مبرر الخيانة

تخطيط

#مبرر_الخيانه "مبررات "
الحلقه اضافيه:التالته
بقلم :فاطمه سالم الورفلي
..................
..........
عند جمعيه :

عاشور :ابعدي شيطانك يا مراه افهمي

اني تنهدت :باه به خليني في حالي

عاشور :به هاني طالع

اني :لالا استنى نبي نمشي لي امي

عاشور :به امالا هاني في السياره نراجي فيك 

اني :به

......
نضت لبست وشاحي وقعدت في عبايتي لي عليا...

مقداد مط شواربه بأستياء:ماما بدليلي حوايجي

اني :لالا مافيش داعي نظيفات حوايجك.... هيا فيسع ما تعطلنيش بوك يراجي في السياره

مقداد تأفف وقعد يخبط في الوطا برجليه...

اني :امشي زين يا فرخ

مقداد طلعلي لسانه :انننن

اني :تحشم يا ولد

مقداد خاف مشي جري طلع لي بوه.... واني خديت تليفوني ولحقته ركبت السياره... وقعدت نشوف لي جيهة الروشن وساكته... وعاشور قعد يشوفلي وتنهد .... ولع السياره وقعدنا نمشو

مقداد :حييي خالتو فوز اهيا اهيا ماما اهيا تشوفلنا

اني التفتت لوراء لجيهة مقداد... لقيته يأشر من الروشن على فوز... لقيتها قريبه من حوشنا!... شن عندها هدي بحدا حوشنا اللطف!.... ما قالت على اساس غدوا عندها تسليم طلبيه!!!... رفعت حواجبي وشبحت لي عاشور لقيته يشوف لي فوز ومبتسم ... فنصت فيه حس بيا نشوفله... التفت لقي عيوني بيطلعن من مكانهن...

عاشور ارتبك :احم اا ا خلاص مقداد خش وصكر الروشن

مقداد :بااه

عاشور قعد يسوق وكل شوي يشوفلي متوتر.... واني نسحن طول الوقت وناكل في روحي... لين وصلنا لحوش علي نزلت وصرفقت الباب بقوه قوتي... ومقداد نزل..

عاشور خاف :اا جمعيه يا يا جمعيه غر اسمعي

اني خشيت لسورنا.... ومابيتش نرد عليه.. يمشي يلحقني...

عاشور :ااا جمعيه بتباتي انتي بتقعدي!

اني سكتت...

عاشور :نكلم فيك!

اني ركبت الدروج بسرعه ... وقعدت نطقطق على الباب بقوه بيديا الزوز.. وفتحتلي الباب امي...

امي :تي خيرك يابنتي خيييرك اللطف

اني توترت: كيف حال

امي مطت شواربها بأستغراب وقالت :باهي حمدالله خشي خشي

اني خشيت وجي في جرتي مقداد.... وقعدن عيوني على الباب نراجي في عاشور يخش...

امي :امالا وين عاشور