فصلية ضابطة جميلة وباردة

البارت الأول

هيلاوو إسمي إيفان عمري 26 اشتغل دكتوره قلب ودرست ضابطة حاليا أشهر ضابطة في فرنسا عصبيه وبارده بس يم أهلي واصدقائي حنونه

عندي إخوان 2 واخت وحده وبابا وماما
محمد:الأخ الكبير عمري 29 مدير سجن عصبي حييل وبنفس الوقت حنون وأحب اخواني
إيليا:تؤام إيفان محامي حنون أحبه اشاقه ومحد يخلص من مقالبي وأختي إيفان كول حياتي
تهجد:إني آخر العنقود دكتوره تجميل عمري 20 أحب اخواتي إيفان صديقتي وأختي وكولشي
بابا :مؤمل عمره 50 مدير مستشفى
ماما:أميمة عمره 49دكتوره تجميل

إيليا:حبيبتي اكعدي يله كافي نوم
إيفان :اممم صباح الخير
إيليا:صباح العسل ياعسل
محمد،تهجد:صباحوووووو
إيليا،إيفان:وسم شبيكم
محمد:كبور يغير نصبح عليكم
تهجد:زعلت اهئ اهئ اهئ
إيليا:دانجبي وانتي ايفان كومي يله
ماما:ولكم وينكم يله تعالو
محمد،إيليا،إيفان،تهجد:حاضر ماما

طلعو لبست الزي فتحت شعري مكياج خفيف ونزلت شربت قهوه وطلعت بسيارتي جارجر حمرا
إني مواصفاتي(لون عيوني ازرق ع ماما بيضه ثلج بشرتي بشره اطفال حلكي صغير منفوج من ألله😅خشمي صغير شعري ل ركبتي لونه اشقرر بلون الذهب وإني قصيره طولي 144 قزومة وزني 50 )
وصلت للمركز دكو تحيه رحت ل مكتبي كملت كم قضيه وتحقيقات وتدريب ورجعت للبيت دخلت
إيفان:هيلاووووووو
بابا،ماما،إيليا،تهجد:هيلاوات
إيليا:هلا بهل طول اليخبل ولو هوه 144
إيفان: انجب لعد وين محمد
بابا:بعده مراجع
إيفان:وك
صعدت أخذت شاور لبست برموده سوده وبدي أصفر ونزلت لكيت محمد جاي سلمت وكعدنه نتغده
بابا:احممم عندي موضوع مهم وياكم
الكول:شنوو؟
بابا:بعد سبوع نرجع للعراق
ماما:شنو المناسبه احنا من تزوجنا وليهسه مرايحين
بابا:أريد أشوف اهلي واريد اعرفكم عليهم ونبقه شهرين ونرجع
الكول:وك
خلصنه غدى إني صعدت لغرفتي نمت كعدت الساعه 3:22 ع صوت جهازي يتصل عليه صديقي
أمير

أمير:هلاا خبله
إيفان:هلاا حقير كعدتني من احلا حلم
أمير:شنو الحلم😂
إيفان:تزوجت شايب😂😂
أمير: طاح حضج😂
أي ساعه ب 4:10
تعالي للحديقه إلي نجتمع بيه
إيفان :وك
كمت اخذت شور خليت مكياج خفيف وشعري سويته كيرلي ولبست👇هذآ



ولبست حذاء تكرمون أسود كعب حته اصير طويله واخذت جهازي وسلاحي وطلعت بسيارتي وصلت لمكانته إلي نجتمع بيه دائمآ
إيفان:احممممم كيفكم
الكول:جنه زينين من اجيتي صرنه مو زينين
إيفان:حقراء زعلت اهئ اهئ اهئ
الكول:انجبي كافي تمثيل😂😂
ايفان :كبورر شبيكم تحجون سوه😂
الكول:لان نعرفج😂
ايفان:يحح فوديتني😂😅
الكول: انجبي فوديتني(يقلدوهه)😂
إيفان:احممم عندي خبر مو حلووو
الكول خيرر شكوو؟
إيفان بعد سبوع حنسافر للعراق
الكول بصدمه:شنووووو معقوله شعدكم رايحين للعراق؟
إيفان:بابا يريد يعرفنه ع أهله
الكول:وك حنشتاقلج😭
إيفان :إني همات يووو اششش اسكتو لتبجوني
الكول:هههههههه نجبي نجبي
إيفان:يله أروح بايووووو ممممح😙😘

