تعب السنين

بـدايـة حكايتي

الكاتبه:آمـنـة آل دُلـيـم
انستكرامي:4x9r_
........
مرحبا...اني ازل عمري ١٧ طالبه خامس عندي  اخت اسمها الما عمرها ١٥،واخ اسمه قسور عمره ١٠سنوات كلش يحبني ويحب نسولف بـس امي دائماً تحاول تبعده عني بدون سبب ! وابويه ظابط فـطول الوقت بالدوام  وامي ربه بيت وعلاقتي مو قويه بيها ولا مره حسيتها تتقرب مني وتحاول تحسسني بحنان الام ودائماً تمييز اخواني عني، وصديقاتي لارا وليان دائماً احنا سوه بكلشي
بالمختصر احس اني اجيت لهاي الدنيا بس حتى اخسر كلشي احبه خسرت هوايه اشخاص والحمدلله صبرت و كان العوض كبير من الله

اليوم بدت امتحانات الخامس نهايه السنه كلش احب الدراسه واحب اقره بس دائماً امي كل ماتشوفني اقره تكول كومي ساعديني القرايه متفيدج مكان البنيه بيتها واني ماكدر ارفض ف منظمه وقتي بين الدراسه وبين مساعده امي بشغل البيت

ازل:كعدت الصبح لبست ملابسي وراجعت شويه كلش خايفه من اول امتحان ونزلت للخط سلمت على لارا وليان ورحنا للمدرسه وبدينا ننراجع

ازل:ها بنات شون جاوبتوا الاسئله مو كلش صعبه

لارا:والله مجاوبت غير ؏ سؤال اول وع سؤال الثاني وحيل ضجت

ليان:الحمدلله زينه.

ازل:لارا حبيبي لتضوجين إن شاءاللّـهہ تنجحين وشدي حيلج بباقي الامتحانات

لارا:الله كريم إن شاءاللّـهہ

ليان:يله بنات امشوا نروح للخط هسه يسويلنا سالفه

ازل:يله

لارا:يله

ازل:السلام عليكم عمو

ابو الخط:عليكم السلام شلونكم شلون جاوبتوا

ازل:الحمدلله زينيين

-كل وحده رجعت لبيتهم واني دخلت للبيت سلمت على امي وصعدت بدلت ملابسي وبديت اساعدها اتغدينا

ازل:حروح اقره محتاجين شي مني

ابويه :روحي موفقه إن شاءاللّـهہ

ازل:امين يارب

-كملنا الامتحان على هذا الروتين ومضت ايامنا بين قلق وخوف وقرايه ....جان اليوم اخر يوم امتحانات ولحمدلله خلصنا وقررنا منحجي شي عن الامتحان פــتى منضوج

ازل:بنات شنو رأيكم نطلع للمول اختنكنا طول فتره الامتحانات نطلع شويه نغير جو

لارا:والله اشوف اهلي منو كال يقبلون هل فتره اخويه حيل ديشدد عليه

ليان:اني ماعندي شي اذا تطلعون اجي

ازل:اوك لـ؏ــد لارا شوفي اهلج واني هم اشوف اهلي حتى نتفق على يوم ..

-رحنا للخط ورجعت للبيت وكالعاده ساعدت امي وصعدت نمت نومه اهل الكهف وكعدت حجيت ويه ذو الفقار بقينا نسولف شكد مشتاقتله
(ذو الفقار حبيبي الي راح يعجز لساني عن وصفه جنت اتخيله كلشي بالنسبه الي بـسہ تعرفون بالقصه)