بسم الله الرحمن الرحيم :-
وقفنا الفصل السابق علي اقلاع الطائره و اتجاهها الي لندن
نبدأ بقي الفصل الجديد :-
تحدثت المضيفه عن ضروره ربط احزمه الامان حتي تهبط الطائره بسلام
ربط إلياس حزامه
عدي وهو يوقظ نورسين بحنيه : نور يا نور اصحي وصلنا
نورسين بنوم و كانت منظرها طفولي : بجد
عدي بابتسامه :اه
استفاقت نورسين و ربطت حزامها و كذلك فعل عدي وبعد دقائق هبطت الطائره الي مطار لندن و نزل الجميع و عند سلم الطائرة وجدت نورسين مجموعه من الحراس بانتظارها
أحد الحراس و يبدو أنه قائدهم :حضرتك الدكتوره نورسين
نورسين ببرود : اه
الحارس : تمام أنا قائد الحرس للوزير شاكر شعيب و مهمتي استقبالك و توصيلك لقصر الوزير
نورسين : تمام
الحارس : اتفضلي معايا
ذهبت معه نورسين و بجوارها إلياس و عدي و ركبوا السياره
الحارس للسائق :يله اتحرك
السائق : حاضر
و بعد فتره وصلوا الي القصر نزل الجميع من السياره و دخلوا
الحارس : اتفضلوا معايا اوصلكم الي غرفكم ترتاحوا من تعب السفر و في المساء تتعرفوا علي الوزير و عائلته
عدي : تمام بس ممكن تكون غرفنا بجانب بعض
الحارس : تحت امركم
و صعدوا الي الاعلي و توصلهم الحارس الي غرفهم و كانوا بجانب بعض و تركهم حتي يرتاحوا
حمل عدي حقيبه نورسين و ادخلها الي غرفتها
عدي : لو احتجتي حاجه اتصلي عليا
نورسين : ماشي
خرج عدي و دخل غرفته و اخذ شور و نام من تعب اليوم و كذلك فعل البقيه
🌸🌸🌸🌸🌸🌸🌸🌸🌸🌸🌸🌸🌸🌸
في مصر
في قصر العمري
علي مائده الافطار
نزلت حور وهي ترتدي ملابس الخروج وجدت الجميع يجلس و يتناولون طعامهم
حور بابتسامه : صباح الخير
الجميع : صباح النور
محمود : لابسه كده و رايحه فين
حور بابتسامه : رايحه لشركه نورسين هساعد البنات لحد ما نور ترجع من السفر
صفيه : تمام يا حبيبتي خلي ادهم يوصلك
حور :لا مفيش مشكله هروح بسيارتي
محمود : لا خلي ادهم يوصلك علشان اكون مطمن اكتر
حور : طيب بس ممكن يكون ادهم مشغول
ادهم بلهفه علشان هيشوف جميله : لا مش مشغول ولا حاجه
محمود : اهو سمعتي بنفسك كده مش هيكون عندك حجه.
