💕أنت قلبي٢💕

الحلقة ٤١

#انت_قلبي٢
#بوسي_مصطفى
______________
الحلقة ٤١

في فيلا اسر.
سهر لسه داخله جنينة الفيلا تلاقي
عربية سيف راكنه جوه.
َوتلمح مليكة في المطبخ.
سهر ببتسامة : مساء الخييير.
مليكة تلتفت ببتسامة :
مساء النور.
سهر : ملوكه في المطبخ
لا مش معقول!
مليكة : هههههههه
اصل بابي طلب مني اعمله قهوة.
سهر تغمزلها : بابي برضه؟!
مليكة : هههههههه بابي اللي طلب قهوة ليه ول سيف.
سهر : طب هاتي القهوة انا هقدمها.
مليكة : ليه بس كده يا مامي؟!
سهر : هههههههه تعالي ورايا.
مليكة ببتسامة : إن كان كده
يبقى.. اوك اتفضلي حضرتك.

سهر تخبط على الباب
سهر : سلام عليكم.
يرددوا : وعليكم السلام.
اسر : تعالي يا سهر.
سيف يوقف احتراماً ليها.
سهر : ازيك يا سيف؟
سيف : الحمد لله
يا طنط.. حضرتك اخبارك ايه؟
سهر : الحمد لله
تمام.. اقعد واقف ليه؟
تعالي يا ملوكه.
جات مليكة وقعدت جنب اسر.
سهر : ايوه يا اسر عايز حاجه؟
اسر : قولي ل ريهام تجهز العشا.
سهر : حاضر.
قامت سهر ودخلت المطبخ.

اسر : قولت ايه يا سيف؟
سيف : بس الشقة كويسه يا عمي
وانا يعني بصراحه مقدرش افرط
فيها لإنها كانت هدية من والدتي.
اسر : يا حبيبي انا مبقولش بيعها
بس كمان الشقة اللي انا بقولك عليها مكانها ممتاز دا هيبقى افضل ليك.
نظر سيف ل مليكة.
مليكة : ممكن يا بابي افهم ايه الموضوع أصل أنا قاعدة مش فاهمه أنتم بتتكلموا عن ايه؟
اسر : سيف عايز يعمل المعمل بتاعه في الشقة القديمة.
وانا بعرض عليه شقة في مكان أفضل من دا بكتير.
مليكة : ايوه ما انا فاهمه
بس دي شقته يا بابي.
اسر : يا حبيبتي مختلفناش
يسيبها زي ما هي
وممكن يحولها ل حاجه تانية
يأجرها مثلاً ويستفيد من العرض اللي انا قولتهوله.
دي فرصة الشقة في موقع ممتاز جداً وكمان في سهولة
في الدفع
علشان انا عارف إنه عمرهم ما هيقبل ياخدها من غير فلوس
وكنت عايز اهديكي بيها
ههههههههههههه
شوفتي البصه بتاعته دي!
سيف : أنا آسف يا عمي
بس زي ما حضرتك قولت
أنا مستحيل اخد حاجه من غير تمن.
اسر : عارف وعلشان كده قولت
هيبقى في سهولة في الدفع
طب حتي خدها ل المستقبل
دي فرصة مبتجيش كل يوم.
سيف : هاخد رأي بابا
لإن زي ما حضرتك عارف
بابا هو وزير مالية البيت
هههههههههههه
ابتسم اسر ونظر ل مليكة.
بعد شوية..
سهر : يلا يا جماعة.
اسر : يلا يا سيف..
ولا هتقولي مستعجل ولازم ارجع البيت زي كل مرة؟!
سيف ببتسامة ونظر ل مليكة : حاضر يا عمي.
قام اسر وخرج مع سهر.
مليكة ل سيف : اوعي تكون زعلت من بابي؟؟
سيف : لأ.. هزعل من ايه؟؟
مليكة : علشان حوار الشقة يعني
هو بابي عايز مصلحتك
بس في النهاية انت حر اعمل اللي يريحك.
سيف : هههههههه حاضر.
مليكة : بتضحك على ايه؟؟
سيف : اصلك فهمتي إني زعلت من باباكي.
مع إن كلامه مكانش في حاجه تزعل.
مليكة : طمنتني.
سيف : ل الدرجادي مشاعري تهمك.
مليكة : مشاعر ايه؟! .. انا بس
مش عايزاك تزعل.
سيف : ما هو الزعل دا مشاعر برضه.
مليكة : سيف يلا علشان انا جعانه.
سيف : هههههههه ما هو الجوع دا كمان مشاعر اللي هي الشعور ب الاحتياج..
وهي احتياجات أوليه وضروريه لكل كائن حي.
مليكة : انت درست علم نفس؟
سيف : ههه لأ بس بحب اقرا فيه كتير.
مليكة : طيب بما ان الجوع دا احتياج للطعام فممكن
نخرج ناكل بقى.
سيف : هههههههه يلا بينا.
_______________