💕أنت قلبي٢💕

الحلقة ٤٠

#انت_قلبي٢
#بوسي_مصطفى
______________
الحلقة ٤٠

- هو انت فاكر ان ربنا مش شايفهم وهما بيتآمروا عليك عشان يخربوا شغلك وحياتك !

- هو انتى فاكرة ان ربنا مش شايفهم وهما بيخوضوا فى عرضك وبيدبروا لخراب بيتك !

- هو انت فاكر ان ربنا مش شايفهم وهما بيتكلموا
عن صفات أصلا مش فيك وبيشوهوا صورتك !

هو إنتوا فاكرين ان ربنا هيسيبهم !

سيب إللى يتكلم يتكلم واللى يدبر يدبر ، واتقى انت الله
وهو مش هيسيبك ولا هيضرك وهيحفظك ويجبلك حقك ، انت بس ردد " اللهم من أراد بى سوءاً رد كيده فى نحره وأجعل تدميره فى تدبيره "

واتفرج على تدابير ربنا وهو بيجبلك حقك لحد عندك.

الباب يخبط تقفل هنادي الموبايل.
وتمسح دموعها.

هنادي : ادخل يا وائل.
وائل : ايه يا هنادي هتفضلي قاعدة كده؟؟
هنادي : عايزني اعمل ايه؟؟
وائل : تشوفي حالك بقى.
القعدة هنا ملهاش لازمه.
ولا قاعدة علشان تاخدي عزا الحاجه.
هنادي : عزا الحاجه في بيت العمدة يا وائل.
احنا يدوب نسيبناهم وبعدين نسيوا لحمهم وبقوا
ينهشوا فيه.
وائل : حقك مش هيضيع يا هنادي..
ومحسن هيتحاسب على كل اللي قاله في حقك.
هنادي : محسن طول ما حد مسانده هيزيد في ظلمه
بس في أقوى منه..
وعارفه إن حقي راجع لو مش في الدنيا يبقى في
الآخره.
وائل : هجيبلك حقك يا هنادي متقلقيش.
وائل : مش عايزة تحصل مشاكل بينك وبين مراتك
خليك أنت بعيد.
حقي هيرجعلي أنا مش قلقانه من ده.
وائل : لو مجبتش حقك يا هنادي يبقى انا مليش
خير فيها.
ولو هي شايفه إن رجوع حقك ورد اعتبارك
دا مش مهم
يبقى هي ملهاش خير فيه.
هنادي : مش بقولك مش عايزة مشاكل.
أنا هبعد عنهم خالص وهما خلاص اصلا اخدوا
اللي هما عايزينه.
الحكاية كلها كانت علشان ملك الحاجة امينه
وأهم دلوقت هياخدوا.
ف هيبعدوا عن هنادي وولادها.
وائل : أنا مسافر الإسماعيلية الفجر لو حبيتي
تنزلي القاهرة قوليلي علشان اوصلك في طريقي.
هنادي : حاضر.. هاخد رأي مازن
وارد عليك.
وائل : طيب تصبحي على خير.
هنادي : وأنت من اهل الخير.

خرج وائل من غرفة هنادي..
والدة ينادي عليه ينزل وائل تحت.
وائل : نعم ياابه؟
كامل : اختك نامت؟
وائل : لا لسه صاحيه.
كامل : خدها معاك يا ابني.
هي هناك هتعيش في أمان بعيد عن ولاد العمدة.
وائل : ولاد العمدة هما اللي مش هيعيشوا
في امان يا ابه.
بكره ادفعهم كلهم التمن..
كامل : ياابني احنا مش عايزين مشاكل..
لا ليك ولا ل اختك وأولادها..
انت عارف انهم مش هيسكتوا
لو حبيت تعمل حاجه.
مراتك مش هتبيع أخواتها.
سعديه : وهو يبيع اخته يا كامل
يعني بنت العمدة تبقى مع أخواتها الظلمه اللي قالوا
الكلام دا في حقك بنتي ومش عايز ابنك يدافع
عن حق اخته؟!
ميبقاش ابني ولا عايزة اعرفه
لو مجابش حقها.
وبنت العمدة لو زعلانه تخبط دماغها في الحيط يطلقها ويرميها وخلي اخواتها بقى ينفعوها.
كامل : اسكتي يا سعديه.
سعديه : اسكت عن ايه
مش كفاية كده بقى يا ابو وائل
يعني بنتك جوزها مات في عز شبابه وقولنا قضاء وقدر
واحنا راضيين..
قالت مش هتجوز وهعيش اربي عيالي وحطينا جزمه في حنكنا وسكتنا وقولنا خلاص طالما هي عايزة كده والجواز مش بالغصب
سابتلهم البلد كلها وراحت عاشت في مصر ب عيالها
ومحدش حتى قالها صباح الخير
العيال عاملين ايه.
وقالت مش مهم اني مش عايزة منهم حتى السؤال..
كانت زي الورده المفتحه دبلت وعجزت ولا اللي
عندها مية سنه
وقلبي كان بينقهر كل أما اشوفها
وقولت نصيبها المهم تبقى كويسه هي وعيالها..
إنما اللي بيحصل ده ميرضيش حد ابدا.
يعني علشان عايشة في حالها
يعملوا فيها كده !
دول لو اعداء مش هيعملوا في بعض كده.
مش لحمهم وعرض وشرف ابنهم
اللي بيتكلموا فيه مع اللي يسوا واللي ميسواش..
وفي الاخر مش عايز يبقى في ضهرها راجل يدافع عنها ويجيبلها حقها؟! .. ميبقاش ابني
واني اهو يا وائل بقولهالك تاني مرة لا تبقى ابني
ولا اعرفك لو مجبتش حق اختك.
وائل : مش هسيب حقها ياامه.
كامل : يا وليه انتي افهمي بقى
متوديش ابنك في داهيه
اني لو قادر زي زمان كنت خلصت عليه الحكاية
مش صعبه يعني
بس ابنك ميورطش نفسه في حاجه زي دي
انتي مش هتبقى مبسوطه لما واحد من ولاد العمدة
يضربه بحاجه ويروح فيها
هتفرحي وقتها يا سعديه
ولا يروح هناك يخلص على حد فيهم ويدخل السجن.
وائل : السجن وقتها هيبقى اشرف من الذل
وكسرة النفس اللي احنا فيه دي ياابه.
كامل : كلام.. انت يا وائل
عمرك ما كنت تحب الغيط
وتضايق لو الشمس بس جات عليك ترجع الدار
على طول
هتستحمل عيشة ونومة السجن؟!
ارجع ياابني بيتك والمصنع بتاعك وعدي
على مراتك خدها معاك.
وائل : ليه ياابه مش عايزنا نرجع حق هنادي؟؟
كامل : حق هنادي هيرجع يا وائل
واني عارف هرجعه ازاي ابعد انت عن الموضوع ده.
________________