حور :طيب
خرجت حور و معها ادهم و ركبوا السياره و انطلقوا الي شركه ضوء القمر
🌸🌸🌸🌸🌸🌸🌸🌸🌸🌸🌸🌸🌸🌸
في قصر الشرقاوي
في غرفه انس كان ينام بعمق شديد وهو يحلم بحوره
دخل ادم وحاول ايقاظه
ادم : انس انت يا بني اصحي ولكن لا رد فكر ادم في طريقه لايقاظه حتي وجدها
ادم بمكر : علشان تبقي تصحي من اول مره استحمل بقي
و نزل إلي المطبخ و احضر مكعب تلج وصعد الي غرفه انس مره اخري و دخل ووضع المكعب في ملابسه و فتح الفون بتاعه و فتح برنامج الكاميرا و انتظر ثواني و بعد قام انس مفزوع و قفز علي السرير
انس بنوم و صريخ وهو يقفز علي السرير : تلج تلج بغرق بغرق هموت ساقع ساقع و حاول أخرج المكعب حتي نجح و كان ادم يقوم بتصويره
نظر انس في اتجاه ادم وجده يجلس علي الارض و يمسك بطنه من كتر الضحك
انس : حرام عليك يا ادم في حد يصحي حد كده
ادم بضحك : وانا اعمل لك ايه انت اللي كنت نايم و مش عايز تصحي و عامل زي الباندا
انس :والصحي بدري ليه اصلا أنا مش خارج النهارده
ادم : انت مش هتيجي معايا النهارده شركه نور
انس : لا تعبان وعايز انام و تمدد ثانيه علي السرير باسترخاء واستعد للنوم مجددا
ادم بمكر : انت حر بس بتول كلمتني وقالت إن حور هتيجي
قفز انس سريعا و وقف بجانبه
انس بلهفه : بتتكلم جد حور هتيجي
ادم :ايوه بس خلاص بقي هروح لوحدي
انس بلهفه : تروح لوحدك ايه بس لا طبعا ميردنيش أنا هلبس بسرعه
ادم : لا خلاص انت باين عليك انك تعبان و عايز ترتاح
انس بمزاح : تعبان مين و الناس نايمين أنا زي القرد اهو و جري نحو غرفه التغير حتي يحضر ملابسه
ادم بابتسامه : ربنا يسعدك ديما يا توائمي الغالي و يفرح قلبك وجلس ينتظره حتي ينتهي من ارتداء ملابسه
🌸🌸🌸🌸🌸🌸🌸🌸🌸🌸🌸🌸🌸🌸
وصلت سياره ادهم و سياره انس معا
خرجت حور و ادهم من السياره و سلموا علي انس و ادم و ركبوا مع بعض الاسنسير و كان انس ينظر إلي حور بحب و حور تبتسم بخجل
وصل الاسنسير فخرجوا منه و دخلوا الي مكتب نورسين فوجدوا البنات يتحدثون
بتول :اتاخرتم ليه
ادم بضحك :لما صحيت انس
جميله بضحك : بالهوية وصحيتوا المره دي ازاي
انس بضيق :بمكعب تلج
ضحك الجميع بشده
ادم بضحك :انتظروا أنا صورته و اخرج الفون بتاعه و فتح الفيديو و عندما انتهي
سقط الجميع علي الارض من شده الضحك و بعد فتره هداوا
ادهم بعندما اشبع نفسه برؤيه معشوقته
ادهم : استأذن أنا بقي
بتول : ابقي معنا
ادم : ايوه ابقي احنا هنتسلي النهارده اهو يوم اجازه من الشغل
ابتسم ادهم : طيب
فرحت جميله بشده لبقاءه ولكن لا تعلم السبب
حور : تعالوا نلعب لعبه صراحه ولا جرأه
وافق الجميع واحضرت حور زجاجه
حور :بصوا اللي هتيجي عليه هسأله
الجميع : تمام
حور قامت بلف الزجاجه فجاءت علي ادم
حور : صراحه ولا جرأه
ادم بثقه : صراحه
حور : عمرك حبيت
ادم وهو ينظر لبتول بحب : حب طفولتي وشبابي
خجلت بتول من نظراته و ضحك الجميع
لفت حور الزجاجه فجاءت علي وعد
حور : صراحه ولا جرأه
وعد بثقه :صراحه
بتول لحور: ممكن أنا اسالها
حور: تمام
بتول لوعد : عمرك اذيتي حد
توترت وعد من السؤال ولكن أجابت : لا طبعا
بتول بقوه : متاكده
وعد بتوتر : ايوه في ايه يا بتول
بتول : ولا حاجه
لفت حور الزجاجه فجاءت علي ادهم
حور : صراحه ولا جرأه
ادهم :صراحه
