كيمو 🍟

♤23♤

*🖊في لحظة بس مي اتزكرت كل ثانيه و كل موقف كان ليها مع خالد و اتزكرت مفاجأتو و ضحكتو و اي شي كان معاهو و بدت تبكي مع امها ...*

*انس اول م رجع البيت اتصل على ميدو و قال ليهو تعال لي عايزك في موضوع .. و طوالي ميدو جا لي انس و كان معاهو عمار ..*

انس { اوووو عمااار .. شنو ي عمك

عمار { ي انس .. اخبارك

انس { تمام والله .. اها خلاص الامور ظبطت صح

عمار { اي اي ميدو حكى لي

انس { خلي بالك من ملاذ دي بس انت

عمار { في عيوني والله ..

ميدو { اهاا ي انس موضوعك شنو

انس { طيب انا ح اتكلم قدام اخوك لانو م زول غريب اصلا

ميدو { اها

انس { بالنسبة لي عزة

ميدو { انا لو عارفك داير تتكلم في الموضوع دا م كنتا جيتك ..

انس { انت اصبر بس و اسمعني ..

ميدو { الموضوع دا منتهي وانت عارفني

انس { اسمعني ممكن ..

ميدو { اها ..

انس { انت عارف انه عزة دي من اول يوم اصلا م حبتك

ميدو { ياخ م تقول كلام ساي

انس { لي اقول كلام ساي و الكلام دا هي البتقولو لينا ي ميدو .. هي قالت انها بس اتسرعت و غلطت

ميدو { يعني عشان اتسرعت و غلطت خلاص كدة تحبني يومين و تخليني .. تلعب بي مشاعري يعني

انس { من الناحيه دي هي فعلا غلطانه و غلطانه اكتر لما قلنا ليها قولي لي ميدو انك م عايزاهو بس قالت م بتقدر تقول ليك كدة و قالت بس ح تخليك لحدي م تزهج ..

*ميدو سكت ساي و منزل راسو في الارض و متوتر و بهز في رجلينو و بدا يزهج ..*

انس { مشكلتك ي ميدو متعلق في حبل مرخي و تعلقك دا م منه فايدة و ح تقع في الاخر .. عشان كدة انا عايزك تفكر بي عقلك و تسيب قلبك دا شوية لانه هو العامل ليك الجوطة دي .. و كدة يعني م قصدي انه قلبك دا م كويس او كعب .. بالعكس انت قلبك ابيض و بحب بجد بس المشكلة انه اختار الزول الغلط ..

عمار عاين لي ميدو .. و قال ليهو { كلام انس صح ي ميدو و انا اخوك و م برضى اصلا انك تتعلق بي بت هي م عايزاك اصلا

انس { بالظبط كدة .. انا عارف انه الموضوع صعب بالنسبه ليك بس صدقني انه يسرا هي العايزاك و باقيه عليك بالجد لدرجه انها كانت ح تتسبب في مصيبة و تخسر صحبتها عشانك و عشان بتغير عليك شديد و هي حاليا زي م انت شايف زعلانه و الوحيدة فينا الحست انها غلطت و دخلت في حاله صعبه .. و لازم نحسسها اننا م زعلانين منها و ماف زول ح يقدر يطلعها من الحاله دي غيرك