رواية طفلة ولكن(بقلمي سارا محمد)

النهاية...اعتذار

السلام عليكم يا بنات ....اتمنى تكونوا بخير

اولا حابة اشكر كل حد دعمني بجد وخاصة الامورة *منة تامر*  يلي كانت مصدر تحفيز كبير ليا اشكرك بجد❤

ثانيا انا اسفة بالي هقوله عشان يمكن اكون خذلتكوا بس انا قررت اني احذف الرواية ومكملهاش لاسباب خاصة بس واحد من الاسباب اني مش عاوزة اتحمل ذنب حد ، الروايات الرومانسية يا جماعة انا شخصياً تركت اثر فيا واثر سلبي كمان وغير كدا طالما رومانسية يبقا لابد من وجود مشاهد غير لائقة كالاحضان والقبلات ....والخ ، وده شيء يخالف شرع ربنا حتى لوكان ده بيحصل في الرواية بين اتنين متجوزين بس برضو مينفعش ، انا مسلمة ولا اقبل ان حد تتشوه فطرته او يتأثر سلبيا بالحاجات دي عشان تقريبا كلنا مراهقين وكلنا اكيد بنحلم بحاجات زي دي عشان انا اكتر واحدة عارفة تأثيرها واضرارها ، بس انا برضو مش هكون انانية معاكو وهحكيلكوا مختصر اللي هيحصل في الرواية لأدام

ادم وليلى حصل بينهم شوية مشاكل بسبب مايا الي حاولت دايما تفرق بينهم بس طبعا الحب الي بينهم كان اكبر من المشاكل دي واسر ويارا طبعا عصافير الحب يلي حياتهم كلها حب وتفاهم وثقة ولا تخلوا من بعض المشكلات الصغيرة اما نارين ومالك كان دايما بيعاملها زي عمر بحنية وحب ودلع بس سهيلة عمتو طبعا مش هتسيب حد بحاله ولما لقت ان بنتها نور مش مهتمة بمالك ابدا قررت هي الي تفرق بينهم ولما نارين كانت حامل راحت سهيلة خططت انها تسقطها وطبعا نور عرفت عشان كدا حكت لمالك كل حاجة ومالك على طول خلا سهيلة ترجع بلدها اما نور فرفضت ترجع معاها وقررت توافق انها تتجوز مهاب الي طلب ايدها من مالك بعد ما تعالجت ، اسر طبعا لسا بدور على ادلة عشان حور وفي الاخر هتتمسك وهي بتستلم البضاعة من امجد تاجر الممنوعات وهتتحول للمحكمة وبعدين جاسر وليلى ويارا هيشهدوا في المحكمة ضدها وتتسجن 10 سنين و ف نفس اليوم جاسر وسارة هيطلقوا وده اقتباس للمشهد : 💪😍👇

خرجوا جميعا من باب قاعة المحكمة بعد الحكم على حور ب 10 سنوات سجن ثم جلسوا في بهو المحكمة على المقاعد الخشبية لتقول سارة بشرود : جه الوقت استاذ جاسر

نظروا اليهم جميعا باستغراب فأغمض جاسر عيناه بألم وابتسم بخفوت ثم نهض بتعب يقول : وانا هوفي بوعدي يا انسة سارة

اندفع اسر يقول باستغراب : يا جماعة هو في ايه

تنفست سارة بعمق ثم القت بقنبلتها تقول بهدوء : انا وجاسر قررنا نتطلق بعد ما المدام حور تتسلم للعدالة

صمتوا جميعا ولم يعترض احد فهي من حقها ان تعيش حياتها كأي طفلة فلم يعلق احد ثم دخلوا مجددا الى المحكمة وتوجهوا الى قسم العلاقات الاجتماعية ووقفوا هم الاثنان امام المحامي الذي قال بعملية : ارمي اليمين يابني

اغمض عيناه يتنفس بعمق صم استدار اليها ومد يده مصافحا يقول بابتسامة جذابة : مبسوط اوي اني عرفتك ف يوم