حور : بتحب
ادهم بحب لجميله : ايوه
لفت حور الزجاجه فجاءت علي انس
حور : صراحه ولا جرأه
انس : صراحه
حور : عمرك حبيت
انس وهو ينظر بداخل عيونها : لا بس بدأت احب
خجلت حور و لفت الزجاجه و جاءت عليها
جميله : هسالك أنا
حور : طيب
جميله : صراحه ولا جرأه
حور : صراحه
جميله : اتخطبتي قبل كده
صدمت حور و ظهر الحزن في عيونها و تحدث بحزن شديد : أنا مخطوبه
صدم الجميع من اجابتها و أولهم انس و لم يتحمل أن يظل أكثر فخرج سريعا و خرج وراءه ادم
أما بالداخل
ادهم بصدمه : ازاي و احنا منعرفش
بتول بصدمه : بجد أنتِ مخطوبه
حور بحزن لرؤيتها لانس يخرج بحزن : مش عايزه اتكلم في الموضوع ده الوقتي
احترم الجميع طلبها و تحدثوا في مواضيع اخري
🌸🌸🌸🌸🌸🌸🌸🌸🌸🌸🌸🌸🌸🌸
في لندن
في المساء
استيقظت نورسين و غيرت ملابسها و خرجت و طرقت غرفه عدي وبعدها وجدت عدي يخرج و بعدها إلياس أيضا خرج من غرفته ونزلوا للاسفل وجدوا الحارس ينتظرهم
الحارس : اتفضلوا معايا علشان اعرفكم علي الوزير و عائلته
ذهبوا وراءه و دخل جناح كبير جدا و به جميع الاجهزه الطبيه المختلفه و ممرضات ووجدوا رجل نائم علي السرير يبدو عليه التعب ولكن ملامحه لاتزال جميله
الحارس : اقدم لكم الوزير شاكر شعيب
نورسين : الف سلامه عليك يا فندم
الوزير "شاكر " : الله يسلمك و شكرا انك وافقتي تيجي تعالجيني
نورسين : مفيش شكر ده واجبي
الحارس وهو يشير إلي سيده تلبس ملابس عمليه و تبدو من النوع المحب للموضه ودي فريال هانم زوجته
فريال بتكبر : هاي
نورسين ببرود : تشرفنا
الحارس وهو يشير إلي الشاب اللي داخل : وده ابنه الوحيد ساهر باشا
ساهر وهو يستدير وينظر لهم : تشرفنا ولكن صمت عندما رأي نورسين أنتِ
نورسين ببرود و سخريه : ايوه انا
عدي باستغراب : انتم تعرفوا بعض.
نورسين بسخريه : ايوه بس معرفه سوده الصراحه
فريال بغضب :أنتِ ازاي تكلمي عن ابني بالطريقه دي
تجاهلتها نورسين
نورسين :اعرفكم بنفسي أنا الدكتوره نورسين و المسؤوله عن حاله الوزير و بطلب منكم تخرجوا علشان اكشف عليه
خرج الجميع
شاكر : متزعليش من فريال هي كده ديما وانا عارف انك اللي ضربنتي ساهر لما كان عايز يعتدي علي البنت و اوصلتيه لباب القصر وانا مش زعلان منك أنا بشكرك لأن عارف ابني مستهتر و يستاهل
ابتسمت له نورسين: لا عادي أنا مش بزعل من أشياء تافهه تسمحلي بقي اكشف عليك
شاكر بابتسامه : طبعا
كشفت نورسين عليه
نورسين :لا انت حالته كويسه جدا و عمليه بسيطه هتكون كويس بس قبل العمليه لازم تتجهز و تاخذ شويه ادويه
شاكر :اه ماشي و شكرا
نورسين : العفو استأذن أنا وخرجت
وجدت الجميع يقف أمام الباب و ساهر ينظر لها بغضب و كذلك فريال ولكن هي لم تهتم بهم وغادرت المكان و وراءها إلياس و عدي أما فريال دخلت الي غرفه شاكر و ساهر خرج بغضب و غادر القصر بالكامل
🌸🌸🌸🌸🌸🌸🌸🌸🌸🌸🌸🌸🌸🌸
انتهي الفصل بتمني يعجبكم
💚💚💚💚💚💚💚💚💚💚💚💚💚💚
١-يا تري حور مخطوبه لمين وليه زعلانه وهي بتقول كده
٢-يا تري انس هيبعد عنها ولا هيعمل ايه
٣- يا تري مين خطيب حور
٤- ساهر هيسكت علي اهانه نورسين له
٥- رد فعل عدي للي حصل
٦- يا تري أيه اللي هيحصل بعد كده
🌸🌸🌸🌸🌸🌸🌸🌸🌸🌸🌸🌸🌸🌸
ملحوظه اي اسماء بكتبها فهي من وحي خيالي يعني مش أشخاص حقيقيه ابدا
