اوتار العشق

اوتار العشق (الفصل التالت)

الفصل التالت

دخل حازم غرفه سليم ظهر ملامح الصدمه على وجهه لقد حطم سليم جميع محتويات الغرفه بأكملها تحدث حازم :

انت مبقتش تعمل حاجه غير انك تكسر ده مش حل ياسليم وبعدين انت مش اخر واحد يحب وينخدع فى حبه ، خلاص انسى بقى راحت لحالها وانت فى حالك.

سليم وهو ينظر له بملامح خاليه من التعبير: فعلا لازم انسى واعيش حياتى عادى لازم ارجع سليم بتاع زمان ، بس تصدق ياصاحبى أن رغم اللى حصل لسه بحبها باشتياق ليها اوى.......ليتابع حديثه وهو يغمض عينه يتخيل ملامحها : بعشقها.... بعشقك ياسلمى.

فتح سليم عينه بقوه : بس خلاص هنساها وهعرف أخرجها من قلبى اللى زيها ميستهلش اللى انا عملته عشانها.
نظر إلى حازم وحدثه: انزل انت استنى تحت هحلق دقنى ونروح الشركه مع بعض.

حازم بابتسامه: ايوه كده ياشق فرحنى رجع البهجه للفيلا والشركه وصحبك حبيبك ، انا من غيرك حاسس أن فى حاجه نقصانى.

سليم بابتسامه باهته : كل ده عشان قولت هحلق دقنى.

حازم بضحك : انت متعرفش بتعمل ايه دى فى قلوب العذارى.

سليم : متشكر على وقفتك جمبى ياحازم انت اكتر من اخويا اللى مقدرش استغنى عنه ، صاحب بجد.

حازم يدعى الغرور: عشان تعرف بس انى مؤثر.

سليم بابتسامه خفيفه : انزل انت وانا عشر دقائق واكون عندك .........خرج حازم من الغرفه وهبط لاسفل الدرج ودلف سليم إلى الحمام
يقف أمام المراه ينظر على مظهره ودقنه الكثيفه لكنه شرد فى أمر ما ...........

فلاش باااااااااااااااااك

نظرت سلمى له قائله بذهول هامس : سسليم

وقف سليم مكانه غير قادر على النطق بعد سماع اسمه مابين شفتيها ، تسارع دقاات قلبه أمامها وهو ينظر لعينيها
الجذابه التى سرقت دقات قلبه قائلا بجديه مزيفه:

سليم: انتى قولتى ايه.

سلمى بتعلثم: اااسفه ققصدى دكتور سليم.

سليم بجديه مصتنعه يحاول اخراج صوته: انتى من طلابى

سلمى بتعلثم: ايوه حضرتك

سليم : اول مره اشوفك فى الفرقه ،انا بدرسلها من السنه اللى فاتت عمرى ماشفتك قبل كده.

سلمى بخفوت: للاسف مكنتش بحضر محاضرات حضرتك عشان مبعرفش اصحى بدرى........فتابعت حديثها بسرعه شديده:::: بس واللهى السنه دى هحضر وهبقى ملتزمه .

سليم بابتسامه خفيفه حاول اخفاءها على تلقاءتها فى الكلام :
طب وحضرتك كنتى بترغى فى ايه ومش مركزه مع حضرتى

سلمى قائله بسرعه شديده: واللهى يادكتور اسفه مش هتتكرر تانى اوعدك.

سليم : تمام هديكى فرصه ،ياريت صحابك يعرفوكى نظامى فى المحاضرات عشان مش عايز كلام كتير.