عشقي٢ ( MY LOVE 2)

الحلقة الخامسة والثمانون

بعد مرور يومان

في اليونان

كان كلا من انيا وناكول يجلسان امام البحر ...

ناكول : مبسوطة ...

انيا : دي كلمة صغيرة علي اللي انا حساه ...

ناكول : فاكرة لما كنا في غوا ...

انيا : ودي رحلة تتنسي ...

ناكول "ضاحكا" : اقسم بالله يوم ما اونكل شيفاي قال اننا هنرجع ، انا اتشاهدت ...

انيا : الصراحة ، معاك حق ... كانت رحلة سودة ...

ناكول : كلها ...

انيا : لا طبعا كان فيها برضو حاجات حلوة ...

ناكول "بمكر" : زي ايه ...

انيا : زي مثلا ، يوم اليخت ... كان يوم حلو وكمان لما غنينا علي الكاريوكي كان الجو حلو لولا ابيه اومكارا واللي عمله...

ناكول : كان فيه حاجة نفسك تعمليها يومها ...

انيا : بصراحة ، كان نفسي اقعد نفس القعدة معاك وانت ماسك ايدي زي ما انت عامل دلوقت ...

ناكول : انا كنت علي طول معاكي ، عمري ما سمحت انك تغيبي عن عيني ...

انيا : كنت حاسة بس ما كنتش بشوفك ...

ناكول : كنت خايف بس خوفي ما منعنيش ان ابعد عيني عنك ... من وانتي صغيرة ...

انيا : كنت بتحبني الحب دا كله وانا ما اعرفش ...

ناكول : انا عديت الحب دا بمراحل ، عارفة انا لحد دلوقت مش مصدق انك معايا وبقالك يومين نايمة في حضني ...

انيا : وليه مش مصدق ...

ناكول : لانك كنتي حلم بعيد اوي يا انيا ، حلم حلمته وما فكرتش انه ممكن يتحقق ويمكن دا اللي مخليني كل يوم اقوم بليل من النوم عشان اتاكدت انك فعلا معايا ومش حلم بحلمه ...

امسكت بوجهه بين يديها وابتسمت ...

انيا : بس انا اهو حقيقة موجودة معاك زي ما انت حقيقة وموجود معايا وكمان حبنا يا ناكول ، حبنا حقيقة ...

ليضمها الي صدره ...

ناكول : انيا انتي مش متخيلة انا ممكن يحصلي ايه لو بعدتي عني ...

انيا : انا عمري ما اقدر ابعد عنك وانت ...

ناكول : الحاجة الوحيدة اللي ممكن تبعدني عنك هي الموت ...

انيا : بعد الشر ، بلاش تجيب السيرة دي تاني ...

ليرفع راسها باصابعه ويداعب انفها بانفه مقبلا ارنبة انفها ...

ناكول : بحبك ...

في تركيا

بعد ان امضيا يومان بين ارجاء جناحهما ، قررا اخيرا الخروج والتجول بين طرقات اسطنبول وما ان وقعت عيناها علي هذا المحل الا وركضت عليه كالاطفال ليركض خلفها ...