في الفتره الاخيره دي ياجماعه انتشر تطبيق غريب بيعرفك انتا هتموت امتا! اكتشفت ان في ناس كتير اوي منزله التطبيق ده والموضوع انتشر بطريق غريبه مع الناس في اللي صدق الهبل ده وفاكر انه هيموت في المعاد اللي التطبيق حدده ليه والبعض بيقول ان في منهم ماتو !! انا طبعا مكنتش مصدق الكلام ده بس كان عندي فضول اني اجرب التطبيق ده ويارتني ما جربته ولا حملته
انا اسمي فارس عندي 23 سنه كنا كل يوم بنسهر عندي علي السطع انا وخالد ابن عمي يعتبر انه اعز صديق ليا
فارس _ بص بقا يعم خالد طبعا انتا عارف حكايه التطبيق اللي بيقولك انتا هتموت امتا والكلام ده صح
خالد _ اه يعم ده عامل ضجه كبيره اوي والنلس مهبوله بيه
فارس _ طيب مانيجي ننزله !
خالد _ ايه يعم انتا بتصدق الكلام الفارغ ده
فارس _ لا بس اديك قولت كلام فارغ بس مش هنخسر حاجه لما ننزله ؟!
فعلا اقنعت خالد انه ينزل التطبيق ونا كمان نزلته لحد ما وصلنا لي اهم لحظه ..وهي لحظة فتح التطبيق
حبيت انا ابداء الاول وفعلا فتحت عشان اتصدم اني هموت كمان 24 ساعه و 21 دقيقه
فتح خالد التطبيق واتصدم انه هيموت كمان 7 ساعات بظبط !!
قفلت التلفون وفضلت باصص لي خالد
وخالد فضل يبصلي
لحظات الصمت القاتله ..... اللي فجاه قلبت بهستريا ضحك رهيب
فارس وهو يضحك _ هتموت يصحبي ونتا عليك خمسه جنيه لعم ابراهيم بتاع الكشك
خالد وهو يضحك _ سامحني يعم ابراهيم بقا هما 2 جنيه اللي معايا
فضلنا نهزر كتير طول الليل واخدنا اسكرينات ونزلنها علي الجروبات ..كنا واخدين الموضوع بهزار بهرار اوي كمان
فضل يمر الوقت .. واحنا بنهزر ومش حاسين بحاجه لحد مع بداء الوقت يمر بسرعه
لحد ما الساعه وصلت 12 بليل
وخالد عندو شغل بدري .. ونا كنت عاوز انام فعل
ا
خالد _ ياه الساعه 12 الحق بقا اروح يبن عمي .وخد بالك من نفسك
فارس _ ماشي يصحبي عدي عليا بكره زي ما تفقنا
دخلت رميت نفسي علي السرير ومحستش بنفسي
___________________________
فارس ... فاارس .. قوم يافارس .. قوم يابني
فارس _ ايه ياماما حد يصحي حد كده ..ايه ده !؟
مالك بتعيطي ليه ياماما بابا حصله حاجه ؟؟
امي _ لا يابني ..ابن عمك خالد لقوه ميت امبارح في مدخل العماره موته وحشه اوي ومش عارفين لحد دلوقت هو مات ازاي ..بس منظر جثته بشعه عينه مفتوحه علي اخرها .ووشه كل ازرق
انا سمعت الخبر ده من هنا وصرخت صرخت وانا بقوم من علي سريري وبقول لا خالد عايش خالد مسبنيش
لحد ما دخل عليا ابويا . واخواتي وهما بيهدوني
ونا مش مستوعب مش مستوعب ان خالد مات خلاص وسابني مش مستوعب
مر اليوم ..زي السنه .. صويت وبكاء ..وعزاء ونا قاعد علي الكرسي .. وبسمع قرأن زي ما كل الناس بتسمع افتكرت حاجه مهمه اوي
البرنامج .!!... انا ازاي نسيت البرنامج ...ازي نسيت ان كام مكتوب لي خالد انه هيموت كمان 7 ساعات يعني ايه ..انا خالد كان عندي الساعه 6 المغرب ..ومشي الساعه 12
ينهار اسود ومنيل ده كده فعلا 7 ساعات .
خرجت من العزاء بسرعه .. علي ابو خالد
فارس _ عمي يوسف انا عاوز اسألك سؤال خالد ابنك مات ازاي
يتكلم والدموع في عينه _ معرفش يبني والله احنا لقينها في مدخل العماره وكان منظره استغفر الله العظيم كانه شاف حاجه فظيعه
سيبته من غير ما اكمل كلامي معاه ... جري علي البيت .. عشان اشوف التلفون بتاعي .. دخلت البيت وكان واضح .. ان البيت مفهوش حد .. كلو خرج في العزاء حتي اخواتي
جريت علي الاوضه بتاعتي وفتحت التلفون وفتحت البرنامج وهنا كانت الصدمه الكبيره
باقي علي موتي 42 دقيقه !!!!!!!!!!
انا شوفت العدد وورجعت لورا .من الخضه ..
يعني ايه التطبيق ده حقيقي يعني في ناس بتموت فعلا منه ... يعني انا هموت كمان 42 دقيقه .. جسمي بداء يرتعش بسرعه ونا مش قادر
دخلت الحمام عشان اغسل وشي .. دخلت المطبخ اعمل اي حاجه اهدي بيها نفسي ..بعد كده فتحت ال لاب توب وبحثت عن اسم البرنامج وهنا كانت الصدمه
120 حالة وفاه في امريكا لي شباب.. يدعي البعض انه تحت اسم برنامج الموت ...!!
فتحت البرنامج للمره العاشره .. بس المره دي البرنامج مفتحش ... مش رادي يفتح وفجاء بدون مقدامات التلفون فصل !!
اويه التلفون اللي كان شحنه 50% فصل !!
قومت من علي السرير عشان احطه علي الشاحن
لكن الكهرباء قطعت !! ايوه الكهرباء قطعت ونا واقف في عز الضلمه مش دي الصدمه لا
الصدمه الكبيره ان الباب حد بيحاول يفتحه من بره وهنا انا اتسمرت مكاني !!؟ .....
الكاتب محمد تامر
انتظرو غدا الجزء الثاني