ابتسمت بارتعاش تصافحه قائلة ببحة : هتفضل ذكرى حلوة ف حياتي

سحب يده ثم رمى يمين الطلاق عليها ثم عاودوا الخروج فقال اسر : يبقا كدا سارة هتسافر معانا وانا ويارا وماما على ايطاليا

بكوا الفتيات كثيرا وهم يودعون يارا وسارة ، واسر ايضا احتضن اصدقائه بحب يودعهم ليقف جاسر امام سارة يقول بابتسامة هادئة عكس ما يعتمر صدره من الم لفراقها : تروحي وترجعي بالسلامة يا انسة سارة

ابتسمت ببطء وهي تحاول كبح دموعها التي لمعت داخل الفضاء الموجود في مقلتاها تقول بحشرجة : ربنا يسلمك يارب

ثم امسك اسر بيد يارا واليد الاخرى امسك بها سارة وزينب تمشي امامهم وهو يمشي ورائها ومعه الفتاتان وسارة تنظر بشرود احقا ستذهب بكل بساطة....احقا ستتركه بعد كل ماعاشاه سويا ، اما هو فنظر في اثرها بصدمة بعد ان اختفت ....لقد رحلت...رحلت من لها ثورة القلب اشتعلت...وهاهو ذا يعترف لنفسه اخيرا...نعم...احبها بل عشقها ....لا لن يسمح لها بالرحيل بعد ان تربعت على عرش قلبه ، انتفض مكانه وجاء ليركض لكن يد ادم منعته وهو يقول بحزن على شقيقه : خلاص يا جاسر هي مشيت

وهنا خارت قواه ليسقط على ركبتيه ويغمض عيناه وهو يقول في نفسه بالم يعتصر فؤاده : بحبك

الرجاء وضع احزمة الامان والاستعداد للاقلاع

تجلس امام النافذة وهي تشاهد مصر باكملها من الاعلى اثناء ارتقاء الطائرة و دموعها تهطل ببطء ، دائما ما كانت تهيأ نفسها لتلك اللحظة لكنها لم تعلم انها الواقع صعب هكذا ، تشعر بأن روحها ستزهق من شدة الالم لقد اشتاقت له من الان ، اغمضت عيناها بتعب وذكرياتها معه تمر كشريط السينما في مخيلتها لتستسلم بعدها للنوم لعل الهروب من الواقع ينفعها ولو قليلا.

وبسسس كدا وطبعا يلي قرأ الاقتباس هيعرف انها هترجع ، ومرة كانت عندو في المكتب داخل المعهد بعد ما رجعت وكانوا بيتكلموا بالماضي وجوازهم وكدا وطبعا العقربة الي اسمها مها سمعت كل حاجة عشان كدا فضحتهم بالمعهد وقالت للكل انهم كانوا متجوزين بالسر ولما جاسر عرف اتقدم لسارة في فسحة المعهد ادام الكل وركع بقا على ركبته وحركات كده😝 وقالها انو بيحبها وهو طبعا وافقت وهيرجعوا يتجوزوا ومها هتموت من القهر (تستاهلي يا عقربة 😂😂)  ولما سارة تحمل بقا هتولد هي ويارا مع بعض وهيقعدوا بقا يتخانقوا على اسم زينب عشان الاتنين هيبقا عندهم بنوتات وهنا الاتنين هيسمو زينب برضو😂😂
وادم وليلى بقا عندهم ولد زي القمر اسمو ادهم ، نارين ومالك هيجيبوا اخت لعمر واسمها عائشة ، اما بقا الشهاب اللامع والمريضة بتاعته ، نور كانت حكت لمهاب انها كانت بتقول عليه شهاب لامع في خيالها عشان كدا لما جابوا ولد سموه شهاب.

النهاية....

اتمنا اني اكون رضيت فضولكو وياريت بجد الي بحبني يساعدني في القرار ده ولو في اي حاجة عاوزين تعرفوها اسالوني في الكومنتس ، وحاجة اخيرة انا مش هلغي الصفحة بس هحذف فصول الرواية وابقى انزل خواطر انا كتباها او اقتباسات كوميدية او حزينة من رواياتي والي حابب يفضل متابعني انا مرحبة بيه طبعا.

بحبكو اوي.....سارة محمد❤