عشقي٢ ( MY LOVE 2)

الحلقة السابعة والثمانون

منزل روهان

كانت تقف امام مرئاتها تكمل زينتها استعدادا لاستقبال زوجها العائد بعد غياب ما يقرب من الشهرين لاداء مهمة من مهمات عمله ، لتبتسم ما ان تذكرت ابنتها الصغيرة وما فعلته حتي تقنعها بأن تذهب الي المدرسة التي كانت لا تريد الذهاب اليها لتكون في استقبال والدها الذي اشتاقت له ، لتذهب علي مضض ما ان وعدتها والدتها بأنه ما ان تعود سيكون والدها قد أتي لتظل معه كما تريد ...

لتنظر الي صورتها في المرايا لتبتسم ...

ميشتي : شكلك ناوية علي جنانه يا ميشو ، اعمل ايه حلوة وهو قمر ، وحشني اوي ، شهرين يا روهان وانت غايب عني ، امتي تيجي بقي ...

لتصمت علي صوت جوالها ، لتجيب بسرعة ...

ميشتي : ايوة يا حبيبي ، قربت والا ...

لتصمت ما ان سمعت صوت ضحكاتها ...

ميشتي "بخجل" : مامي ...

غوري : ايوة مامي اومال كنت فاكرة مين اللي هيكلمك دلوقت ...

ميشتي : سوري يا مامي بس اصل انا ...

غوري : عارفة ،ما تكمليش ، واضح من صوتك انك فرحانة ومش هسألك ليه عشان خلاص وصلتني الاجابة ...

ميشتي : انتي مش متخيلة يا مامي انا عاملة ازاي ، مش مصدقة انياخيرا هشوفه بعد شهرين غايب عني فيهم ...

غوري : ربنا يخلهولك يا حبيبتي وما يحرمكمش من بعض ...

ميشتي : يا رب يا مامي ...

غوري : اسمعي انا اتصلت اصلا عشان اطمنك ان اهان وامان وصلوا مع الدادة ...

ميشتي : معلش يا مامي ، انا عارفة انهم اشقية وهيتعبوكي انتي وبابي ...

غوري : يتعبوا مين ، دول حبايب قلبي ، ما تقلقيش عليهم وهم معايا ...

ميشتي : تسلميلي يا مامي ، انتي عاملة ايه وبابي والواد ريهان ...

غوري : انا كويسة بس اقولك ايه ، تصدقي ابوكي بيعلم ريهان الكدب ...

ميشتي "بصدمة" : ايه ، ازاي ...

غوري : البيه مش عايز يروح المدرسة وابوكي قال ايه عشان يقنعه يروح ، بيقوله يمثل انه تعبان ولما الميس تتصل بيه بيروح يهزر ويضحك معاها عشان ما تبلغنيش ...

لتنفجر ضحكا ...

غوري : انتي بتضحكي ...

ميشتي : بابي عمره ما هيتغير ، دا روهان قالي علي اللي كان بيعمله معاهم وهم صغيرين ، اونكل شيفاي كان بيشد شعره منه...

غوري : بس شيفاي لحق ولاده انما ريهان مين اللي هيلحقه من ابوكي ...

ميشتي : اونكل شيفاي برضو ...