رجعت للبيت مثل كول مره مره الأسبوع وباجر نروح الطياره الساعه 2 الضهر طلعنه للمول اشترينه وكملنة وطبعا نقلتي شغلي للعراق لمده شهرين
حضرت الجنط جنطه للئسلحه والموبايلات والحسابه وشاحانات وهيتفونات وجنطه للملابس البيت وجنطه ملابس الشغول وجنطه ملابس الطلعه وجنطه للئحذيه وجنطه مكياج وغسوات وهيج شغلات نمت وكعدت ثاني يوم دزينه سياراتنه للعراق حته من نوصل نلكاهن قبله صارت الساعه ب 2طلعنه قفلنه البيت وصلنه للمطار إني لابسه فسان أسود فوك الركبه وتهجد لابسه مثلي بس لون وردي وحذاء أسود واني حذاء وردي ومحمد و ايليا لبسو بنطرون زيتوني وبدي أصفر(محمد و ايليا يشبهوني بس محمد عينوه زيتوني وتهجد تشبهني بس عيونه عسل)
اخذنه سياراتنه إني وياي تهجد وبابا وماما بسياره ومحمد و ايليا كول واحد سيارته بابا يمشي كدامنة لان منعرف الطريق وصلنه لكينه هوايه ناس واكفين ويشايلين اسلحه بس وصلنه بقو يرمون اني وإخواني وأحد يباوع بوجه الثاني معبالمه عمامي بعدين عرفنه عليهم إني نسيت من سلمت حجيت فرنسي بقو صافنين بوجهي بعدين بابا كالي احجي عربي دخلنه ليجوه
جدت إيفان:أهلا وسهلا نورتو البيت يمه
إيفان ،ماما،تهجد:أهلا بيج منور باهله
جدت إيفان:روحو ارتاحو يمه
الكول:وك
طبعا بنات ونسوان كبار هوايه لو ابقه سنه م أعرفهم
اخذونه للغرف إني وتهجد بغرفه
بابا وماما بغرفه
محمد وايليا بغرفه
صعدنه اخذت شاور ولبست تراك خفيف ونمت ورا ساعتين

تهجد:ايفوو حبيبتي كعدي  دايصيحونه ع الغده يله
(دلع ايفان ايفوو)
إيفان: اوك نزلي جايه وراج
تهجد:وك
كمت غسلت وغيرت ملابسي لبست تنوره فوك الركبه وبدي تطلع من البطن وفتحت شعري ومكياج وعطر أخذت جهازي ونزلت لكيت كومة شباب وزلم كبار ونسوان وبنات كاعدين ع سفره واكل كوله لحم وم اعرف ايش نزلت كولت السلام عليكم نص جاوبو ونص صفنو عليه صاح بابا
بابا:تعالي يروحي تعالي يمي
إيفان:رحت بست بابا وماما وكعدت يم بابا و إيليا
همسلي إيليا
إيليا:تهجد لعبت نفسي شوفي أكل هواي كوله دسم
إيفان: اسكت إني حتقيئ😂💔
إيليا:يبووو لعبت نفسي بالزايد😂😂
إيفان :اخذت تفاحه اكلته وتهجد ومحمد و ايليا همات اخذو تفاح واكلو
جد إيفان:بويله ليش ما تاكلون
بابا:بويه مياكلون هذآ الأكل بعد شوي يطلعون ياكلون
جدت إيفان:جا يمه شياكلون هذآ الأكل خير من ألله
ماما:عمه مياكلون بيه دسم بس ياكلون بيتزا سلطة نودلز كنتاكي همبركر كرات لحم حاره يعني من هاي الأكلات الخفايف
إبن عم إيفان:شيشبعن هذني😐
إيفان واخواته:عزاااا لعد شتاكول
خلصوو غده صبو جاي كعدو يشربون واحنه يمهم سئل دجوو محمد
جد إيفان : بويه محمد شنو تشتغل
محمد:مدير يجن يعني عميد
جد إيفان:بارك الله بيك وليدي وأنته إيليا
إيليا: جدو إني محامي
جد إيفان:زين وأنتي إيفان وتهجد
تهجد:اني دكتوره تجميل،ايفان:إني دكتوره قلب وضابطة
الكول :بصدمة شنووو
بابا:مثل مسمعتو
إيفان:كمت اني لغرفتي واجوني محمد،إيليا وتهجد كولتلهم نطلع كالوو أوك غيرنه ملابسنه وطلعنه للمطعم اكلنه وفترينه ب بغداد طبعا بيت جدو ب بغداد ورحنه للمول اشترينه ملابس ورجعنه كبل نمنه كعدت ثاني يوم لعبت رياضه ولبست الزي مالتي وطلعت طلع الشغل مالت ب مركز بالبصره رحت للبصره دخلت للمركز
رحت ل غرفه العميد
إيفان:تحياتي سيدي إني الضابطة ايفان مؤمل نقل من فرنسا
العميد:أهلا بنتي أي اعرفج أنتي من أشهر الضباط في فرنسا وهسه تروحي ع مكتبج
إيفان : وك سيدي
العميد:حمزه بصياح
حمزه:نعم سيدي
العميد:آخذ الضابطة ايفان ل مكتبه
حمزه:حاضر سيدي
تفضلي سيدتي
إيفان:اي ميرسي(شكرا ب الفرنسي)
طلع حمزه عندي عم قضيه خلصتهن رجعت وصلت للبيت شفت هوسه واكو هوايه ناس وشفت واحد كامش بابا يريد يضربه