دخلت .. طبعاتو بالقاوي و دموعها يطيحو فوق خدها ، عيطت في وجهو بنظرة كره
"علااه درت هكا علااه كلشي علاجالك علاه"
و بدات تضرب فيه في صدرو بالزعاف ، هو كان مخلوع ! واش دار بصح ؟ ماخلاتوش ينطق و قالت
"ياك حنايا ناس في شغلنا !! مادرنالك والو !! قولي واش درنالك باش رجعت حياتنا جحيم هكا"
ياسين حس حاجة في قلبو تنغرز في كل خطرة تطيح دمعة من عينيها
"قتال ..." همست قبل ماتطيح على كتفو .. شدها بالخف و حطها فوق البونك بالقلق
"علاه تعملي هكا يا بنتي علاه" شاف النبض تاعها لقاه منخفض بزاف
عيط بأعلى صوت باسم "ايلان"... قعد يتأمل فيها و كلو فضول يعرف علاه راهي دير كيما هاكا ؟ ووعلاش قاتلو قتال ؟ أسئلة مالقاش أجوبة ليها
جات ايلان تجري كي شفاتها هكاك شهقت و قاتلو "يااا قتلتها ؟ وعلاه كنت حابة أنا نقتلها "
بأسوء خزرة شافتها ايلان في حياتها قررت تجيبلها كولونيا بلخف و تسكت
"واش صار ؟" قاتلو و هي تديرلها في كولونيا
"وين علابالي ، دخلت كشغل قتلتلها باباها و قاعدة تعيط في وجهي و تبكي و تقولي علاجالك و منا و ختمتها بالمسك و طاحت رقدت قصدي تغمت "
جا يوسف و ناريمان و مروى مخلوعين
يوسف بالعياط "واش عملت ياسين واش درت !"
ياسين كاره حياتو "ها رنكو لوكان ذوك يطيح ترومب من السماء يتكور تحصل فيا ، ياو هي جاوها جنونها جات رمات روحها عليا بزوج دمعات جابلي ربي تأثرت من كاش فيلم تركي "
مروى مقلقة "نعيطو للابيلونص ؟"
يوسف قالها "واش تسناي عيطي "
ايلان بفرحة "نن مكلاه راهي فاقت "
بدات تفتح عينيها و الضباب مغلف عليهم ..
أول واحد شافتو هو ياسين .. كان شاد يدها خايف عليها و يتحسس في نبضها
إبتسمت معاه ابتسامة هايمة .. بلخف محاتها كي تفكرت وين راهي ! و واش صرا و أهم حاجة واش عمل ياسين
شهقت و ناضت تغصب "بعدو خلوني نروح لدارنا بعدو"
ياسين بالعياط "يسلمك بلا مزية" ... هي تفكراتو
جات رايحة ليه حكمها يوسف من يدها
"جيهان ! أوقفي واش بيك هكا ؟ واش عملك ياسين"
جيهان لياسين " نقولو واش درت ؟"
ياسين ببرود "مذابينا ڨاع نعرفو واش دار القرين تاعي احم قصدي أنا واش درت"
هي طاحت دمعة من عينها محاتها بالخلف و قالت
"دخلو رجالك لدارنا و قتلو .. بنت خالي صغيرة يا ربي ماعندهاش ذنب واحد ياو قتلولها بلا رحمة و خويا أنيس راهو في صبيطار دخلوه للعملية بلا مانهدرو على الموتة و الجرحى اللي راهم في كوليناك "
أنت تقرأ
كوليناك - Culinak
Acciónمامعنى كوليناك ؟ .. كوليناك في دستورنا تعني الهلاك لك ، أما لنّا فهي النعيم ، كوليناك حيث لا مكان للهارب أو الأثيم .. كوليناك هي الياء في الميم ، جذورنا في الصميم إن أخطأت نرسلك الى الجحيم مهلا فإنّها قادمة ، تلك الحسناء .. تلك التي ترعى الياء...
