في المساء تم عقد القران وبعدها الزفاف وتوديع نورا التي ذهبت مع شريك حياتها
سارا: بكره هنسافر
سعيد: ايوه اطلعوا ارتاحوا عشان انتوا تعبتوا جوى انهارده
فاطمه: على فين يا شمس
شمس: هروح اطمن على الخيول، كنت مشغوله جوى انهارده وهما اكيد تعبوا من الرجص الفرح
__________فى الاسطبل__________
دلفت شمس واقتربت من شهد ولكنها لاحظت شخص ما يجلس بجانب لوزا ويعطيها ظهره
شمس بخوف: انــ ـت مين
ادهم: ده انا
شمس واخذت نفس عميق براحه: انت ..... بتعمل اي هنا
ادهم: بودع لوزا وشهد وشاهين
شمس اتجهت الي شهد ولم تنطق ولا كلمه وبدأت في تفحصها
ادهم: شوفتهم مافيش اي اصابه شاهين بس رجله كانت واجعاه شويه ودلوقتي بقا كويس
شمس بفزع: اي
واتجهت الي شاهين ورأته بخير ولكنها امسكت به وجعلته يمشي عدة خطوات لتطمئن اكثر
ادهم: قولتلك بقا كويس
شمس: برضوا لازم اتطمن
ادهم اقترب منها: هتوحشيني يا شمس
شمس: وانت مش هتوحشني وماهصدق اخلص منك
ادهم: من قلبك
شمس عكس ما بداخلها: ايوه
ادهم: امال ليه كنتى عماله تدورى بعينك عليا ف الفرح
شمس اتسعت عيناها مما جعل ادهم يبتسم: انا ماكنتش بدور عليك
ادهم: كنتى بتدورى عليا بأمارة انك سألتي واحد من الغفر عليا وبالتحديد كان عيسي
شمس اتسعت عيناها اكثر وقالت بتوتر: لـ ـلا طبعا
ادهم بإبتسامه: بحبك
شمس حاولت ان تبدو هادئه امامه ولكنها لم تستطيع ضبط انفاسها السريعه وضربات قلبها الاسرع وارتجاف يدها
ولم يلاحظ احداً منهم الأعين التى كانت تراقبهم
_________بعد قليل__________
في داخل القصر تدلف شمس ووراءها ادهم وكان عدنان واولاده وزوجاتهم وعامر وبلال وليليان يقفون ويظهر علي وجوههم الغضب الشديد عكس ليليان التى كانت تبتسم ابتسامه واسعه، ابتسامة انتصار
شمس بإستغراب: فى اي مالكم واجفين اكده ليه
فاطمه بزعيق: وكمان عامله فيها هابله ومانتيش عارفه فى ايه يا غزيه
شمس بغضب: اي ده انتى بتتكلمى معايا كده ليه
سعيد بغضب: وكمان بتردي يا عديمة الربايه
وصفعها صفعه شديدة على وجهها جعلتها تقع على الأرض
ادهم بزعيق وركض نحو شمس: انت بتضربها كده هيا عملتلك اي
بلال وجذب ادهم وانقض عليه بالضرب المبرح وشمس ظلت تصرخ على بلال ليتركة
احمد بزعيق: كنتى بتعملى اي مع المسخ دييه
شمس نظرت له بإستغراب وسط دموعها: مــ ـع مــ ـين
فاطمه بزعيق: هو فى كذا واحد ولا اييه
عدنان بصوت رعب الكل: كنتى بتعمل ايه مع ادهم فى الوجت ديه
شمس برجاء: والله ماكنتش بعمل حاجه انا كنت خارجه اشوف شهد وشاهين لو فيهم اي اصابه
فاطمه بغضب: وكمان بتكدبي ليليان شافتك بعنيها وانتى وياه فى الاسطبل
سعيد بزعيق: كنتوا متفجين تتجابلوا هنيك وتعملوا الفاحشة
ادهم بألم: لاا مافيش حاجه مالى بتفكروا فيها دى شمس ماكنتش تعرف انى هناك اصلا لما راحت
شمس بدموع: انا ماعملتش حاچه، عاامر انت مصدج انى اعمل اكده
عامر نظر لها بحزن ولم بنطق
شمس بزعيق وسط دموعها: رد عليا يا عااامر، انا مستحيل اعمل اكده
عدنان: خدوها على الاوضه وتوكدوا اذا كانت بنت ولا لع
شمس بصراخ: لاااااا
ادهم بصراخ: لااا ابعدوا عنها شمس ماعملتش حاجه انتوا ظلمنهاااا
