قصه وطن

البارت الخامس

وطن بعد ما استمرت السياره تمشي بينه كم ساعه واحنخ مندري وين حياخذونه الطريق عباره عن صحراء ويخوف حيل المهم بعد ٣ ساعات نزلولنا بمكان ما بي بنايات بس مخيمات هيج قليل كم خيمه وكعدنا بوحده من الخيم طبعا الحشد ما جانو مقصرين ويانه وتعاملهم يخبل واشكالهم تفتح النفس مو مثل هذوليج الدواعش يعع لعبت نفسي من اشكالهم بس بعدني خايفه من منضر ابو فارس من رموو و وكع كبالنا منظر حيل يخوف كل ما يجي المنضر ببالي ابجي من الخوف والرهبه....

رتبنالنا مكان و بدلنا و غسلنا وهم جابولنا اكل جان الاكل عباره عن حلويات و فواكه لان مكان مكطوع وما بي شي حته يجيبولنا طبخ بس ع العموم أكلنا وشبعنا والحمد الله....

بعد مرور 5 ساعات~~

همام:كعدت لكيت اهلي نايمين والوقت فجر تقريباً الساعه 5الفجر
طلعت بره الخيمه لكيت شباب كاعدين وبيدهم بنادق واسلحه اني ما اخاف من الاسلحه ف من طلعت واحد منهم اجه تقرب من يمي وكال..
الحشداوي:هلا وليدي محتاج شي
همام:لا عمو بس كعدت واهلي كلهم نايمين كلت اطلع بره
الحشداوي:يا جثير الهلا بيك تعال اكعد يمنه لا تخاف انه بمثابه ابوك
همام:تسلم عمو ما تقصر

كعدوني يمهم وصبولي حليب وحلويات وكعدت آكل و حجه وياي الرجال
الحشداوي: وليدي عرفني عنك وعن عائلتك
همام:عمو اني عمري11 ادرس خامس ابتدائي وعندي بس اخت وحده اسمها وطن وعمرها17 وتدرس خامس علمي وبابا عمره 42 وماما عمرها38
الحشداوي:يا بعد روحي تشرفت بيكم كلكم اهلي وناسي وعلى راسي
انه اسمي علي من البصره واجينا هنا ندافع عن وطنا ومقدساتنا نلبي نداء الفتوى
همام:والنعم منكم عمو
علي:زين عمو انه اللي اعرفه اهل الموصل شوي لهجتهم تختلف عن لهجتنا شو انت لهجتك جنوبيه
همام: لانو اصل بابا وماما من البصره هم أولاد عم بس جدو ابو بابا نقلو شغله للموصل ف من اجو هنا غيرو محل الولاده وخلونا موصل لكن احنا اصلنا من الجنوب

علي:يا كل الهلا بيكم❤

همام:صار سكوت شوي واسمع صوت وطن وراي تصيح عليه

همام:ها وطن شتردين
وطن:انت شعندك طالع بهالوقت
همام:عيني انتي شعليج بيه ديله روحي دخلي
وطن:دسكت عني انت اكلك اني جوعانه
همام وشسويلج مثلاً

علي:هلا وطن تعالي يمنا اخليلج اكل وإكلي
وطن :ها لا مشكوريه خويه
علي:يابه انتي هنا بأمان لتخافين محد راح ياكلج
وطن:اوكي خويه مشكور...
رحت كعدا يمهم وكل شوي تجي عيني ع واحد شنو هذول شدعوه هيج حلوين ههههه باع اشكالهم عبالك ملائكه تمشي ع الأرض

شوي واني اطكها صفنات عليهم وارجع اكل نززني صوت واحد منهم..
ها خويه مضيعه شي بوجهي
وطن:ضحكت ورديت عليه لااا خويه بس اكول سبحان الخالق
يوسف:تسلمين يابه
وطن:احسني تفشلت شكو اكول هيج امداني😂
بس صدك هم ملائكه مو شباب😂

كملنا اكل تشكرت منهم ودخلنا اني وهمام يم بابا وماما سئلونا وين جنه وكلنالهم وبقوو يمدحون بالحشد ومن هالحجي انوب وره ربع ساعه طلع بابا يمهم
♡
♡
♡
يتبع....